2 Ŋ́kɛ́ ŋ́ɡɔ́ɔ ńtúu wɔ́p ŋɡɔ pɔ́p ɡʉ sẅíi pɑꞋ nu-nɛfɔɔ-Sɛ́ pɔ́nɛ, ḿbɛn ŋ́ɡɛ ɡɑŋɡɔɔ fíitɛ,
Yɛ́su ɡɔ́ ńtúu ɡɑŋntúu pɔnɛ ntsɔ̌ppɑ́ nɛ́ nɛɡɛ́m, ńcú mbɔ̌ pɔ́p ŋɡɔ: Kɔɔ pʉʉ ɡʉ tsɛt mɛlɑ́Ꞌ pʉɔ pínɛ pɔ́p kɑ́ pɔ́ Pɑyúdɑ pɔ́, kɔɔ pʉʉ kúu tsɛt mɛtʉ́sɔŋ Pɑsɑmɑlii.
Mbʉʉ-sɛ̂ndúŋ yi mɛcɔ́ mɛmbɑŋ vunɛ zúꞋu, pʉɔ pínɛ pɔ́p zúꞋ nu-nɛfɔɔ-Sɛ́, mbɔɔ zúꞋ tɛ ńzúꞋ pɔ́. Sɑ́ttɑ tɔ́, ɛ́fú tsɛt tʉ́m yɔ́p ńcẅɛɛtɛ.
Ɛ́ píkŋɛ ŋɡɔ Pɛ́ lɑ́Ꞌ ńcẅi wɔ Ŋkʉʉ sʉ́Ꞌnɛ-nu-nɛfɔɔ-Sɛ́ mbɑ ɡɔ́ lɑ́ ndǔ tsɛ́tsɑ́Ꞌ, nɛpɔ́ yi mɛlɑ́Ꞌ mɛlɑ́Ꞌ tsʉʉ ɡʉ ńzúꞋ, lɑ píi mbí ɡɔ́ɔ ŋ́kɛ́ ḿmɛ.
«Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»
Ŋ́ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Pʉʉ ɡʉ zʉꞋ tsʉʉ ndǔ mbí, ńcẅi Ŋkʉʉ Sʉ́Ꞌnɛ mbɔ̌ mbɑ wɛ́t ŋumɛsɔŋ lɑ́ kɛ́ vuꞋ wɛcɔ́.
Pɔ́p ḿbɔ́ ŋ́ɡʉ, ńnɛn ɛ́sɑ́Ꞌ ŋɡɔ: «Ɛ́ sɛ́ ḿbíkŋɛ ŋɡɔ pʉɔ tsʉʉ kúpmɛ mɑt.»
Yɔ nu lɛɛ, Yɛ́su tsɔ́Ꞌ pɛcɔ́ ɡɑŋku pɛ́ ntsɔ̌ppɑ́ mɛɡɛ́m sɑɑmbɑ́, ńtúu wɔ́p pɛ́pɑ́ pɛ́pɑ́ ŋɡɔ pɔ́p piitɛ ḿbɔ́ mbi ńnɛn tsɛt mɛtʉ́sɔŋ pɔ́p mɛzʉꞋ mi ɑ ŋ́ɡɛ ńdɛɛ zúꞋu.
«Pɛk púꞋ pɛ́pɛ́p yʉ́ʉ nǔu mɛku mɛk ŋɡɔ ɛ́ pɛn nzʉʉ ŋ́kúu tú pʉʉ, lɑ́ pʉʉ kɛ ńjí ŋɡɔ ŋkɑ́ yi Sɛ́ ɡɛ ńnyɛt nɛfɔɔ nɛ́ pɑ́ɑtɛ tɛ ḿbɔ́ nɛjɔ́ŋ pʉʉ.»
Gɑŋɡɔɔ pɔ́ zúꞋu pʉʉ ɡɛ pɔ́p fíitɛ, ńcú mbɔ̌ lɑ́Ꞌ ŋɡɔ: «Ŋkɑ́ yi Sɛ́ ɡɛ ńzɛ nɛnyɛt nɛfɔɔ nɛ́ pɑ́ɑtɛ tɛ ḿbɔ́ nɛjɔ́ŋ pʉʉ.»
Yɛ́su pɛn ńcú ŋɡɔ: «Jɑ̂ŋ kɑ ŋ́ɡɔ ńtɔ́, pɛ́ pɔ́ ńzúꞋ pɔ nɛpʉ́ʉ-Mɔ̌sɛ̂ɛ, pɔ́p mɛnu-pɛŋɡɛ́mndʉ̈ɔ́Ꞌ-Sɛ́, pɛ́ ŋkɔ̂ɔnɛ ḿbɔ́ ɛ́sɑ́Ꞌ Ŋkʉʉ sʉ́Ꞌnɛ ńdɔk ḿbʉ́ ŋɡɔ nɛfɔɔ-Sɛ́ zɛ nɛtɔ́. Mbɑ wɔ̌ lɑ́ sɛ́ ɛ́sɑ́Ꞌ tʉʉ nɛpɛ́m ŋɡɔ Sɛ́ tsʉ́Ꞌnɛ ɛ́sɑ́Ꞌ wɛ́.
Lɑ́Ꞌ jí, ńcʉ́ɔ nzʉʉ yɛ. A mɛɛ ḿbɛ́m, ńnɛn ɛ́sẅíi wɔ́p nɛ́ nu nǔu nɛfɔɔ-Sɛ́, ḿbɛn ŋ́ɡɛ pʉɔ pɛ́tsʉʉ pinɛ pɔ́p kɑ pɔ́ ńtsɑ́ɑ nɛfíitɛ fíitɛ.
