Lúkɑ́shi 9:11 - Kɑɑ Fí

¹¹ Lɑ́Ꞌ jí, ńcʉ́ɔ nzʉʉ yɛ. A mɛɛ ḿbɛ́m, ńnɛn ɛ́sẅíi wɔ́p nɛ́ nu nǔu nɛfɔɔ-Sɛ́, ḿbɛn ŋ́ɡɛ pʉɔ pɛ́tsʉʉ pinɛ pɔ́p kɑ pɔ́ ńtsɑ́ɑ nɛfíitɛ fíitɛ.

Lúkɑ́shi 9:11 교차 참조

Mɑtʉ̈ɔ 12:15

Yɛ́su pɔ́ tɛ ńjí, ɛ́fú zúꞋu ŋ́ɡʉ. Lɑ́Ꞌ cʉ́ɔ nzʉʉ wɛ́ tɛ ńzɑ́ɑ. A ɡɛ ɡɑŋɡɔɔ tsʉʉ pí ɛ́ tsɛt nɔɔ-lɑ́Ꞌ fíitɛ.

Mɑtʉ̈ɔ 14:14

A kúu zúꞋu, ɛ́fú tsɛt kɑnúꞋ ńcẅɛt, ńjʉ́ɔ nɔɔ-lɑ́Ꞌ, mɛjʉ́ŋ mɔ́p kɔ́ wɛ́. A zɛ nɛɡɛ ɡɑŋɡɔɔ pínɛ pɔ́p tsɛtsɛt pɔ́p fíitɛ.

Mɑtʉ̈ɔ 21:31

Pɔ́Ꞌ lɑ́, wɔ̌ nǔu mbɔ́ŋkʉ̈ɔ́ pɔnɛ pɛ́pɑ́ kɑ ɡɛnɛ yúu mi tɑ̌ɑ wɔp sɛ́ ŋ́kɔŋ? Pɛtɑ́tndɑ́-pɑnɔŋpɔꞋ pɔ́p pɛlʉ́m tsɛt lɑ́Ꞌ pʉ̈ɔt ŋɡɔ: Ɛ́ nduŋmbi. Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, pɑcẅɛ́ɛ ntsup-Lɔ́mɑ pɔ́p ɡɑŋɡɑ́ɑ pɑŋɡɛ́ sɛ́ ńjʉ́ pii nɛkúu nǔu nu-nɛfɔɔ-Sɛ́ ńtsɑ wʉ́ʉ,»

Mɑtʉ̈ɔ 21:43

Ɛ́ pɔ́Ꞌɔ, lɑ ɛ sẅíi wʉ́ʉ ŋɡɔ pɛ́ ɡʉ cẅɛ́ɛ zʉꞋ yʉ́ʉ tsɛt nɛfɔɔ-Sɛ́, ŋ́ɡɑ́ mbɔ̌ yɛcɔ́ túu yi ɛ́ ɡʉ ŋ́ɡɛ yúu mi Sɛ́ sɛ́ ŋ́kɔŋ.» [

Lúkɑ́shi 1:53

A lɔk yúu sʉ́Ꞌnɛ ńzẅík ɡɑŋnji kuꞋ, ńzuŋ ɡɑŋyúu pɔ́p ɡʉ mbɔ́ fɛ̌ɛ

Lúkɑ́shi 5:31

Yɛ́su pɑ́Ꞌ mbɔ̌ pɔ́p ŋɡɔ: «Ḿbɔ́ ŋu pɔɔ pɔ́ ntʉʉ ŋ́ɡʉ ńdɔɔ ŋɡɛmɛfu pɔ́. Ŋu ɡɔɔ lɑ ńdɔɔ wɛ́.

Lúkɑ́shi 8:1

Yɛ́su ɡɛ ḿbɔ́ ńnɛn tsɛt mɛtʉ́sɔŋ mbɑ tsɛt mɛlɑ́Ꞌ ɛ́sɑ́Ꞌ Ŋkʉʉ sʉ́Ꞌnɛ ńdɔk ńdɛꞋlɛ pɑꞋ nu-nɛfɔɔ-Sɛ́ pɔ́nɛ. Pɔ́p pɛ́ ɡɑŋku pɛ́ ntsɔ̌ppɑ́ nɛ́ nɛɡɛ́m pɔ́nɛ.

Lúkɑ́shi 8:10

A cú mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ jí nu nɛ́nẅín nǔu nɛfɔɔ-Sɛ́ yí ɛ́ kɑ lʉɔmɛ́nɛ. Lɑ́ ɛ́ ɡʉ nǔu pɛcɔ́ pʉɔ pɔ́p zúꞋ yɔ́p pɔ ndɑꞋ sɑknɛkɛt nɛɡɑɑ wɛ́, ŋ́kɛ́ ḿbɔɔ zúꞋ yúu mi pɛ́ lɔknɛ ńcú pɔ́. Ɛ́ lɔk ḿbuutɛ nǔu pɑ́Ꞌ pɛ́ kɑ ŋwɑꞋnɛnɛ tsɛt ŋwɑꞋnɛ-Sɛ́ ŋɡɔ: Pɔ́p ɡɛ ḿbɔ́ ńdíŋɛ zʉꞋ ḿbɔɔ jʉ́ɔ, ḿbɔ́ ńzúꞋ, lɑ́ ḿbɔɔ zúꞋ tɛ ńzúꞋ pɔ́.»

Lúkɑ́shi 9:10

Gɑŋntúu-Yɛ́su ɡɛ ḿbɛn nzʉʉ, ḿbɛ́ɛtɛ pɑꞋ pɔ́p fɑꞋnɛ pɔ́Ꞌɔ, ɛ́sẅíi wɛ́. Yɛ́su zúꞋ, ḿbɛn ɛ́fɑk wɔ́p, pɔ́p pɛpɔ́p tɛ́ɛ nɔɔ, ŋ́ɡʉ nɛ́ shʉ́ tʉ́sɔŋ-Mbɛtsɑyídɑ.

Lúkɑ́shi 9:12

TúꞋ ɡɛ ḿbɔ́ sʉ́ʉ, ɡɑŋku-Yɛ́su ntsɔ̌ppɑ́ nɛ́ nɛɡɛ́m tɔ́ ńcú mbɔ̌ wɛ́ ŋɡɔ: «Pɛkŋɛ zɑ́Ꞌnɛ pɑꞋɑ kɔ̂ŋtɛt, cú pʉɔ, Gʉ tsɛt mɛnjɛ́Ꞌ kɛmbɑ tsɛt mɛlɑ́Ꞌ kɛmbɑ tsɛt mɛtʉ́sɔŋ mi ɛ́ zɑꞋnɛ ńdɔ́ɔ yúu ŋ́kwɛ́t, ḿbɛn ńdɔ́ɔ zʉꞋ nɛlɛ́!»

Lúkɑ́shi 9:2

Ŋ́kɛ́ ŋ́ɡɔ́ɔ ńtúu wɔ́p ŋɡɔ pɔ́p ɡʉ sẅíi pɑꞋ nu-nɛfɔɔ-Sɛ́ pɔ́nɛ, ḿbɛn ŋ́ɡɛ ɡɑŋɡɔɔ fíitɛ,

Jɑ̂ŋ 4:34

Yɛ́su cú mbɔ̌ pɔ́p ŋɡɔ: «Yɑ́ɑ yúujʉ́ pɔ́ pɔ nɛɡɛ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ, mbɑ nɛmɛkŋɛ fɑꞋ yí ɑ kɑ ɡɑ́nɛ mbɔ̌ mɔ.»

Jɑ̂ŋ 6:37

Mbɑ wɔ̌ lɑ́ ẅi Tɑ̌ɑ mɔ ɡɑ́nɛ mbɔ̌ mɔ, ɑ ɡʉ ńtɔ́ ńtsɛ́t wɑ́ɑ. M bɛn ŋ́kɛ́ mbɔɔ lɑ́Ꞌ yɛcɔ́ lɛ́Ꞌ ńcẅɛɛtɛ ŋu ẅí ɑ tɔ́nɛ ńtsɛ́t wɑ́ɑ, ŋ́ɡɑ́ píi pɔ́.

ŊwɑꞋnɛ-Gɑŋntúu Yɛ́su Kɛlístɔ 28:31

A pɔ́ ɛ́sɑ́Ꞌ ɛ́sẅíi pʉɔ nɛ́ yúu mi nɛfɔɔ-Sɛ́ yɛ́tɛ́, ḿbɛn ńtsuŋ ńzíꞋ wɔ́p nɛ́ ŋu ẅí Tsɑpʉɔ Yɛ́su Kɛlístɔ jʉ́ pɔ sɑ́ɑnɛ sɑ́ɑnɛ́nɛ, wɛcɔ́ ŋu pɛn ŋ́kɛ́ mbɔɔ wɛ́ tɔꞋ.

Pʉɔ-Lɔ́mɑ 10:14

Lɑ́ mbɔ pʉɔ pɔɔ zɑ́p tʉ́m nǔu Tsɑpʉɔ pɔ́, ŋ́ɡɛ ŋɡɔ́ku lɑ ńdɑɑ ɛ́fúŋ wɛ́? Mbɔ pʉɔ pɛn ŋ́ɡɛ ŋɡɔ́ku ńzɑ́p tʉ́m nǔu Tsɑpʉɔ kɛ́ pɔ́ yi pɔ́p zúꞋ pɑ́Ꞌ ŋu sẅíinɛ nu-Tsɑpʉɔ mbɔ̌ pʉɔ? Mbɔ pʉɔ pɛn ńzúꞋ pɑ́Ꞌ pɛ́ sẅíinɛ nu-Tsɑpʉɔ ŋɡɔ́ku, kɛ́ pɔ́ yi ŋu ẅí ɑ ɡʉ ɛ́sẅíi nu-Tsɑpʉɔ ɡú?

Pʉɔ-Lɔ́mɑ 10:17

Pɛkŋɛ lɔk pɑ́Ꞌɑ ńjʉ́ɔ ŋɡɔ, nɛzɑ́p tʉ́m nǔu Kɛlístɔ fú pɔ nǔu Ŋkʉʉ ẅí ŋu zúꞋnɛ. Ŋu ɡɔ́ ńzúꞋ ẅîwɑ́ Ŋkʉʉ, mbɔ ŋu cúnɛ.

Pʉɔ-Lɔ́mɑ 15:3

Kɛlístɔ kɑ zɛɛ ḿbɔɔ lɔɔ pɔ yúu mi ɛ́ pɔŋnɛ pɔ ndɑꞋ wɛ́ pɔ́. Tɛ ńtsʉ́Ꞌ pɔ́Ꞌɔ, mbɔ ɑ kɑ pɛ́m yúu mi pɛ́ cúnɛ tsɛt ŋwɑꞋnɛ-Sɛ́ ŋɡɔ: «Nzɔɔmɛ-pɑzɔɔtɛ wú kɑ vu tú mɔ».

2 Timɔtɛ́ɛ 4:2

«Sɑ́Ꞌ Ŋkʉʉ Sʉ́Ꞌnɛ-Sɛ́, ńtsuŋ ńzɛ́plɛ ŋkɑ́ yi pʉɔ kɔŋnɛ nɛzúꞋ, kɛ mbɑ ŋkɑ́ yi pɔ́p ŋ́kɔŋ nɛzúꞋ pɔ́, ɔ sɑ́Ꞌ sɑ́Ꞌnɛ. Ŋu fɑɑnɛ nu ɔ kɑkŋɛ wɛ́, ɛ́sɑ́Ꞌ ńdɔk ḿbɑpmɛ wɔ́p, ɛ́sɑ́Ꞌ ńdɔk ńníꞋ mɛtʉʉ mɔ́p. Kɑ́t ŋ́ɡɛ pɔ́Ꞌɔ, ńdɔk sʉktʉ́m ńzíꞋ pʉɔ nɛ́ yúu.

Ɛ́bɛlʉʉ 4:16

Pɔ́Ꞌɔ lɑ́, kɔɔ pɛkŋɛ mʉꞋlɛ nɛkẅɛ́Ꞌlɛ ŋ́ɡʉ nɛ́ zʉꞋ yi kɔꞋ-nɛfɔɔ-Sɛ́ zúꞋu, nɛlɔk pɔ́Ꞌɔ, ḿbɔ́ nɛjɔ́ŋ jʉ́ Sɛ́ ẅí ɑ ɡẅɛɛnɛ pɔŋtʉ́m. Pɛkŋɛ kẅɛ́Ꞌlɛ pɔ́Ꞌɔ, lɑ Sɛ́ tsɑ́ɑ mɛjʉ́ŋ mɛkŋɛ, ńnyɛt wɛkŋɛ nɛ́ pɔŋtʉ́m yɛ́, ḿbɔ́ ńcẅɛ́lɛ wɛkŋɛ nǔu ŋkɑ́ yi pɛkŋɛ jɑ́knɛ nɛɡɛ.