48 Yɛ́su cú mbɔ̌ wɛ́ ŋɡɔ: «Mɔ́ɔ wɑɑ, ntɛ́ yi ɔ lɔknɛ ńzɑ́p tʉ́m nǔu mɔ ɡɛ ɔ fíitɛ, ɡʉ nɛ́ mbɔ́tnɛ!»
A kɛ́ ńdɑ́Ꞌ mbɔɔ pʉ̈ɔ́Ꞌ kɛkɑꞋ yí ɛ́ ŋɔ́Ꞌnɛ́nɛ pɔ́, ŋ́kɛ́ mbɔɔ pík múk nǔu lɑ̂m ẅí ɛ́ ɡʉ ḿbɛ́ pɔ́, ŋ́kɛ́ ńdɑ́Ꞌ ŋ́ɡɛ pɔ pɔ́Ꞌɔ, tɛ ŋ́ɡɛ ŋɡɔ nu nɛ́nẅín jʉ́ lɑ́Ꞌ tsʉʉ.
Yɛ́su pɛn ńcú mbɔ̌ tɑ́tndɑ́-ntsɔ ŋɡɔ: «Pɛn nɛ́ njɛ́Ꞌ wu! Pɑ́Ꞌ ɔ zɑ́pnɛ tʉ́m nǔu mɔ lɑ́, yúu mi ɔ tsɑ́ɑnɛ ɡʉ ḿbɔ́ pɔ́Ꞌɔ.» Ńcú pɔ́Ꞌɔ, mɔ́ŋkʉ̈ɔ́-fɑꞋ-tɑ́tndɑ́-ntsɔ ɡɔ́ɔ ɛ́fíitɛ pɔ ŋkɑ́ ɛ̂yɑ́, ŋkɑ́ ɛ̂yɑ́.
Ŋ́kúu zúꞋu, pɛ́ lɔk wɛcɔ́ ŋɡɑŋkẅíꞋlɛ ńtɔ́, ɑ nɔɔ ndǔ pɑ́ŋtɛ. Yɛ́su jʉ́ɔ ntɛ́ yi, mbɛ́ɛnɛ yí pɔ́p lɔknɛ wɛ́ ńtɔ́, lɔknɛ ńzɑ́p tʉ́m nǔu wɛ́, ńcú mbɔ̌ ŋɡɑŋkẅíꞋlɛ ŋɡɔ: «Mɔ́ɔ wɑɑ kɔɔ pɔ́k! Pɛ́ likŋɛ mɛnu kɛpɔŋ mú ŋ́ɡɑ́ mbɔ̌ ɡu.»
Yɛ́su shɔtnɛ, ńjʉ́ɔ wɛ́, ńcú mbɔ̌ wɛ́ ŋɡɔ: «Mɑ́ɑ, kɔɔ pɔ́k, ntɛ́ yi ɔ lɔknɛ ńzɑ́p tʉ́m yú nǔu mɔ lɑɑ, ɡɛ ɔ fíitɛ.» A ɡɔ́ɔ ɛ́fíitɛ pɔ ŋkɑ́ ɛ̂yɑ́ ŋkɑ́ ɛ̂yɑ́.
Yɛ́su cú mbɔ̌ wɛ́ ŋɡɔ: «Mɔ́ɔ wɑɑ, pɑꞋ ɔ zɑ́pnɛ tʉ́m yú nǔu mɔ lɑ́, ɔ fíitɛ, ɡʉ nɛ́ mbɔ́tnɛ, ɡɔɔ yú mɛ.»
Pɔ́Ꞌɔ, Yɛ́su ɡɔ́ɔ ŋ́kɛ́ ńcú mbɔ̌ ŋu-Sɑmɑlîi ɛ̂wɑ́ ŋɡɔ: «Lɔ sɛ́ ŋ́ɡʉ, Sɛ́ ɡɛ ɔ luk, ntɛ́ pɑꞋ ɔ zɑ́p tʉ́m yú nǔu mɔ.»
Yɛ́su cú mbɔ̌ wɛ́ ŋɡɔ: «Pɛn ńjʉ́ɔ zʉꞋ! PɑꞋ ɔ zɑ́pnɛ tʉ́m yú nǔu mɔ lɑ́, ɔ fíitɛ!»
Yɛ́su pɛn ńcú mbɔ̌ mɑŋɡɛ́ ɛ̂wɑ́ ŋɡɔ: «Ɔ luk ndɔɔ-mɛnu kɛpɔŋ mú, mbíꞋŋɡɔ ɔ zɑ́p tʉ́m yú nǔu mɔ. Gʉ nɛ́ mbɔ́tnɛ.»
Mɑŋɡɛ́ ɛ̂wɑ́ jʉ́ɔ pɑ́Ꞌ Yɛ́su píitɛnɛ ńjí, ńzɛ nɛɡwɛt, ńtɔ́ ńnɔɔ mɛku-Yɛ́su, ŋ́ɡɔ́ɔ ḿbɛ́ɛtɛ mbi lɑ́Ꞌ, ɛ́sẅíi wɛ́ yúu mi ɛ́ ɡɛnɛ lɑ ɑ kuu wɛ́, ŋ́kuplɛ wɛ́ pɔ́Ꞌɔ ɛ́fíitɛ.
A pɔ́ yɛcɔ́ lɛ́Ꞌ, ḿbɔ́ ńzẅíꞋlɛ sẅiŋɛ yí Pɔ̂l ḿbɔ́ ńcú. Pɔ̂l tík mík nǔu wɛ́, ńjʉ́ɔ ɑ pɔ́ ńzɑ́p tʉ́m nǔu Sɛ́ tɛ ḿbɔ́ yi ɛ́ lɑɑ ḿbɔ́ Sɛ́ ɡɛ ɑ fíitɛ.
Mɔ, ŋ ɡʉ ŋ́ɡɛ ḿbɔ́ mbɔ̌ pʉʉ ḿbɔ́ tɑ́t wʉʉ, Pʉʉ pɔ́ mbɔ̌ mɔ, ḿbɔ́ pɔ́ɔ pɑ́ɑ pɛ́ mbɛ́ɛnɛ mbɑ pɛ́ pɑŋɡɛ́, Tsɑpʉɔ, ŋɡɑŋmɛtʉʉ tsʉʉ cúnɛ.
Pɛkŋɛ kɑ zɛɛ ḿbɛn ńzúꞋ yɛkŋɛ Ŋkʉʉ Sʉ́Ꞌnɛ ɛ̂wɑ́ pɔ pɑ́Ꞌ pʉɔ pi pɔ́p kɑ pɔ́ kɔ̂ŋtɛt kɑ zúꞋnɛ yɔ́p. Lɑ́ pɔ́p kɑ kɛ́ ńzúꞋ yɔ́p ɛ́ pɔɔ wɔ́p cẅɛ́lɛ́, mbíꞋŋɡɔ pɔ́p ŋ́kɑɑ zɑ́p tʉ́m yɔ́p nǔu pɔ́.
