Lúkɑ́shi 8:3 - Kɑɑ Fí

³ ŋ́ɡɛ Jɑ̂ɑnɛ, nzwɛ́-Shuzɑ ẅi ɑ ḿbɔ́nɛ mbyɛ́pntɑŋ-fɔɔ Ɛlɔ̂dɛ, tɛ mbɑ Susɑ́nɑɑ, ŋ́ɡɛ pɛcɔ́ pɑŋɡɛ́. Pɔ́p pɛ́tsʉʉ pɔ́ nzʉʉ Yɛ́su ńdɔk mɛyúu mi pɔ́p ɡẅɛɛnɛ ńtɔ́ɔtɛ Yɛ́su pɔ́p ɡɑŋku pɛ́ nǔu fɑꞋ yɔ́p.

Lúkɑ́shi 8:3 교차 참조

Mɑtʉ̈ɔ 14:1

Ɛ́ pɔ́ ŋkɑ́ ɛ̂yɑ́, Ɛlɔ̂dɛ ẅí ɑ kɑ pɔ́ ɛ́sɑ́Ꞌ pɑk-ŋɡɔŋ-Ŋɡɑlilɛɛ zúꞋ pɑ́Ꞌ pɛ́ kẅíinɛ lík-Yɛ́su ntɛ́ mɛnu mi ɑ sɛ́ ŋ́ɡɛ,

Mɑtʉ̈ɔ 14:3

Ɛlɔ̂dɛ cú pɔ́Ꞌɔ, mbíꞋŋɡɔ ɑ kɑ ɡɛ pɛ́ ɡẅɛɛ Jɑ̂ŋ, ŋ́kút wɛ́ ńníꞋ wɛ́ ndɑ́tsɑ́ŋ, mɛlɑ́Ꞌ Ɛlɔ̂díyɑ ẅí ɑ m̄bɔ́nɛ nzwɛ́-Fílîp, mɔ́ɔmɑ́ pɛ́ Ɛlɔ̂dɛ ɛ̂wɑ́.

Mɑtʉ̈ɔ 14:6

Ɛ́ ɡɛ ḿbɔ́ lɛ́Ꞌ-ndínɑ, nɛlɔk ŋ́kẅíitɛ lɛ́Ꞌ yi pɛ́ kɑ pínɛ fɔɔ Ɛlɔ̂dɛ. Mɔ́ɔ-Ɛlɔ̂díyɑ wɛ mɑŋɡɛ́ nʉŋ mbi pɛɡʉʉ-ndínɑ. Nu pɔŋ fɔɔ Ɛlɔ̂dɛ,

Mɑtʉ̈ɔ 2:11

ńjɛ́Ꞌ ŋ́kúu tsɛt ndɑ́, ńjʉ́ɔ mɔ́ɔ pɔ́p mɑ́ wɛ Mɑlíyɑ, ŋ́kẅíꞋlɛ sɛ́, ŋ́ɡɑ́ mɛkuꞋ-mɔ́ɔ ḿbɛn ńtɑꞋ pɑɑ yɔ́p, ńníꞋ shɔŋ-mɔ́ɔ nɛ́ yúu pɑ́Ꞌ tʉ́n-ŋɡɔ̂l pɔ́p yɛcɔ́ tʉʉndɛn lii ntɛ́ yɛ́pɑ́.

Mɑtʉ̈ɔ 20:8

Ŋkɑ́ nɛtsɔ́Ꞌ fɑꞋ kuꞋ, ŋɡɑŋkɑ́Ꞌ cú mbɔ̌ ŋu ẅí ɑ líŋɛ́nɛ yúu pɛ́ ŋɡɔ: «Fúŋ ɡɑŋfɑꞋ, ŋ́ɡɑ́ ŋkɑ́p yɔp, zɛ nǔu pʉɔ pínɛ ɛ fúŋnɛ wɔ́p nǔu fɑꞋ pɔ nzʉʉ lɑ́, ŋ́ɡʉ ŋ́kúu nǔu pʉɔ pínɛ n dɑ́Ꞌ ńzɛ nǔu pɔ́p.»

Mɑtʉ̈ɔ 25:40

Fɔɔ pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ ɔɔ yi pʉʉ kɑ ɡɛnɛ mɔnɛ mɛnu, nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ lɑ́, mbɔ pʉʉ kɑ pɔ́ ŋ́ɡɛ pɔ nǔu mɔ.»

Mɑtʉ̈ɔ 26:11

Pʉʉ ɡʉ ḿbɔ́ ńjʉ́ɔ pɛpúŋ pɔ ŋkɑ́ tsʉʉ, lɑ́ ŋ́ɡʉ nǔu mɔ, mbɔ pɛkŋɛ kɛ́ pɔ́ ŋkɑ́ tsʉʉ pɔ́.

Mɑtʉ̈ɔ 27:55

Pɑŋɡɛ́ tɛ ńzɑ́ɑ tʉ́ʉ ŋɡɑ sɛsɑ ḿbɔ́ ńdíŋɛ, mbɔ pɔ́p kɑ pɔ́ nzʉʉ-Yɛ́su tɛ ɛ́fú Ŋɡɑlilɛɛ, ńnɛn ńtɔ́ɔtɛ wɛ́.

Lúkɑ́shi 24:10

Pɑŋɡɛ́ ɛ̂pɑ́ ḿbɔ́ Mɑlíyɑ ẅi ɑ ḿbɔ́ ńnɑ́ŋ Mɑkdɑlɑ, ŋ́ɡɛ Jɑ̂ɑnɛ, mbɑ Mɑlíyɑ mɑ́ pɛ́ Jɑ̂k, pɔ́p pɛcɔ́ pɑŋɡɛ́. Pɔ́p pɛ́ɛtɛ mɛnu ɛ̂mɑ́ ɛ́sẅíi ɡɑŋntúu-Yɛ́su.

Jɑ̂ŋ 12:6

Júdɑs ŋ́kɑ́ɑ ḿbɔ́ ńcú pɔ́Ꞌɔ, síi ḿbɔɔ ńtsɑ́ɑ pɛpúŋ pɔ́, lɑ́ ɑ kɑ pɔ́ ntsɔ́ŋ, mbíꞋŋɡɔ jʉ́ m̄bɔ́nɛ ŋ́ɡẅɛɛ mɔ́ɔpɑɑ-ŋkɑ́p yɔp pɛ́ Yɛ́su, pɛ́ pɔ́ níꞋ ŋkɑ́p tsɛtú ɑ jʉ̈ɔ.

ŊwɑꞋnɛ-Gɑŋntúu Yɛ́su Kɛlístɔ 13:1

Ɛ́ m̄bɔ́ tsɛt cúlɛ-pʉɔ-Kɛlístɔ yi ɛ́ m̄bɔ́nɛ tʉ́sɔŋ-Antíyɔshɛ, pɛŋɡɛ́mndʉ̈ɔ́Ꞌ-Sɛ́ pɔ́ zúꞋu, ŋ́ɡɛ pɑzíꞋ pʉɔ nɛ́ nu-Sɛ́. Yɔ m̄bɔ́ Pɑnɛpɑ́ɑshi, ŋ́ɡɛ Símɛyɔ̂ŋ ẅí pɛ́ fúŋnɛ wɛ́ ŋɡɔ Shíshíŋu, ŋ́ɡɛ Lusius, mɔ́ɔ-pɑk-ŋɡɔŋ-Silɛ̂nɛ, ŋ́ɡɛ Mɑnɑyɛn ẅí pɔ́p Ɛlɔ̂dɛ ẅí ɑ m̄bɔ́nɛ ŋɡɔ́mnɑɑ Ŋɡɑlílíyɑ kɑ ɡúꞋnɛ, ḿbɛn ŋ́ɡɛ Sɔ̂l.

2 Kɔlɛ̂ŋtɛ 8:9

Pʉʉ zɛɛ ḿbɔ́ ńjí yúu mi Tsɑpʉɔ Yɛ́su Kɛlístɔ kɑ lɔknɛ pɔ tʉ́m sʉ́Ꞌnɛ ŋ́ɡɑ́. A kɑ ɡẅɛɛ yúu tsʉʉ, lɑ́ ńtsʉ́Ꞌ mbúŋ mbíꞋ wʉ́ʉ, pɑ́Ꞌ pʉʉ ɡʉ ɛ́fú nǔu púŋ yɛ́, ńtsʉ́Ꞌ pʉɔ pi Sɛ́ ɡɑ́nɛ yúu yɛ́ mbɔ̌ pɔ́p tɛꞋ.

Filipɛ 4:22

Pʉɔ-Kɛlístɔ tsʉʉ cɛꞋlɛ wʉ́ʉ, n cú pɑ́Ꞌɑ kɛ́ likŋɛ cɛꞋlɛ yɛ́ pʉɔ-Kɛlístɔ pi pɔ́p ntɔ́Ꞌ-Kɑ́sɑ.

1 Timɔtɛ́ɛ 5:10

Ɛ́ píkŋɛ ŋɡɔ ɑ pɔ́ ẅí pʉɔ sɛ́ ḿbɛ́m wɛ́ mbíꞋ mɛfɑꞋ sʉ́Ꞌnɛ mɛ́, ɑ pɔ́ ẅi ɑ cúꞋlɛ́nɛ mbɔ́ŋkʉ̈ɔ́ pɛ́ sʉ́Ꞌnɛ, ḿbɔ́ ẅi ɑ ŋ́kúkŋɛ́nɛ pɛɡʉʉ njɛ́Ꞌ yɛ́, ẅí ɑ ɛ́suknɛ mɛku-pʉɔ-Kɛlístɔ, ḿbɔ́ ẅi ɑ ńcẅɛ́lɛ́nɛ pɛɡɑŋŋɡʉ̈ɔ́Ꞌ, ḿbɛn ḿbɔ́ ẅi ɑ ɡɛnɛ pɔ nu sʉ́Ꞌnɛ.