21 A tsɔ́Ꞌ ŋɡɔ: «Mɑ́ wɑɑ pɔ́p pɔ́ɔpɛ́mɑ́ pɑ́ɑ pʉɔ pinɛ pɔ́p zúꞋnɛ nu-Sɛ́, Ḿbɛn ŋ́ɡɛ pɑꞋ sẅiŋɛ ɛ̂yɑ́ sɛ́ ḿbíkŋɛ.»
A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»
Fɔɔ pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ ɔɔ yi pʉʉ kɑ ɡɛnɛ mɔnɛ mɛnu, nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ lɑ́, mbɔ pʉʉ kɑ pɔ́ ŋ́ɡɛ pɔ nǔu mɔ.»
Fɔɔ tsɔ́Ꞌ mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ lɑ́ yi pʉʉ ŋ́kɑɑ ɡɛ mɔnɛ mɛnu nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ pɔ́, mbɔ pʉʉ ŋ́kɑɑ pɛn ŋ́ɡɛ yúu nǔu mɔ pɔ́.»
Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Kɔɔ pʉʉ pɔ́k.» Pʉʉ ɡʉ ńcú mbɔ̌ pɔ́ɔpɛ́mɑ́ pɑ́ɑ, ŋɡɔ pɔ́p ɡʉ nɛ́ Ŋɡɑlilɛɛ, ŋɡɔ pɔ́p ɡʉ ńjʉ́ɔ wɑ́ɑ pɔ zúꞋu.
Mbiyúu mi ɛ́ vunɛ nǔu tsɛ́tsɑ́Ꞌ sʉ́Ꞌnɛ lɔk ḿbɔ́ pʉɔ pinɛ pɔ́p zúꞋ sẅíŋɛ-sɛ́, ḿbɛ́m nɛ́ tʉ́m sʉ́Ꞌnɛ, ŋ́ɡɛ pɑꞋ ɛ́ sɛ́ ḿbíkŋɛ, ḿbɛn ḿbɔ́ ɛ́sɑ́Ꞌ tʉʉ nɛɡẅɛɛ ŋkɑ́ tsʉʉ, ḿbɛn ḿbɔ́ ńzɛ́m ntɑ́ɑ.»
Pɛ́ tɔ́, ńcú mbɔ̌ Yɛ́su ŋɡɔ: «Mɑ́ wu pɔ́p pɔ́ɔpɛ́mɑ́ pú pɔ́p píilíinɛ ḿbɔ́ ńdɔ́ɔ nɛjʉ́ɔ wú.»
Pɑ́Ꞌ pʉʉ sɛ́ ńjí ŋkɔ̂ɔnɛ lɑ́, pʉʉ lɑɑ ŋ́ɡɛ pɔ́Ꞌɔ, mbɔ pʉʉ pɛpɔ́ttú.
Yɛ́su cú mbɔ̌ wɛ́ ŋɡɔ: «Kɔɔ lɑ́ɑtɛ wɑ́ɑ, mbíꞋŋɡɔ n zɛɛ ḿbɛ́t kɛ́ kɔ́Ꞌ tɛ ŋ́kúu nɛjɔ́ŋ Tɑ̌ɑ. Kɛ́ ŋ́ɡʉ ńjʉ́ɔ pɔ́ɔpɛmɑ́ pɑ́ɑ, ńcú mbɔ̌ pɔ́p ŋɡɔ: Mɔ kɔ́Ꞌ nɛ́ nɛjɔ́ŋ Tɑ̌ɑ ẅi ɑ pɛn ḿbɔ́ Tɑ̌ɑ wʉʉ. Nɛjɔ́ŋ Sɛ́ wɑɑ ẅi ɑ pɛn ḿbɔ́ Sɛ́ wʉʉ.»
Pɑ́Ꞌ ɛ́ pɔ́Ꞌɔ lɑ́, pɛk nǔu ŋkɔ̂ɔnɛ ńtsʉ́Ꞌ ḿbɔ́ɔ ńjí ŋu pɔ nǔu ntɛ́ yi pʉɔmɛsɔŋ lɔknɛ ńjí ŋu pɔ́. Ɛ́ lɑɑ ḿbɔ́ yi pɛk kɑ zɛɛ ńjí Kɛlístɔ nǔu yîyɑ́ ntɛ́, mbɔ pɛk ŋkɔ̂ɔnɛ ḿbɔɔ ḿbɛn ḿbɔ́ ńjí wɛ́ pɔ́Ꞌɔ pɔ́.
Mɔ, ŋ ɡʉ ŋ́ɡɛ ḿbɔ́ mbɔ̌ pʉʉ ḿbɔ́ tɑ́t wʉʉ, Pʉʉ pɔ́ mbɔ̌ mɔ, ḿbɔ́ pɔ́ɔ pɑ́ɑ pɛ́ mbɛ́ɛnɛ mbɑ pɛ́ pɑŋɡɛ́, Tsɑpʉɔ, ŋɡɑŋmɛtʉʉ tsʉʉ cúnɛ.
Kɔɔ pʉʉ pɔ́ pɑzúꞋ sẅíŋɛ-Sɛ́ zúꞋnɛ ndɑꞋ, pʉʉ ɡɛ yúu mi sẅiŋɛ ɛ̂yɑ́ cúnɛ ŋɡɔ pʉʉ ɡɛ. Tɛ ɛ́ pɔ́ɔ pɔ́Ꞌɔ pɔ́, mbɔ pʉʉ ɛ́shɔtnɛ fʉ́klɛ mɛmbʉʉ mʉ́ʉ.
Pʉʉ sɛ́ ńjí ŋɡɔ Kɛlístɔ ɡɛ yúu mi ɛ́ ndʉ́ŋndʉŋ mbi Sɛ́, pɔ́Ꞌɔ lɑ́ pʉʉ pɛn ńjí ŋɡɔ ŋu lɑɑ ŋ́ɡɛ yúu mi ɛ́ ndʉ́ŋndʉŋ mbi Sɛ́, mbɔ ɑ ɡʉ ńtsʉ́Ꞌ mɔ́ɔ-Sɛ́.
Súu wɑɑ wɛ tʉʉndɛn, pɑ́ɑ nɛpɛ́ɛ fʉꞋ-nu kɛpɔŋ, pɛ́ɛ pɔ fʉꞋ-nu sʉ́Ꞌnɛ. Ŋu ẅí ɑ ɡɛnɛ nu sʉ́Ꞌnɛ ɑ mɔ́ɔ-Sɛ́, ŋu ẅí ɑ ɡɛnɛ nu kɛpɔŋ ɑ kɑ́ jí Sɛ́ pɔ́,
