Lúkɑ́shi 7:6 - Kɑɑ Fí

⁶ Yɛ́su zúꞋ, ńdɔ sɛ́, pɔ́p pɛ pɔ́p ɡʉ, ŋ́ɡʉ tɛ ńtsʉ́Ꞌ nɛkúu njɛ́Ꞌ-tɑ́tndɑ́-ntsɔ ɛ̂wɑ́, ḿbuutɛ pɛcɔ́ pʉɔ pinɛ tɑ́tndɑ́-ntsɔ túunɛ. Pɔ́p cú mbɔ̌ wɛ́ ŋɡɔ: «Tsɑpʉɔ, tɑ́tndɑ́-ntsɔ mbɑɑ ŋ́ɡɔ, kɔɔ pɑ́klɛ mbʉʉ yu ŋɡɔ ɔ ɡɛ ŋ́ɡʉ ndɑ́ yɛ, ŋɡɔ ɑ kɑ́ kuꞋ ŋu ẅí ḿbɔ́ ɔ tɔ́k tɛ ŋ́kúu ndɑ́ yɛ pɔ́.»

Lúkɑ́shi 7:6 교차 참조

Mɑtʉ̈ɔ 20:28

Ndʉ́ŋndʉŋ pɑ́Ꞌ Mɔ́ɔ-Ŋu ŋkɑɑ tɔ́ ndǔ tsɛ́tsɑ́Ꞌ, pɔ pɑ́Ꞌ pʉɔmɛsɔŋ ɡʉ ɛ́fɑꞋ mbɔ̌ wɛ́ pɔ́, ɑ kɑ tɔ́ pɔ nɛfɑꞋ mbɔ̌ pʉɔmɛsɔŋ, ɛ́fɑꞋ fɑꞋ tɛ ḿbɛn ŋ́ɡɑ́ tú yɛ́ nɛlɔk ńtsúꞋ pʉɔ tɛ ńzɑ́ɑ.»

Mɑtʉ̈ɔ 3:11

Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ tsɛt ŋki, nɛlɔk ńnyɛt ŋɡɔ pʉʉ kúpmɛ mɑt. Lɑ́ ŋu ẅí ɑ nzʉʉ mɔ ḿbɔ́ ńtɔ́, ɡʉ ńtɔ́ yɛ́ ńníꞋ pʉɔ mbɔ̌ Zẅikŋɛ Lɛ́ɛnɛ́nɛ, ńníꞋ pʉɔ tsɛt múk. A tsɑ wɑ́ɑ, tɛ ŋ kɑ́ kuꞋ nɛsɔt mɛtɑp mɛ́ pɔ́.

Mɑ́lɛ́kúshi 5:24

Yɛ́su pɛ́m, pɔ́pmɛ́ cʉ́ɔ sɛ̂ndúŋ ḿbɔ́ ŋ́ɡʉ, lɑ́Ꞌ pɔ́ sɛ̂ndúŋ tɛꞋ, ḿbɔ́ ɛ́fyɛ́t Yɛ́su.

Lúkɑ́shi 5:8

Simɔ̂ŋ Pyɛ̂ jʉ́ɔ yɔ nu jʉ́ɔnɛ, tɛ ŋ́ɡʉ ńnɔɔ mɛku-Yɛ́su, ŋ́ɡẅɛɛ mɛkẅíꞋlɛ mɛ́, ńcú mbɔ̌ wɛ́ ŋɡɔ: «Tsɑpʉɔ, sɛ́sẅíi, fú nɛjɔ́ŋ mɔ ŋ́ɡʉ! Mɔ pɑ́Ꞌ ḿbɔ́ ŋu kɛpɔŋ.»

Lúkɑ́shi 7:4

Pɔ́p ɡʉ tɛ ŋ́kúu nɛjɔ́ŋ Yɛ́su, ńtsuŋ ḿbúꞋ mbɔ́ mbɔ̌ wɛ́ ńcú ŋɡɔ: «Tɑ́tndɑ́-ntsɔ ẅí ɑ túunɛ wɛk, ɑ kuꞋ ŋu ẅí ɛ́ lɑɑ ḿbɔ́ ɔ cẅɛ́lɛ́ wɛ́.

Lúkɑ́shi 7:5

A kɔŋ lɑ́Ꞌ yɛkŋɛ kɔŋnɛ tɛ mbɔ ɑ kɑ kút ndɑ́-cúꞋlɛ mbɔ̌ pɛk.»

Lúkɑ́shi 7:7

Ɛ́ yúu mi ɛ́ ɡɛnɛ, lɑ kwɑꞋ jʉ́ pɔɔ tsɔ́Ꞌ mɛku mɛ́ ńtɔ́ ńjʉ́ɔ wú pɔ́. Ŋ́ɡɔ sɛ́sẅíi, tʉ́ʉ pɑ́Ꞌ, ńcú nɛ́ ntsu, mɔ́ŋkʉ̈ɔ́ wɛ fíitɛ;

Lúkɑ́shi 8:49

Ḿbɔ́ ńcú mbɔ̌ wɛ́ pɔ́Ꞌɔ, ŋu fú njɛ́Ꞌ-Yɑyɛ́lɔ ńcú mbɔ̌ Yɑyɛ́lɔ ŋɡɔ, kɔɔ pɛn ḿbɑ́klɛ Tsɑpʉɔ níinɛ, mɔ́ɔ nu pfú.

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

Jɑ̂k 4:10

Pʉʉ kɔk mbʉʉ yʉʉ ŋ́ɡɑ́ sɛ́ mbi Tsɑpʉɔ, ɑ pʉꞋ wʉ́ʉ.

Jɑ̂k 4:6

Lɑ́, Sɛ́ kɑ lɑ́Ꞌ mɔ́ ŋ́ɡɑ́ fuꞋ níinɛ yʉkŋɛ, pɔŋtʉ́m yɛ́ nzʉʉ pɛkŋɛ ɡúꞋ ńdɛɛ kʉ̈ɔ́ lɑ́. ŊwɑꞋnɛ-Sɛ́ zɛɛ ńcú ŋɡɔ: «Sɛ́ lʉꞋ pɑŋɑ́Ꞌlɛ mbʉʉ lʉꞋnɛ, ŋ́kɛ́ ńdɔk pɔŋtʉ́m ńdíŋɛ pʉɔ pí pɔ́p kɔknɛ mbʉʉ yɔp ŋ́ɡɑ́ sɛ́.»