42 A kɑ kɑ́, ńjʉ́ɔ pɔ́p pɔɔ kuꞋ nɛtɔŋɛ pɔ́, ɑ cú ŋɡɔ ɑ kɛ́ lɑ́Ꞌ ḿbɛn ŋ́kɑ́ ŋkɑ́p yîyɑ́ pɔ́, ŋ́ɡɔ́ɔ ńnɑ́ mbɔ̌ pɔ́p. Ɔ jʉ́ɔ yú ŋɡɔ wɛ́t ŋu nǔu pɔ́p pɛ́pɑ́ ɡɛ ŋ́kɔŋ ŋɡɑŋ-ŋkɑ́p ɛ̂wɑ́ tɛꞋ?
Mɛjʉ́ŋ mɛ́ kɔ́ fɔɔ, ɑ nɑ́ ŋkɑ́p yɛ́ mbɔ̌ wɛ́, ńnɑ́ wɛ́ ɑ ɡʉ.
Yɔ nu tsuŋ ńzɑ́ŋ fɔɔ, ɑ túu pɛ́ ɡʉ ńníꞋ wɛ́ tsɑ́ŋ, ḿbɔ́ ńnyɛt wɛ́ nɛ́ ŋɡʉ̈ɔ́Ꞌ tɛ ŋ́kúu ŋkɑ́ yi ɑ ńtɔŋɛ yɛ nzɔ́.
likŋɛ mɛfɑɑnɛ mɛ́k, ŋ́ɡɑ́ mbɔ̌ pɛk, pɑ́Ꞌ pɛk sɛ́ ńdikŋɛ yɛ́k ŋ́ɡɑ́ mbɔ̌ pʉɔ pi pɔ́p ɡɛnɛ nǔu pɛk lɑ́.
Simɔ̂ŋ tsɔ́Ꞌ ŋɡɔ: «Ŋ kwɑŋɛ ŋɡɔ ɑ ɡɛ ḿbɔ́ ŋu ẅi yɛ ŋkɑ́p kɑ zɑ́ɑnɛ.» Yɛ́su cú ŋɡɔ: «Ɔ sẅíi nu.»
Lɑ́, pɑ́Ꞌ Yɛ́su Kɛlístɔ kɑ kɛ́mɔ́ ńtɔ́, ŋ́kíɛꞋ kʉ̈ɔ́Ꞌlɛ-nu kɛpɔŋ nǔu pʉɔ lɑ́, Sɛ́ tsʉ́Ꞌ fú nǔu ńdíŋɛ pʉɔ pɔ́p pɔ́ pʉɔ pinɛ pɔ́p ndʉ́ŋndʉŋ mbi yɛ́, ɛ́ pɔ́ yúu mi ɑ lɔknɛ ŋ́ɡɑ́ fuꞋ níinɛ yɔ́p.
Ɛ́ pɔ́ pɑ́Ꞌ ɛ́ kɑ pɔ́nɛ ŋkɑ́ yi pɛkŋɛ kɑ zɛɛnɛ ḿbɛ́t pɔ pɑ kɛ́ ɡẅɛɛ mɛtʉʉ, Kɛlístɔ tɔ́ nǔu ŋkɑ́ yi Sɛ́ kɑ zɑ́pnɛ, ḿpfú nǔu tú-pʉɔ kɛpɔŋ.
Sɛ́ zɛɛ ńníꞋ pɔ ndɔɔ tú-pʉɔ pi pɔ́p lɔknɛ nɛcú ŋɡɔ pɔ́p ɡẅɛɛnɛ nɛpʉ́ʉ ńdɔk ŋ́ɡɛ yɔ́p mbɑ kʉ̈ɔ́lɑ́, mbíꞋŋɡɔ ŋwɑꞋnɛ-Sɛ́ cú ŋɡɔ: Ŋu lɑɑ mbɔɔ kúꞋlɛ nɛpʉ́ʉ pɔ tsʉʉ pɔ́, ḿbɔ́ ŋɡɔŋ ŋkɑ́ tsʉʉ ḿbɔɔ ŋ́ɡɛ pɔ yúu mi ɛ́ tsɛt ŋwɑꞋnɛ-nɛpʉ́ʉ pɔ́, mbɔ ŋɡɑŋ tíi ndɔɔ.
Mɔ́ɔ nɛ ɛ̂wɑ́ kɑ lɔk mɛci mɛ́ ńdɔk ńtsúꞋ wɛkŋɛ, pɛkŋɛ luk. Sɛ́ likŋɛ mɛfɑɑnɛ mɛkŋɛ ŋ́ɡɑ́ mbɔ̌ pɛkŋɛ. Yɔ nu kɛ́ fʉꞋ yi Sɛ́ kɑ lɔknɛ ŋ́ɡɑ́ fuꞋ fɛ̌ɛ yɛkŋɛ,
ńdíŋɛ pɔ́ɔpɛ́mɑ́ pʉ́ʉ pɔ nɛ́ tʉ́m sʉ́Ꞌnɛ, ŋ́ɡẅɛɛ tsɑ́ɑ mɛjʉ́ŋ nzʉʉ pɛcɔ́ pʉɔ, pʉʉ likŋɛ mɛfɑɑnɛ tsɛtsɛt pʉʉ nɛ́ pʉʉ, ndʉ́ŋndʉŋ pɑ́Ꞌ Sɛ́ kɑ lɛɛnɛ nǔu Kɛlístɔ ńdikŋɛ mʉ́ʉ ŋ́ɡɑ́ mbɔ̌ pʉʉ.
Pʉʉ ɡẅɛɛ sʉk tʉ́m tsɛtsɛt pʉʉ, ŋu wʉ́ʉ lɑɑ fɑɑnɛ nu pʉʉ likŋɛ ŋ́ɡɑ́ mbɔ̌ wɛ́, ńdikŋɛ mɛfɑɑnɛ mʉ́ʉ tsɛtsɛt pʉʉ nɛ́ pʉʉ, pɑ́Ꞌ Tsɑpʉɔ kɑ likŋɛ́nɛ mɛfɑɑnɛ mʉ́ʉ ɡúu lɑ́.
