2 Wɛcɔ́ tɑ́tndɑ́-pɑlʉ̈ɔ́Ꞌntsɔ-Pɑlɔ́mɑ pɔ́ tʉ́sɔŋ ɛ̂wɑ́, ŋ́ɡẅɛɛ ŋkwɑɑ wɛ, ŋ́kɔŋ wɛ́ tɛꞋ. Ŋkwɑɑ wɛ ɛ̂wɑ́ pɔ́, mbɔ ɑ vu ɡɔɔ, ńtsʉ́Ꞌ ḿpfú pfúnɛ.
Yɛ́su kɑ pfú pɑ́Ꞌɑ, tɑ́tndɑ́-pɑlʉ̈ɔ́Ꞌntsɔ pɔ́p pɑlʉ̈ɔ́Ꞌntsɔ pí pɔ́p kɑ pɔ́ ḿbyɛ́p Yɛ́su jʉ́ɔ pɑ́Ꞌ tsɛ́tsɑ́Ꞌ púunɛ ńtsʉ́Ꞌnɛ, ḿbɛn ńjʉ́ɔ mbɑ kʉ̈ɔ́lɑ́ yi ɛ́ sɛ́ ńdɛɛ, ńcʉ̈ɔꞋ tɛꞋ, ńcú ŋɡɔ: «Ŋu wɔ ḿbɔ́ kwɑꞋ mɔ́ɔ-Sɛ́.»
Tɑ́tndɑ́-pɑlʉ̈ɔ́Ꞌntsɔ-Pɑlɔ́mɑ zúꞋu kɑ jʉ́ɔ mbɑ kʉ̈ɔ́ lɑ́ yi ɛ́ lɛɛnɛ, tɛ yi mbʉ̈ɔt pɔ́ nɛcú ŋɡɔ: «Ŋu wɔ ŋ́kɑɑ fɑɑnɛ.» Sẅiŋɛ yɛ́ ɛ̂yɑ́ ɡɑ́ mɛkuꞋ mbɔ̌ Sɛ́.
Yɛ́su cú nu mbɔ̌ lɑ́Ꞌ tɛ ḿbɔ́tnɛ ńnɑ́ŋ, ḿbɛn nzʉʉ nɛ́ Kɑpɛɛnɑwûm.
Tɑ́tndɑ́-ntsɔ zúꞋ pɛ́ pɔ́ ŋ́kẅíi lík-Yɛ́su, ɑ ɡúu pɛkɛ́m-Pɑyúdɑ ŋɡɔ pɔ́p ɡʉ ḿbúꞋ mbɔ́ mbɔ̌ wɛ́, ɑ tɔ́ ńcẅɛ́ɛ mɔ́ŋkʉ̈ɔ́ wɛ mbɔ̌ nɛvú.
ŋɡɔ ndɑꞋ mɔ́ɔ nɛ wɛ́mɔ́Ꞌ tsʉ́Ꞌ ḿpfú pfúnɛ. Ḿbɔ́ mɔ́ɔ mɑŋɡɛ́, tɛ ŋ́ɡẅɛɛ ŋɡuꞋ ntsɔ̌ppɑ́. Yɛ́su zúꞋ pɔ́Ꞌɔ, ńdɔ sɛ́ pɔ́pmɛ́ ɡʉ. Ḿbɔ́ ŋ́ɡʉ pɔ́Ꞌɔ, lɑ́Ꞌ zɑ́ɑ nzʉʉ yɛ, ńtíi wɛ́, ńtík sɔŋ tɛ zʉꞋ tsʉꞋ kʉ́ʉpɛ kʉ́ʉpɛ́nɛ.
Wɛcɔ́ ŋu pɔ́ tʉ́sɔŋ-Sɛ́zɑlɛ̂, lík yɛ́ pɔ́ ŋɡɔ Kɔ̂lnɛ́ɛ, ɑ pɔ́ wɛcɔ́ tɑ́Ꞌ tɑ́tndɑ́-pɑlʉ̈ɔ́Ꞌntsɔ-pɑlɔ́mɑ ḿbɔ́ ɛ́sɑ́Ꞌ pʉɔ ŋkʉ. Pɛ́ fúŋ yîyɑ́ nɔɔ ŋɡɔ nɔɔ yɛ́ Itɑ́lîi.
Cʉ̈ɔꞋ-Sɛ́ cú nu mbɔ̌ wɛ́ tɛ ŋ́ɡʉ, Kɔ̂lnɛ́ɛ tsʉ́Ꞌ ɛ́fúŋ ɡɑŋfɑꞋ pɛ́ pɛ́pɑ́, ŋ́ɡɛ tɑ́Ꞌ ndʉ̈ɔ́Ꞌntsɔ. A pɔ́ ẅi pɔ́pmɛ́ zɛɛ ńtswɛ́. A pɛn ḿbɔ́ ŋu ŋ́ɡɛ yɛ́ mɛkuꞋ-Sɛ́.
A zúꞋ ḿvukŋɛ, ŋ́kʉɔ ŋ́ɡʉ ńjʉ́ɔ Tɑ́tndɑ́-wɔ́p, ńcú mbɔ̌ wɛ́ ŋɡɔ: «Ɔ ɡʉ ŋ́ɡɛ ŋɡɔ́ku? Ŋu mbɛ́ɛnɛ wɑ́ mɔ́ɔ-lɑ́Ꞌ-Pɑlɔ́mɑ»
Pɔ̂l zúꞋ, ɛ́fúŋ wɛcɔ́ tɑ́Ꞌ tɑ́tndɑ́-ntsɔ, ńcú mbɔ̌ wɛ́ ŋɡɔ: «Lɔk mɔ́ɔsuu wɔ, ŋ́ɡʉ ńcɑklɛ wɛ́ njɛ́Ꞌ tɑ́tndɑ́ wʉʉ. A ɡẅɛɛ nu yi ɑ ɡʉ nɛsẅíi wɛ́.»
Pɛ́ ɡɛ ḿbɔ́ tɛ ńzɑ́p ŋɡɔ pɛk ɡʉ ŋ́kúu mɑ́mɑ́ kɑnúꞋ, ŋ́ɡʉ tsɛt ŋɡɔŋ-Itɑlî, ńníꞋ Pɔ̂l pɔ́p pɛcɔ́ ɡɑŋtsɑ́ŋ mbɔ̌ wɛcɔ́ tɑ́tndɑ́-ntsɔ. Lík yɛ́ pɔ́ ŋɡɔ Julíyus. A pɔ́ wɛcɔ́ tɑ́Ꞌ ŋu nǔu ku-pɑlʉ̈ɔ́Ꞌntsɔ pinɛ pɔ́p ḿbɔ́nɛ pɛ́ Kɑ́sɑ.
Njí ɡɛ ŋ́ɡɔ ŋ́kiɛ, pɛk kúu tʉ́sɔ-Sidɔŋ. Julíyus ɡẅɛɛ tʉ́m sʉ́Ꞌnɛ nǔu Pɔ̂l tɛ ńnɑ́ wɛ́ ɑ cẅɛt tsɛt kɑnúꞋ ŋ́ɡʉ ŋ́ɡwɑ́ pɛsúu pɛ́ pɔ́p kúu ńcẅɛ́lɛ́ wɛ́.
Lɑ́, tɑ́tndɑ́-ntsɔ pɛn mbɔɔ ḿbɔ́ ŋ́kɔŋ ŋɡɔ pɛ́ jẅí Pɔ̂l pɔ́, ńtɔꞋ wɔ́p nɛɡɛ yúu mi pɔ́p kwɑŋɛ́nɛ, ńcú mbɔ̌ pʉɔ pi pɔ́p jí nɛpúꞋ ŋki ŋɡɔ pɔ́p piitɛ ŋ́kúu ŋki, ḿbúꞋ ŋki ńcẅɛt ŋɡɑ́ŋ.
Pʉʉ pɛkwɑɑ, pʉʉ zúꞋ ntsu-pʉɔ pi pɔ́p ɡẅɛɛnɛ wʉ́ʉ ndǔ tsɛ́tsɑ́Ꞌ, nǔu mbɑ kʉ̈ɔ́ lɑ́. Pʉʉ pɑ́ɑ nɛlɔɔ nɛfɑꞋ pɔ ndɑꞋ ŋkɑ́ yi pɔ́p tʉ́ʉnɛ nzʉʉ pʉʉ njʉ̈ɔ̌ yi pʉʉ ɡɛ pɔ yúu mi ɛ́ ɡʉ ḿbɔŋ pʉɔmɛsɔŋ lɑ́. Pʉʉ fɑꞋ nɛ́ ŋɡɔŋ tʉ́m yʉ́ʉ tsʉʉ mbíꞋ pɑ́Ꞌ pʉʉ sɛ́ ŋ́ɡɑ́ mɛkuꞋ-Tsɑpʉɔ.
