7 Pɑfɑlísɑy pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ nɑ́ŋ sɛ́ ḿbɔ́ ńdʉŋtɛ Yɛ́su ŋɡɔ kɛ ɑ ɡʉ ŋ́ɡɛ ŋu fíitɛ lɛ́Ꞌnji ɔ́ɔ, lɑ ńdɛɛtɛ nǔu ńjʉ́ɔ yúu minɛ pɔ́p ńdɔk ɛ́fɛn wɛ́.
Lɑ́ n cú yɑ́ɑ mbɔ̌ pʉʉ ŋɡɔ: «Kɔɔ pʉʉ tsɔ́Ꞌ pɛn-nu-ŋu ẅí ɑ ɡɛnɛ nu kɛpɔŋ nǔu pʉʉ ŋ́ɡɑ́ yɛcɔ́. Ŋu lɑɑ ńtswɑ́ɑ pɔ́ nɛtúutɛ ŋu, ɑ shɔt yɛcɔ́ ɡúŋ ɑ mɛkŋɛ ńtswɑ́ɑ.
Pɛcɔ́ pʉɔ pɔ́ zúꞋu, ḿbɔ́ ńdʉŋtɛ wɛ́ nɛjʉ́ɔ kɛ ɑ ɡʉ ŋ́ɡɛ ŋu ɛ̂wɑ́ fíitɛ lɛ́Ꞌnji ɛ̂yɑ́ ɔɔ, pɔ́p fú nǔu, ɛ́fɛn wɛ́ mbɔ̌ pɑŋɑkntsɑŋ.
Lɑ́ fɔɔ tsɛt yîyɑ́ ndɑ́-cúꞋlɛ Pɑyúdɑ jʉ́ɔ pɔ́Ꞌɔ, nu zɑ́ŋ wɛ́, mbíꞋŋɡɔ Yɛ́su ɡɛ ŋu fíitɛ lɛ́Ꞌnji. A cú mbɔ̌ lɑ́Ꞌ ŋɡɔ: «Mɛlɛ́Ꞌ-fɑꞋ pɑ́Ꞌɑ ḿbɔ́ pɛ́nɛ́ntúkú, pʉʉ nɑ́ŋ ńdɔk pɛ́ɡɔɔ pʉ́ʉ ńtɔ́ nǔu mîmɑ́ mɛlɛ́Ꞌ pɛ́ zɔŋ wɔ́p, kɔɔ pʉʉ tɔ́ lɛ́Ꞌnji!»
Ŋ́ɡɔ́ɔ ńzɛ nɛpɔ́ ḿbɑ́tɛ wɛ́, ńtúu pɛ mɑ́nɑ́ŋ nzʉʉ yɛ, lɑ́ pɔ́p pɔ́ yɔ́p nzʉʉ yɛ pɔ pɑꞋ pʉɔ sʉ́Ꞌnɛ, lɑ́ ḿbɔ́ ńzẅíꞋlɛ pɑꞋ ɑ ɡɛ ɛ́fɑɑnɛ ntsu wɛ́, lɑ pɛ́ lɔk ŋ́ɡẅɛɛ wɛ́ ŋ́ɡɑ́ mbɔ̌ ŋɡɔ́mnɑɑ-Pɑlɔ́mɑ.
Pɛcɔ́ ntɑ́Ꞌ-Pɑfɑlísɑy cú ŋɡɔ, ŋu ẅí ɑ ɡɛnɛ yîyɑ́ nu, Sɛ́ zɛɛnɛ ḿbɔɔ wɛ́ túu, mbíꞋŋɡɔ ɛ́ ḿbɔ́ lɛ́Ꞌnji. Pɛcɔ́ pʉɔ pɔ́p cú ŋɡɔ, mbɔ ŋu kɛpɔŋ ɡɛ pɑ́Ꞌɑ lɑ́ ŋ́ɡɛ yîyɑ́ ntɛ́ mɛnu mɑ̌ɑmɑɑnɛ? Tɑ́kŋɛ ɡɔ́ɔ ŋ́kɛ́ ḿvu tsɛtsɛt pɔ́p.
