Lúkɑ́shi 6:25 - Kɑɑ Fí

²⁵ Pʉʉ pɛpɛktú, pʉʉ pinɛ pʉʉ ŋkɔ̂ɔnɛ ŋ́kwɛ́t ńzwɛ́t, mbíꞋŋɡɔ pʉʉ ɡʉ ńdɑ́Ꞌ ḿpfú nji. Pʉʉ pɛpɛktú pʉʉ pinɛ pʉʉ sɛ́ ŋ́ɡwɛ ŋkɔ̂ɔnɛ, mbíꞋŋɡɔ pʉʉ ɡʉ ńdɑ́Ꞌ ńtsʉ́ꞌ ńnɑ́ŋ pɔ tsɛt nɛmʉk ḿbɛn ḿbɔ́ ŋ́kíi.

Lúkɑ́shi 6:25 교차 참조

Lúkɑ́shi 12:20

Lɑ́, Sɛ́ cú mbɔ̌ wɛ́ ŋɡɔ: «Ɔ ɡʉɡʉʉ, ŋ ɡɛ ńdɔk wú ŋ́ɡʉ pɔ kwɑꞋ nɛtúꞋ lɔ́Ꞌnɛ. Yúu pi ɔ cúꞋlɛ́nɛ tsɛt mɛŋkɛn lɑ́ tsʉ́Ꞌ pɛ́ wɔ̌?»

Lúkɑ́shi 13:28

Pʉʉ ɡɔ́ɔ ŋ́kɛ́ ńzɛ nɛkíi, lɔ́ŋ wʉʉ pɔ́ kɔ́Ꞌ. Ɛ́ ɡɔ ḿbɔ́, mbɔ pʉʉ mɑꞋ mík ńjʉ́ɔ Ábɛlɛhɑ̂m, ńjʉ́ɔ Ɛ́sɑk, mbɑ Yɑkɔ̂p, mbɑ pɛŋɡɛ́mndʉ̈ɔ́Ꞌ-Sɛ́ pɛtsʉʉ. Pɔ́p pɔ́ tsɛt nɛfɔɔ-Sɛ́. Mbɔ pɛ́ jʉ́ɔꞋ wʉ́ʉ píi.

Lúkɑ́shi 6:24

Lɑ́, pʉʉ kwɑꞋ pɛpɛktú pʉʉ pinɛ pʉʉ ɡɑŋyúu, mbíꞋŋɡɔ pʉʉ kɛ́ ŋ́ɡẅɛɛ mʉ́ʉ mɛyúu sʉ́Ꞌnɛ pɔ ndɑꞋ ŋkɔ̂ɔnɛ.

Lúkɑ́shi 6:26

Pʉʉ pɛpɛktú pɑ́Ꞌ ɛ́ lɑɑ ḿbɔ́ pʉɔ pɔ́ ŋ́kẅíi lík yʉ́ʉ pɔ sʉ́Ꞌnɛ, ɛ́ zɛɛ ḿbɔ́ pɔ pɑ́Ꞌ pɛtɑ̌ɑ pɔ́p kɑ pɔ́ ŋ́ɡɛ nǔu pɛŋɡɛ́mndʉ̈ɔ́Ꞌ pɛ́ kɛpɔŋ.

Lúkɑ́shi 8:53

Pɛ́ zúꞋ ŋ́ɡwɛ wɛ́ ɡwɛnɛ, mbíꞋŋɡɔ pɔ́p kɑ pɔ́ ńjí ŋɡɔ ɑ tsuŋ ḿpfú.

Ɛ́fɛ̂zɛ 5:4

Ɛ́ kɑ́ pɔ́ ḿbíkŋɛ ŋɡɔ pʉʉ sẅiŋɛ ḿmɛk mɛknɛ pɔ́, tɛ mbɑ nɛmɑꞋ kwɑŋɛ nǔu yɛcɔ́ ntɛ́, pɔ́p nɛɡɛ yɛcɔ́ ntɛ́ mɛɡɑɑ. Ɛ́ pɔŋ ŋɡɔ sẅiŋɛ ɡɔ́ ńcẅɛt ntsu pʉʉ, pʉʉ lɔk ŋ́ɡɛ́mtɛ pɔ Sɛ́ nǔu yúu mi ɑ ɡɛnɛ mbɔ̌ pʉʉ.

1 Tɛsɑlɔník 5:3

Pʉɔmɛ́sɔŋ ɡʉ ńdɑ́Ꞌ ḿbɔ́ tɛ ḿbɔ́ ńcú ŋɡɔ: Mbɔ́tnɛ tsɛt lɑ́Ꞌ, pɔ́p pɔɔ pɛn ḿbɔ́ ńcʉ̈ɔꞋ pɔ́, lɑ́ mɑ́mɑ́ ŋɡʉ̈ɔ́Ꞌ ɡɔ́ɔ ŋ́kɛ́ ńtɔ́ nǔu pɔ́p pɑ́Ꞌ mɔ́ɔ nɑŋnɛ tɛ ńnɛ́m mɑŋɡɛ́ shǔutɛ lɑ́. Ŋu wɔp pɔɔ lʉ́ɔꞋlɛ tɛ ńduk pɔ́.

Jɑ̂k 4:9

Pʉʉ jí ŋɡɔ pʉʉ ɡɑŋŋɡʉ̈ɔ́Ꞌ, ńdúŋ nɛvú ńdɑɑ. Ɛ́ sɛ́ ḿbíkŋɛ ŋɡɔ wʉʉ nɛɡwɛ shɔtnɛ ńtsʉ́Ꞌ nɛlɑɑ, yʉ́ʉ tsɑ́ɑtɛ shɔtnɛ ńtsʉ́Ꞌ nɛmʉk.

Mɛnu ɛ́ ńdɑ́Ꞌ ńcẅɛt 3:17

Pɑ́Ꞌ pʉʉ sɛ́ ńcú ŋɡɔ pʉʉ ɡɑŋyúu, ŋɡɔ pʉʉ kɑ ɡẅɛɛ mɔ́ ŋkɑ́p tɛ ɛ́ zɑ́ɑ, tɛ pʉʉ tsʉ́Ꞌ ḿbɔɔ ńjɑ́k yɛcɔ́ yúu pɔ́ lɑ́, pɑ́Ꞌ pʉʉ kɑ́ pɔ́ ńjí ŋɡɔ pʉʉ ɡɑŋ ŋɡʉ̈ɔ́Ꞌ tɛ ḿbɔ́ pɛ́ tsɑ́ɑ mɛjʉ́ŋ mʉ́ʉ tsɑ́ɑnɛ pɔ́ lɑ́, mbɑ pɑ́Ꞌ pʉʉ kɑ́ pɔ́ ńjí ŋɡɔ pʉʉ pɛpúŋ, ḿbɔ́ pɛfumík, ńtʉ́ʉtɛ kɛ́ zẅík ndẅí pɔ́ lɑ́,