12 Yɛ́su pɔ́ yɛcɔ́ lɛ́Ꞌ, ŋ́ɡʉ ndǔ nɛŋkɔ́Ꞌ nɛcɛꞋlɛ Sɛ́, tɛ ńdɛ́ zúꞋu lɛ́nɛ.
Yɛ́su jʉ́ɔ nɔɔ-lɑ́Ꞌ, ŋ́kɔ́Ꞌ ndǔ nɛŋkɔ́Ꞌ, ńnɑ́ŋ sɛ́, ɡɑŋku pɛ́ tɔ́ ŋ́kẅɛ́ɛtɛ wɛ́.
Lɑ́ ŋ́ɡʉ nǔu pʉʉ, mbɔ ŋu lɑɑ ḿbɔ́ ŋ́ɡʉ ńcɛꞋlɛ Sɛ́, ɑ kúu tsɛt lûmndɑ́ lʉɔmɛ́nɛ, ŋ́kẅíipɛ ntsundɑ́, ńnɑ́ŋ pɔ ndʉɔmɛ lʉɔmɛ́nɛ lɑ́ ńcɛꞋlɛ Tɑ́t wɛ ẅí pɛ́ ńjʉ́ɔ wɛ́ pɔ́. Tɑ́t wu ẅí ɑ jʉ́ɔnɛ yúu mi ɔ ɡɛnɛ zʉꞋ lʉɔmɛ́nɛ, ɑ ɡʉ ŋ́ɡɛ ńtsɔ́Ꞌ fɑꞋ yú.
Njí kɑ pɔ́ ŋ́kiɛ, zʉꞋ pɛ́t ɛ́sʉ́ʉ sʉ́ʉnɛ, Yɛ́su lɔ sɛ́, ɛ́fú ndɑ́ ńcẅɛt, ŋ́ɡʉ nɛ́ ŋkɔ̂ŋtɛt, ńzɛ nɛcɛꞋlɛ Sɛ́.
Ɛ́ pɔ́ yɛcɔ́ lɛ́Ꞌ,Yɛ́su kɔꞋ ndǔ nɛŋkɔ́Ꞌ, ɛ́fúŋ pʉɔ pi ɑ ńtsɔ́Ꞌnɛ wɔ́p. Pɔ́p tɔ́,
Yɛ́su lɛɛmɛ lɑ́Ꞌ tɛ pʉɔ ɡɔ́ ŋ́ɡʉ, ɑ kɔ́Ꞌ ndǔ nɛcɔ́ nɛŋkɔ́Ꞌ nɛcɛꞋlɛ Sɛ́.
Lɑ́, Yɛ́su ńnɑ́ŋ tɛ ńdɔ sɛ́ ŋ́ɡʉ zʉꞋ yi ŋu zúꞋu pɔ ḿbɔ́ ńcɛꞋlɛ Sɛ́.
Pɑfɑlísɑy pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ jʉ́ɔ, ɛ́ pʉ́k wɔ́p tɛꞋ. Pɔ́p shɔtnɛ ḿbíkŋɛ tsɛtsɛt pɔ́p ŋɡɔ: «Pɛkŋɛ ɡʉ ŋ́ɡɛ ŋɡɔ ku nɛ́ Yɛ́su wɔ?»
Yɛ́su pɔ́p ɡɑŋntúu pɛ́ pi ɑ tsɔ́Ꞌnɛ, fú ndǔ nɛŋkɔ́Ꞌ ńcúŋ tɛ ŋ́kúu sɛ́, ńjʉ́ɔ pɛcɔ́ ɡɑŋku pɛ́ pɔ́ zúꞋu tɛ ńzɑ́ɑ pɔ́p nɔɔ-lɑ́Ꞌ, mbɔ pɛ́ fú nǔu ŋɡɔ́ŋ-Jẅidɛ̂, ɛ́fú tʉ́sɔŋ Yɛlúsɑlɛm, ɛ́fú mɛtʉ́sɔŋ Tîi pɔ́p Sidɔ̂ŋ mi ɛ́ ŋkɑŋ-ŋki.
Yɛ́su pɔ́ yɛcɔ́ lɛ́Ꞌ, pɔ́p ɡɑŋku pɛ́ fyɑkŋɛ ŋ́ɡʉ zʉꞋ yi ŋu kɑ́ pɔ́ zúꞋu pɔ́, pɑꞋ ɑ ɡɛ ńcɛꞋlɛ Sɛ́. A píkŋɛ wɔ́p ŋɡɔ: «Lɑ́Ꞌ pɑꞋɑ ḿbɔ́ ńcú ŋɡɔ mɔ pɔ wɔ̌?»
Yɛ́su cú yɔ nu, ɛ́ ɡɛ ḿbɔ́ lɛ́Ꞌ pɛ́nɛ́fɔ́m, ɑ fɑk Pyɛ̂ ŋ́ɡɛ Jɑ̂ŋ pɔ́p Jɑ̂k, pɔ́p pɛpɔ́p kɔ́Ꞌ ndǔ nɛcɔ́ nɛŋkɔ́Ꞌ pɑꞋ ɑ ɡɛ ńcɛꞋlɛ Sɛ́;
ŋ́kúu zúꞋu, ɑ pɔ́ ńcɛꞋlɛ Sɛ́, lii-shʉ́ wɛ́ kɛ́ ŋ́ɡɔ́ɔ ŋ́kúpmɛ, mɛndẅí mɛ́ ɡɔ́ɔ ɛ́fúk tɛ ŋ́ŋwɑŋɛ.
Yɛ́su ŋ́kɔ́Ꞌ ndǔ nɛcɔ́ nɛŋkɔ́Ꞌ, pɔ́p ɡɑŋku pɛ́ nɑ́ŋ sɛ́.
Pʉʉ kɛ́ ḿbɔ́ ḿbúꞋ mbɔ́ mbɔ̌ Sɛ́ cɛꞋlɛ́nɛ, kɔɔ pʉʉ lɛ́, pʉʉ pɔ́ ŋ́ɡɛ pɔ́Ꞌɔ, ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́,
A pɛn ḿbɔ́ pɔ jʉ́ Yɛ́su ẅí ɑ kɑ pɔ́nɛ ŋkɑ́ yi ɑ kɑ pɛ́tnɛ ndǔ tsɛ́tsɑ́Ꞌ, ńcɛꞋlɛ Sɛ́ ẅi ḿbɔ́ ɑ ɡɛ tɛ ɑ pɔɔ pfú, ḿbúꞋ mbɔ́ mbɔ̌ wɛ́ lɑ́ ḿbɔ́ ŋ́ɡɑ́ ɡwɑ́t ŋ́kíi. Sɛ́ fú nǔu pɑ́Ꞌ Yɛ́su zẅíꞋlɛ mbɑ kʉ̈ɔ́lɑ́ pɔ mbɔ̌ wɛ́, ńzúꞋ cɛꞋlɛ yɛ́.
