Lúkɑ́shi 5:5 - Kɑɑ Fí

⁵ Simɔ̂ŋ tsɔ́Ꞌ ŋɡɔ: «Ndɛ, pɛk lɛ́ pɔ nɛjʉ́ɔ ŋɡʉ̈ɔ́Ꞌ, nɛmɔɔ ŋki, ŋ́kɛ́ ḿbɔɔ yɛcɔ́ sɑ̌ɑ yúu ɡẅɛɛ. Lɑ́, pɑ́Ꞌ kwɑꞋ ɡu cúnɛ ŋɡɔ pɛ́ pɛn ḿmɑꞋ mɛŋkʉ ŋki lɑ́, ŋ ɡʉ ḿmɑꞋ.»

Lúkɑ́shi 5:5 교차 참조

Lúkɑ́shi 17:13

ŋ́kíi nɛ́ tʉʉ ńcú ŋɡɔ: «Yɛ́su, Ndɛ, tsɑ́ɑ mɛjʉ́ŋ mɛk.»

Lúkɑ́shi 8:24

ńjʉɔmɛ wɛ́, ńcú ŋɡɔ: «Tsɑpʉɔ, Tsɑpʉɔ, pɛkŋɛ pfú tɛ ńdɛm.» Yɛ́su jʉɔmɛ, ńdɔ sɛ́, ńcʉ̈ɔ́k fɛ́m pɔ́p ŋki. Fɛ́m zɑ́Ꞌnɛ, ŋki tʉ́ʉ, zʉꞋ nɑꞋ ŋɡɔ kɛm.

Lúkɑ́shi 8:45

Yɛ́su píkŋɛ ŋɡɔ: «Wɔ̌ kuunɛ wɑ́ɑ?» Mbɑ wɔ̌ lɑ́ pɔ́ ḿmuŋɛ muŋɛ́nɛ. Pyɛ̂ cú ŋɡɔ: «Ndɛ, pɛ́ sɛ́ ɛ́fyɛ́t wú ndɛn pɑ́Ꞌnɛ, ɔ píkŋɛ ŋɡɔ pɛ́ cú ŋɡɔ ɑ wɔ̌?»

Lúkɑ́shi 9:33

Pɔ́p pɛ́pɔ́p kɑ tsʉꞋ ḿbɔ́ ŋ́ɡʉ pɔ ɛ́fyɑkŋɛ, Pyɛ̂ ɡwɛt ɡwɛtnɛ tɛ ńcú mbɔ̌ Yɛ́su ŋɡɔ: «Tɑ̌ɑ wɛk, pɛkŋɛ lɑɑ ńtsʉ́Ꞌ ńnɑ́ŋ pɔ zɑ́Ꞌnɛ, ɛ́ pɔ́ sʉ́Ꞌnɛ. Pɛ́m pɛk kút mɛntɑp mɛ́ntɑ́t, tɑ́Ꞌ pɔ́ yú, yɛcɔ́ pɔ́ yɛ́ Mɔ̌sɛ̂ɛ, yɛcɔ́ pɔ́ yɛ́ Ɛlîi.» Pyɛ̂ cú yɛ́ pɔ́Ꞌɔ, ḿbɔɔ ńjí yúu mi ɑ cúnɛ pɔ́.

Lúkɑ́shi 9:49

Jɑ̂ŋ ɡɔ́ɔ ŋ́kɛ́ ńcú mbɔ̌ Yɛ́su ŋɡɔ: «Tɑ̌ɑ wɛk, pɛk lɑ́Ꞌ ńjʉ́ɔ wɛcɔ́ ŋu pɔ́ ńdɔk lík yú ńzuŋ mɛzẅikŋɛ kɛpɔŋ nǔu pʉɔ, pɛk lɔ́ɔ nɛtɔꞋ wɛ́, mbíꞋŋɡɔ ɑ kɑ́ pɔ́ yɛ́ nzʉʉ wu pɑꞋ pɛk pɔ́.»

Jɑ̂ŋ 15:14

«Pʉʉ lɑɑ ŋ́ɡɛ yúu mi m bíkŋɛ́nɛ wʉ́ʉ, mbɔ pʉʉ tsʉ́Ꞌ ḿbɔ́ pɔ pɛsúu pɑ́ɑ.»

Jɑ̂ŋ 2:5

Pɔ́Ꞌɔ lɑ́, mɑ́ wɛ ɡʉ ńcú mbɔ̌ pɑli pʉɔ ŋɡɔ ɑ lɑɑ ńcú ŋɡɔ: «Pʉʉ ɡɛ pɔ kʉ̈ɔ́ lɑ́ pʉʉ ɡɛ.»

Jɑ̂ŋ 21:3

Símɔ̂ŋ Pyɛ̂ nɑ́ŋ tɛ ńcú mbɔ̌ pɔ́p ŋɡɔ: «Ŋ ɡʉ ŋ́ɡʉ ḿmɑꞋ mɛshú.» Pɔ́p cú mbɔ̌ wɛ́ ŋɡɔ: «Pɛkŋɛ kɛ́ nɛ ŋ́ɡʉ.» Pɔ́p ɡʉ ŋ́kúu tsɛt kɑnúꞋ, lɑ́ ńdɛ́ lɑ́Ꞌ ḿmɔɔ ŋki, mbɔɔ sɑ̌ɑ yúu ɡẅɛɛ.