43 Lɑ́ Yɛ́su cú mbɔ̌ pɔ́p ŋɡɔ: «N ɡẅɛɛ nɛpɛn ŋ́ɡʉ tsɛt mɛcɔ́ mɛtʉ́sɔŋ, ɛ́sɑ́Ꞌ Ŋkʉʉ sʉ́Ꞌnɛ ẅí Sɛ́ kɑ túunɛ wɑ́ɑ nɛsɑ́Ꞌ, nɛɡɛ pʉɔmɛsɔŋ jí ŋɡɔ yɔ ŋkɑ́ yi Sɛ́ zɛ nɛnyɛt nɛfɔɔ nɛ́.»
Yɛ́su ɡɛ ḿbɔ́ ŋ́ɡɔ́ ńnɛn zʉꞋ tsʉʉ tsɛt Ŋɡɑlilɛɛ, ńzíꞋ pʉɔ nɛ́ nu-Sɛ́ tsɛt mɛndɑ́-cúꞋlɛ-pɑyúdɑ, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ sẅíinɛ pʉɔ pɑ́Ꞌ nɛfɔɔ-Sɛ́ pɔ́nɛ, ḿbɔ́ ŋ́ɡɛ ŋu ẅí ɑ ɡẅɛɛnɛ pɔ yɛ́tɛ́ ntɛ́ ɡɔɔ lɑ́ kɛ yɛ́tɛ́ ntɛ́ lɔ́Ꞌ ɔɔ, fíitɛ.
Njí kɑ pɔ́ ŋ́kiɛ, zʉꞋ pɛ́t ɛ́sʉ́ʉ sʉ́ʉnɛ, Yɛ́su lɔ sɛ́, ɛ́fú ndɑ́ ńcẅɛt, ŋ́ɡʉ nɛ́ ŋkɔ̂ŋtɛt, ńzɛ nɛcɛꞋlɛ Sɛ́.
Yɛ́su pɛn ńcú mbɔ̌ pɔ́p ŋɡɔ: «Mbɔ́tnɛ pɔ́ nɛ́ pʉʉ. Pɑ́Ꞌ Tɑ̌ɑ kɑ túunɛ wɑ́ɑ lɑ́, mɔ ńtúu wʉ́ʉ ɡúu.»
Ɛ́ sɛ́ ḿbíkŋɛ ŋɡɔ, njí lɑɑ ḿbɛ́t ɡú pɑ́Ꞌɑ, pɛkŋɛ fɑꞋ mɛfɑꞋ-Sɛ́ ẅí ɑ kɑ túunɛ wɑ́ɑ. TúꞋ ɡʉ ɛ́sʉ́ʉ, wɛcɔ́ ŋu pɔɔ pɛn ŋ́kuꞋ nɛfɑꞋ fɑꞋ pɔ́.
Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.
«Sɑ́Ꞌ Ŋkʉʉ Sʉ́Ꞌnɛ-Sɛ́, ńtsuŋ ńzɛ́plɛ ŋkɑ́ yi pʉɔ kɔŋnɛ nɛzúꞋ, kɛ mbɑ ŋkɑ́ yi pɔ́p ŋ́kɔŋ nɛzúꞋ pɔ́, ɔ sɑ́Ꞌ sɑ́Ꞌnɛ. Ŋu fɑɑnɛ nu ɔ kɑkŋɛ wɛ́, ɛ́sɑ́Ꞌ ńdɔk ḿbɑpmɛ wɔ́p, ɛ́sɑ́Ꞌ ńdɔk ńníꞋ mɛtʉʉ mɔ́p. Kɑ́t ŋ́ɡɛ pɔ́Ꞌɔ, ńdɔk sʉktʉ́m ńzíꞋ pʉɔ nɛ́ yúu.
