42 Njí kiɛ, Yɛ́su fú tʉ́sɔŋ ńcẅɛt, ḿbɔ́ ńdɔk wɛ́ kɔ̂ŋtɛt ŋ́ɡʉ, lɑ́Ꞌ cẅɛt ńzɛ nɛmɔɔ zʉꞋ ḿbɔ́ ńdɔ́ɔ wɛ́. Ŋ́kẅɛ́ɛtɛ wɛ́ pɔ́Ꞌɔ, ńdɔɔ nɛɡẅɛɛ wɛ́ ŋɡɔ kɔɔ ɑ nɑ́ wɔ́p, ŋ́ɡʉ.
Lɑ́ ɑ ɡʉ, ńdɔk nu ɛ̂yɑ́ ɛ́sɑt zʉꞋ. Ɛ́ pɔ́ pɔ́nɛ tɛ Yɛ́su pɔɔ ḿbɛn ɛ́sɑ́ɑnɛ sɑ́ɑnɛ́nɛ, ŋ́kúu yɛcɔ́ tʉ́sɔŋ pɔ́, ńtsʉ́ꞌ ŋ́ɡɔ́ŋ pɔ sɛ̂ndúŋ, zʉꞋ yí pʉɔ kɑ́ pɔ́ zúꞋu pɔ́. Pɛ́ kɛ́ ḿbɔ́ ɛ́fú zʉꞋ tsʉʉ ńtɔ́ tɔ́nɛ ńjʉ́ɔ wɛ́.
Lɑ́ pɔ́p ɡẅɛɛ wɛ́, ŋɡɔ pɔ́p pɛpɔ́p lɛ́, mbíꞋŋɡɔ túꞌ tsʉ́Ꞌ ɛ́sʉ́ʉ sʉ́ʉnɛ, zɑꞋ lɛɛ mɔ́. A pɛ́m pɔ́p pɛpɔ́p kúu ndɑ́ yi pɔ́p kɑ pɔ́ ŋ́ɡʉ nɛ zúꞋu.
Yɛ́su pɔ́ yɛcɔ́ lɛ́Ꞌ, ŋ́ɡʉ ndǔ nɛŋkɔ́Ꞌ nɛcɛꞋlɛ Sɛ́, tɛ ńdɛ́ zúꞋu lɛ́nɛ.
Yɛ́su cú mbɔ̌ pɔ́p ŋɡɔ: «Yɑ́ɑ yúujʉ́ pɔ́ pɔ nɛɡɛ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ, mbɑ nɛmɛkŋɛ fɑꞋ yí ɑ kɑ ɡɑ́nɛ mbɔ̌ mɔ.»
ɛ́ pɔ́Ꞌɔ lɑ́, pɔ́p tɔ́ tɛ ŋ́kúu nɛjɔ́ŋ Yɛ́su, ḿbúꞋ mbɔ́ mbɔ̌ wɛ́ ŋɡɔ pɔ́p pɛ́pɔ́p tsʉ́Ꞌnɛ ńnɑ́ŋ. Yɛ́su pɛ́m, ńnɑ́ŋ zúꞋu lɛ́Ꞌ pɛ́pɑ́.»
Ɛ́ ɡɔ́ ḿbɔ́, mbɔ lɑ́Ꞌ yîyɑ́ jʉ́ɔ ŋɡɔ Yɛ́su kɑ́ pɛ́t zúꞋu pɔ́, ɡɑŋku pɛ́ pɛn mbɔɔ pɛ́t yɔ́p zúꞋu pɔ́, pɔ́p ɡɔ́ɔ ŋ́kɛ́ ŋ́kúu tsɛt mɛkɑnúꞋ ɛ̂mɑ́, ńdɔk wɛ Kɑpɛɛnɑwûm nɛpɔ́ ńdɔɔ Yɛ́su.
