16 Yɛ́su lɑ́Ꞌ ńnɑ́ŋ tɛ ḿbɛn Nɑ̌ɑzɑlɛt, zʉꞋ yi ɑ kɑ ɡúꞋnɛ zúꞋu. Lɛ́Ꞌ-nji yɔ́p kuꞋ, ɑ ɡʉ ndɑ́-cúꞋlɛ Pɑyúdɑ pɑ́Ꞌ ɑ lɔ ńzɛɛ ŋ́ɡʉ. Ŋkɑ́ kuꞋ, ɑ lɔ sɛ́ nɛfúŋ ŋwɑꞋnɛ-Sɛ́.
ŋ́ɡʉ tɛ ŋ́kúu zúꞋu, ḿbɔ́ ńtswɛ́ tsɛt yɛcɔ́ tʉ́sɔŋ, pɛ́ fúŋ nɛ́ Nɑ̌ɑzɑlɛt, ɛ́ lɔk ḿbuutɛ nǔu pɑ́Ꞌ ŋɡɛ́mndʉ̈ɔ́Ꞌ-Sɛ́ kɑ zɑ́Ꞌnɛ njí ńcú nu nǔu Nzɑ́Ꞌŋkʉ ŋɡɔ: «pɛ́ ɡʉ ńdɑ́Ꞌ ɛ́fúŋ wɛ́ nɛ́ ŋu-Nɑ̌ɑzɑlɛt.»
Yɔsɛ̂p pɔ́p Mɑlíyɑ ɡɛ ɛ́sẅíi nu yi pɔ́p tɔ́nɛ nǔu tɛ ḿmɛk pɑ́Ꞌ nɛpʉ́ʉ-Tsɑpʉɔ kɑ pɔ́ ḿbíkŋɛ, ḿbɛn nzʉʉ nɛ́ Ŋɡɑlilɛɛ, tʉ́sɔŋ pɔ́p Nɑ̌ɑzɑlɛt.
Yɛ́su ɡɛ ḿbɔ́ tɛ ŋ́ɡẅɛɛ ŋɡuꞋ ntsɔ̌ppɑ́ pɔ́p pɛ́ pɔ́p ɡʉ pɑ́Ꞌ mɑt-lɑ́Ꞌ wɔp kɑ pɔ́ ḿbíkŋɛ pɔ́Ꞌɔ.
Ɛ́ lɛɛ pɔ́Ꞌɔ, pɔ́p pɛ́ pɔ́p pɛn nzʉʉ nɛ́ Nɑ̌ɑzɑlɛt, ɑ pɔ́ ńzúꞋ ntsu wɔ́p. Mɑ́ wɛ kɛ́ ńdẅɛꞋ mɔnɛ mɛnu tsʉʉ pɔ tsɛt tʉ́m yɛ́.
mbíꞋŋɡɔ ɑ kɑ pɔ́ ńzíꞋ pʉɔ nɛ́ nu-Sɛ́ ndɑ́-cúꞋlɛ-Pɑyúdɑ, pʉɔ pɛtsʉʉ pɔ́ ŋ́ɡɑ́ mɛkuꞋ mɛ́.
Pɛ́ pɛ́ɛ ŋwɑꞋnɛ-Ɛsɑ̌yɑ ŋɡɛ́mndʉ̈ɔ́Ꞌ-Sɛ́, ŋ́ɡɑ́ mbɔ̌ wɛ́. A níɛꞋ nǔu zʉꞋ yi pɛ́ kɑ ŋwɑꞋnɛ zúꞋu ŋɡɔ:
A ɡɔ́ɔ ŋ́kɛ́ ńzɛ nɛkyɛ́Ꞌtɛ, ńcú ŋɡɔ: «Mɛnu mi pʉʉ fú zɑꞋnɛ nɛzúꞋ tsɛt ŋwɑꞋnɛ-Sɛ́ lɑɑnɛ, ɛ́ puutɛ lɔ́Ꞌnɛ.»
Yɛ́su pʉ̈ɔt mbɔ̌ pɔ́p ŋɡɔ: «Pʉʉ ɡʉ ŋ́ɡẅɛɛ kwɑŋɛ-sɑknɛkɛt nɛcú ŋɡɔ: Ŋɡɛmɛfu zɔŋ tú mbʉʉ yu! Pɛk zúꞋ ndɑɑkɑ́jʉ́ɔ mɛnu ɔ ŋ́ɡɛnɛ Kɑpɛɛnɑwûm, pɛn ŋ́ɡɛ zɑꞋnɛ lɑ́Ꞌ pʉʉ lɑ́.»
Yɛ́su tsɔ́Ꞌ mbɔ̌ wɛ́ ŋɡɔ: «Ŋ kɑ pɔ́ sɑ́ɑnɛ sɑ́ɑnɛ́nɛ ńcú nu mbɔ̌ lɑ́Ꞌ, ŋ kɑ pɔ́ ńzíꞋ pʉɔ tsɛt mɛndɑ́-cúꞋlɛ, mbɑ tsɛt ndɑ́-nɔŋpɔꞋ, zʉꞋ yí Pɑyúdɑ cúꞋlɛ́nɛ zúꞋu. Mɔ ŋkɑɑ ḿbɔ́ ńcú yɛcɔ́ nu pɔ ńdʉɔ lʉɔmɛ́nɛ pɔ́.
Pɔ̂l kúu tsɛt yîyɑ́ ndɑ́-cúꞋlɛ nɛjʉ́ɔ pɑyúdɑ, pɑ́Ꞌ ɛ́ ḿbɔ́nɛ mɑt mbɔ̌ wɛ́, nɛkúu mbɑ yɛ́tɛ́ tʉ́sɔŋ lɑ́ ńjʉ́ɔ ndɑ́-cúꞋlɛ-Pɑyúdɑ. Pɔ́p pɛ́ pɑyúdɑ pɔ́ ɛ́fúŋ ŋwɑꞋnɛ-Sɛ́ ɛ́shyɛ́ɛ kɔŋ ŋ́ɡɑ́ nǔu mɛlɛ́Ꞌnji mɛ́ntɑ́t.
