Lúkɑ́shi 4:1 - Kɑɑ Fí

¹ Jɑ̂ŋ kɑ pɔ́ tɛ ńnuꞋ Yɛ́su ŋki, ɑ fú mbʉʉ-ŋki Juudɛŋ ŋ́ɡʉ. Zẅikŋɛ Lɛ́ɛnɛ́nɛ kúu nǔu wɛ́, ńdɔk wɛ́ ŋ́ɡʉ nɛ́ kɔ̂ŋtɛt.

Lúkɑ́shi 4:1 교차 참조

Mɑtʉ̈ɔ 3:16

ńnuꞋ wɛ́ ŋki. Yɛ́su pɔ́ tɛ ńcẅɛt, ntsu-tʉ́nɛ́pú tsɔ́Ꞌnɛ ńtʉ́ʉ. A jʉ́ɔ Zẅikŋɛ-Sɛ́ fú tʉ́nɛ́pú ńcúŋ ḿbɔ́ pɑ́Ꞌ puutɛ lɑ́, ńtɔ́ ńnɑ́ŋ nǔu wɛ́.

Lúkɑ́shi 2:27

Zẅikŋɛ Lɛ́ɛnɛ́nɛ ɡɛ, ɑ ɡʉ ndɑ́-nɔŋpɔꞋ, ɛ́ pɛn ḿbɔ́ pɔ ŋkɑ́ yîyɑ́, mbɔ Yɔsɛ̂p pɔ́p Mɑlíyɑ lɔk mɔ́ɔ ńtɔ́ nɛɡɛ yúu mi nɛpʉ́ʉ-Sɛ́ kɑ pɔ́ ḿbíkŋɛ.

Lúkɑ́shi 3:3

Jɑ̂ŋ ɡɔ́ɔ ŋ́ɡʉ tsɛt mɛlɑ́Ꞌ mi ɛ́ ŋkɑŋ-ŋki Juudɛŋ, ńnɛn sɑ́Ꞌ lɑ́Ꞌ ŋɡɔ: Pɔ́p kúpmɛ mɑt wɔp ńnuꞋ wɔ́p ŋki, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p.

Lúkɑ́shi 3:38

Kɑynɑm pɔ́ mɔ́ɔ-Ɛ́nɔs. Ɛnɔs pɔ́ mɔ́ɔ-Sɛt. Sɛt pɔ́ mɔ́ɔ-Ádɑm. Ádɑm pɔ́ ẅi Sɛ́ kɑ pɔ́ɔnɛ́ wɛ́.

Lúkɑ́shi 4:14

Yɛ́su ɡɔ ḿbɛn nɛ́ Ŋɡɑlilɛɛ, zẅikŋɛ-Tsɑpʉɔ Sɛ́ pɔ́ ŋ́ɡɑ́ wɛ́ nɛ́ mɛtʉʉ, ńdɔk ńnyɛt mɛfɑꞋ-Sɛ́. Lík yɛ́ sɑt yîyɑ́ pɑk-ŋɡɔŋ,

Lúkɑ́shi 4:18

«Zẅikŋɛ-Tsɑpʉɔ nǔu mɔ, mbíꞋŋɡɔ ɑ kɑ zɔ́Ꞌ wɑ́ɑ, ńtúu wɑ́ɑ ŋɡɔ ŋ ɡʉ, ɛ́sɑ́Ꞌ Ŋkʉʉ sʉ́Ꞌnɛ mbɔ̌ ɡɑŋɡʉ̈ɔ́Ꞌ, ńtúu wɑ́ɑ ŋɡɔ ŋ ɡʉ ɛ́sɑ́Ꞌ mbɔ̌ ɡɑŋtsɑ́ŋ ńcú ŋɡɔ: Pɛ́ ɡʉ ńcẅɛɛtɛ wɔ́p ndɑ́-kwɑɑ, ńtúu wɑ́ɑ ŋɡɔ ŋ ɡʉ, ŋ́ɡɛ pɛfʉmík jʉ́ɔ zʉꞋ, ŋɡɔ ŋ ɡʉ, ńtɔ́ɔtɛ nzʉʉ pʉɔ pinɛ pɛ́ sɛ́ ɛ́fyɛ́t wɔ́p,

Jɑ̂ŋ 1:32

Jɑ̂ŋ pɛn ńcú yɛcɔ́ nu yí ɑ jínɛ nǔu Yɛ́su, ŋɡɔ: «Ŋ kɑ jʉ́ɔ zẅikŋɛ-Sɛ́ fú tʉ́nɛ́pú ńcúŋ ńnɑ́ŋ nǔu wɛ́, ḿbɔ́ pɑ́Ꞌ Puutɛ lɑ́.

Jɑ̂ŋ 3:34

Ŋu ẅí Sɛ́ túunɛ wɛ́, ɑ cú mɛnu mí ɛ́ fúnɛ mbɔ̌ Sɛ́, mbíꞋŋɡɔ Sɛ́ ɡɑ́ Zẅikŋɛ yɛ́ mbɔ̌ wɛ́ kɛ́ ndẅiklɛ.

ŊwɑꞋnɛ-Gɑŋntúu Yɛ́su Kɛlístɔ 1:2

ŋ́ɡʉ ŋ́kúu nǔu lɛ́Ꞌ yi Sɛ́ ɡɛnɛ ɑ kɔ́Ꞌ nɛ́ tʉ́nɛ́pú. A kɑ ɡɔ́ ŋ́kɔ́Ꞌ, ńdɛɛ nǔu Zẅikŋɛ Lɛ́ɛnɛ́nɛ, ńdɛꞋlɛ yúu mi ɡɑŋntúu pi ɑ kɑ tsɔ́Ꞌnɛ ɡʉ ńtsʉ́Ꞌ ḿbɔ́ ŋ́ɡɛ.

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

ŊwɑꞋnɛ-Gɑŋntúu Yɛ́su Kɛlístɔ 8:39

Pɔ́p kɑ pɔ́ tɛ ɛ́fú ŋki ńcẅɛt, Zẅikŋɛ-Tsɑpʉɔ lɔk Filîp ŋ́ɡʉ tɛ ŋu-Ɛ́tíyɔ́pîi pɔɔ pɛn ńjʉ́ɔ wɛ́ pɔ́, ŋ́kɛ́ ŋ́ɡɔ ḿbɛn ńcʉ́ɔ sɛ̂ndúŋ, ńnɛn ńtsɑ́ɑtɛ tsɑ́ɑtɛ́nɛ.