Lúkɑ́shi 3:13 - Kɑɑ Fí

¹³ Jɑ̂ŋ tsɔ́Ꞌ mbɔ̌ pɔ́p ŋɡɔ: «Pʉʉ cẅɛ́ɛ ndɑꞋ yúu mi nɛpʉ́ʉ-Sɛ́ sɛ́ ḿbíkŋɛ, kɔɔ pʉʉ kẅiꞋ!»

Lúkɑ́shi 3:13 교차 참조

Mɑtʉ̈ɔ 7:12

Yúu mi pʉʉ sɛ́ ńtsɑ́ɑ ŋɡɔ pɛ́ ɡɛ nǔu pʉʉ lɑ́, pʉʉ ɡɛ kwɑꞋ yɛ́tɛ́ ɡúu nǔu pɛcɔ́ pʉɔ. Pʉʉ lɑɑ ŋ́ɡɛ pɔ́Ꞌɔ, mbɔ ɛ́ ɡʉ ḿbɔ́ yúu mi nɛpʉ́ʉ-Mɔ̌sɛ̂ɛ mbɑ mɛŋwɑꞋnɛ pɛŋɡɛ́mndʉ̈ɔ́Ꞌ-Sɛ́ píkŋɛnɛ.

Lúkɑ́shi 19:8

Pɔ́pmɛ́ ɡɛ ḿbɔ́ ndɑ́, Sɑkíyɔ tʉ́ʉ mbi yɛ́ ńcú ŋɡɔ: «Tsɑpʉɔ, mɔ ŋ́ɡɑptɛ yúu pɑ́ɑ nji yɛ́pɑ́, ŋ́ɡɑ́ tɑ́Ꞌ nji mbɔ̌ pɛkɛyúu, ḿbɔ́ yi ŋ kɑ lɔk ɡɑ́tɛ ńcẅɛ́ɛ yúu-ŋu, mbɔ mɔ ńtsɔ́Ꞌ ŋ́ɡɑ́ mbɔ̌ ŋɡɑŋ ŋkɑ́ yɛ́nɛ́kwɑ.»

Lúkɑ́shi 3:12

Pɑcẅɛ́ɛntsup-Pʉɔlɔ́mɑ kɑ tɔ́ yɔ́p pɑ́Ꞌ pɛ́ ɡɛ ńnuꞋ wɔ́p ŋki, ḿbíkŋɛ ŋɡɔ: «Cícɑ, tɛ pɛk ɡʉ ŋ́ɡɛ yɛk ŋɡɔ ku?»

Lúkɑ́shi 3:14

Pɑlʉ̈ɔ́Ꞌntsɔ pɛn ḿbíkŋɛ yɔ́p ŋɡɔ: «Ŋ́ɡʉ nǔu pɛk, pɛk ŋ́ɡɛ pɑ́Ꞌɑ?» A pʉ̈ɔt ŋɡɔ: «Kɔɔ pʉʉ lɔk mɛtʉʉ mbɑ cɔtnu ɛ́fyɛ́t ŋu ńcẅɛ́ɛ ŋkɑ́p yɛ. Pʉʉ zẅiꞋlɛ pɔ ndɑꞋ ŋkɑ́p-fɑꞋ yʉʉ.»

Ɛ́fɛ̂zɛ 4:28

Pʉɔ pi pɔ́p ɡẅɛɛnɛ mɑt nɛjɔ mɛꞋ tsɔ́ŋ, ńtsʉ́Ꞌ ńdɔk mbɔ́ mɔ́p, ɛ́fɑꞋ tɛ ŋ́kíɛ ziꞋnɛ ńjí ŋɡɔ pɔ́p ɡʉ ŋ́ɡẅɛɛ yúu tɛ ńdɔk yɛcɔ́ ńcẅɛ́lɛ́ pʉɔ pi pɔ́p sɛ́ ńjɑ́k yɔ́p,

Ɛ́bɛlʉʉ 12:1

Ɛ́ ɡʉ nǔu pɛkŋɛ, pʉɔ ɛ̂pɑ́ pɛtsʉʉ tʉ̈ɔ́Ꞌlɛ wɛkŋɛ ńníꞋ sɔŋ, ḿbɔ́ ńnyɛt wɛkŋɛ nɛ́ sɛ̂ndúŋ. Pɔ́Ꞌɔ lɑ́, pɛkŋɛ ńtsʉ́ʉ mbɑ kʉ̈ɔ́ lɑ́ yi ɛ́ sɛ́ ńtɑɑtɛ wɛkŋɛ ḿmɛꞋ, kɛ́ likŋɛ mɛnu kɛpɔŋ mí ɛ́ ɡẅɛɛnɛ wɛkŋɛ tɛ ńtsɑ ńtsʉ́Ꞌ mɑt. Pɛkŋɛ mɛꞋ, ńtɑ́ɑmɛ yɛkŋɛ ndʉ́ɔlɛ́ yi Sɛ́ cúnɛ ŋɡɔ mbɔ pɛkŋɛ tɑ́ɑmɛ. Pɛkŋɛ pɔ́ tɛ ḿbɔ́ ŋ́kʉɔ kɔɔ pɛkŋɛ kɑ́ɑ.