53 A ɡʉ, ɛ́fú nǔu tʉ́ mbɑ́ŋtɛ pɑ́ŋtɛ́nɛ ŋ́kɔk wɛ́, ńdɔk pɔ́-ndẅí ŋ́kɑ́tɛ wɛ́, ŋ́ɡʉ ńníꞋ tsɛt nɛshi ni pɛ́ kɑ sʉ́Ꞌnɛ ńzɛmɛ zɛmɛnɛ, nǔu ŋɡɔꞋ ɡwɛ́, lɑ́ ḿbɛn ḿbɛ́t kɛ́ níꞋ wɛcɔ́ ŋu tsɛtú.
Yɔsɛ̂p ɡʉ ńzúu pɔ́-ndẅi, ŋ́ɡʉ nǔu tʉ́ mbɑ́ŋtɛ pɑ́ŋtɛ́nɛ, ŋ́kɔk pfú-Yɛ́su ńdɔk ndẅí ɛ̂yɑ́ ŋ́kɑ́tɛ wɛ́, ńtíi ńdɔk ŋ́ɡʉ, ńníꞋ tsɛt nɛshi ní pɛ́ kɑ sʉ́Ꞌnɛ nǔu mɑ́mɑ́ ŋɡɔꞋ, ḿbɛn ńtsʉ́ʉ yɛcɔ́ ŋɡɔꞋ ńdɔk ńjʉ́ɔꞋ ntsu-nɛshi ɛ̂nɑ́.
Yɔsɛ̂p ɛ̂wɑ́ ɡʉ ńjʉ́ɔ Pilɑ́tu, ńdɔ́ɔ pfú-Yɛ́su mbɔ̌ wɛ́, ɑ pɛ́m.
A kɑ pɔ́ ńníꞋ pɔ́Ꞌɔ mbɔ́tnjí Fɛlɑ́dɛ̂ɛ, pɔ́p pɔ́ niitɛ mbʉʉ pɑꞋ lɛ́Ꞌnji yɔ́p sɛ́ ŋ́ɡʉ ńzɛ.
Yɛcɔ́ ŋkɑ́Ꞌ kɑ pɔ́ nɛpɑt zʉꞋ yí pɛ́ kɑ kẅiinɛ Yɛ́su nǔu tʉ́ mbɑ́ŋtɛ pɑ́ŋtɛ́nɛ zúꞋu. Nɛcɔ́ nɛshi nɛ fí pɔ́ tsɛt ŋkɑ́Ꞌ ɛ̂wɑ́, mbɔ pɛ́ ŋkɑɑ mɔ́ zɛɛ ńníꞋ ŋu tsɛtú pɔ́.
Pɔ́p kɑ pɔ́ tɛ ŋ́ɡɛ mbɑ kʉ̈ɔ́ lɑ́ yi pɛ́ kɑ ŋwɑꞋnɛnɛ tsɛt ŋwɑꞋnɛ-Sɛ́ ntɛ́ jʉ́ Yɛ́su, pɔ́p ɡɛ pɛ́ fú nǔu tʉ́ mbɑ́ŋtɛ pɑ́ŋtɛ́nɛ ŋ́kɔk wɛ́, ńníꞋ tsɛt nɛshi.
