Lúkɑ́shi 21:8 - Kɑɑ Fí

⁸ A tsɔ́Ꞌ ŋɡɔ: «Pʉʉ lɑk tú yʉ́ʉ, ḿbɑ́ɑ wʉ́ʉ nɛfʉꞋnɛ mɑt-pɛcɔ́ pʉɔ. MbíꞋŋɡɔ pʉɔ tɛ ńzɑ́ɑ ɡʉ ŋ́ɡɛ ńtík lík yɑ́ɑ mbi, mbɑ wɔ̌ lɑ́ nǔu pɔ́p pɔ́ ńcú ŋɡɔ mɔ pɔ́nɛ Nzɑ́Ꞌŋkʉ, ŋkɑ́ kuꞋ. Pɔ́p lɑɑ ńcú pɔ́Ꞌɔ, kɔɔ pʉʉ zúꞋ tɛ ńcʉ́ɔ nzʉʉ pɔ́p.

Lúkɑ́shi 21:8 교차 참조

Mɑtʉ̈ɔ 24:11

Pɛŋɡɛ́mndʉ̈ɔ́Ꞌ-Sɛ́ pɛ́ cɔtnu cẅɛt tɛ ńzɑ́ɑ, ɛ́fúklɛ nɛzɑ́ɑ pʉɔ.

Mɑtʉ̈ɔ 3:2

«Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Mɑtʉ̈ɔ 4:17

Yɛ́su pɔ́ Kɑpɛɛnɑwûm pɔ́Ꞌɔ, ńzɛ nɛsẅíi nu-Sɛ́, ḿbɔ́ ńcú ŋɡɔ: «Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Lúkɑ́shi 17:23

Pʉɔ ɡʉ ńdɑ́Ꞌ ḿbɔ́ ńcú mbɔ̌ pʉʉ ŋɡɔ: «A pʉ́ɔ zɑ́Ꞌnɛ kɛ pɔ ŋɡɔ ɑ pʉ́ɔ liinɛ zíꞋnɛ ɔ́ɔ. Pʉʉ pɑ́ɑ nɛzuŋtɛ, kɔɔ pʉʉ kɑ́t ŋ́kʉɔ mɛndʉ́ɔlɛ́.

Lúkɑ́shi 21:7

Pɔ́p píkŋɛ wɛ́ ŋɡɔ: «Ndɛ, yɔ nu ɡʉ ńdɑ́Ꞌ ŋ́ɡɛ shʉ́nɛ? Pɛ́ lɔk kʉ̈ɔ́ lɑ ńjí ŋɡɔ yîyɑ́ ŋkɑ́ sɛ́ ŋ́kuꞋ?»

Lúkɑ́shi 21:9

Pʉʉ lɑɑ ḿbɔ́ tɛ ńzúꞋ pɛ́ pɔ́ ńcú nu nǔu mɛntsɔ mi ɛ́ cẅɛtnɛ, kɛ pɔ nǔu pɑ́klɛ yi ɛ́ shɔtnɛnɛ ḿvu tsɛt mɛlɑ́Ꞌ ɔ́ɔ, kɔɔ pʉʉ pɔ́k. Ɛ́ sɛ́ ḿbíkŋɛ ŋɡɔ yîyɑ́ yúu piitɛ ńdɛɛ, lɑ́ ɛ́ lɔk ḿbɔɔ nyɛt pɔ ŋɡɔ njí ɡɔ́ɔ ḿmɛ pɔ́.»

Jɑ̂ŋ 5:43

Ŋ kɑ lɔk lík-Tɑ̌ɑ mɔ ńtɔ́, pʉʉ lʉꞋ nɛpɛ́m yɑ́ɑ nu. Lɑ́ ḿbɔ́ yi wɛcɔ́ ŋu ndɛꞋ lɑɑ ńtɔ́ ŋkɔ̂ɔnɛ pɔ nǔu yɛ́ lík, mbɔ pʉʉ ɡʉ ḿbɛ́m yɛ́ nu.

Jɑ̂ŋ 8:24

Ɛ́ yúu mi ɛ́ lɑ́Ꞌnɛ ŋ́ɡɛ lɑ n cú mbɔ̌ pʉʉ ŋɡɔ: Pʉʉ ɡʉ ŋ́ɡɛ ḿpfú tsɛt mɛnu kɛpɔŋ mʉ́ʉ. MbíꞋŋɡɔ pʉʉ lɑɑ ḿbɛ́m ŋɡɔ ŋu ẅí pɛ́ fúŋnɛ wɛ́ ŋɡɔ Mɔ ɡú ɑ mɔ pɔ́, mbɔ pʉʉ ɡʉ ḿpfú tsɛt mɛnu kɛpɔŋ mʉ́ʉ.

Jɑ̂ŋ 8:28

Yɛ́su cú mbɔ̌ pɔ́p ŋɡɔ: Pʉʉ lɑɑ ŋ́ɡɛ ŋ́kɑꞋ Mɔ́ɔ-Ŋu tɛ ŋ́ɡɑ́ tʉ́ nǔu tʉ́ mɛkʉ́Ꞌ, mbɔ pʉʉ ɡʉ ŋ́kɛ́ ńjí ŋɡɔ Mɔ ŋu ẅí «mɔ jʉ́», ɑ pɔ́ mɔ, ḿbɛn ńjí ŋɡɔ mɔ ŋ́ɡɛ yɛcɔ́ yúu pɔ nɛ́ yɑ́ɑ tú pɔ́. N cú pɔ yúu mi Tɑ̌ɑ mɔ kɑ zíꞋnɛ wɑ́ɑ.

1 Kɔlɛ̂ŋtɛ 6:9

Pʉʉ kɑ pɔ́ ńjí ŋɡɔ pʉɔ pi pɔ́p ɡẅɛɛnɛ mɑt kɛpɔŋ pɔ́p kɛ́ lɑ́Ꞌ ŋ́ɡẅɛɛ yɔ́p zʉꞋ tsɛt nu-nɛfɔɔ-Sɛ́ pɔ́ kɛ? N dɑꞋ pʉɔ pɑ́Ꞌ pi pɔ́p puutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pʉɔ pi pɔ́p ɡúꞋlɛ́nɛ yúu ŋɡɔ ɛ́ mɛsɛ́, mbɑ mbɛ́ɛnɛ pɔ́p pɑŋɡɛ́ pi pɔ́p ɡɛnɛ ɡɑp, mbɑ pɑɡɛ mɛnu shẅɛtshẅɛtnɛ, mbɑ mbɛ́ɛnɛ yi ɛ́ shɔtnɛ́nɛ ŋ́ɡɛ nu-ŋu mbɛ́ɛnɛ pɔ́p mɑŋɡɛ́ tsɛtsɛt pɔ́p kɛ pɑŋɡɛ́ ɔɔ, mbɑ pɛtsɔ́ŋ, kɛ pɑkɔŋ ŋkɑ́p tɛꞋ, pɔ́p pɛpɑ́lɛ́-mɛluꞋ, pɔ́p pɑsẅíŋɛ kɛpɔŋ nǔu mɛlík-pʉɔ, pɔ́p pɑɡẅɛɛ ńcẅɛ́ɛ, líkcɔ́ pʉʉ fúklɛ mbʉʉ yʉʉ nǔu mɔnɛ mɛnu kíi, pîpɑ́ pʉɔ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.

Ɛ́fɛ̂zɛ 5:6

Kɔɔ ŋu lɔk pǔu sẅiŋɛ ɛ́fú wʉ́ʉ. Mɛnu mi pɛ́ tʉ́ʉnɛ lɑɑ zɛɛ ŋ́ɡɛ, Sɛ́ zɑ́ŋ pɔ́ lɔ́ŋ mbíꞋ pʉɔ pi pɔ́p kɑ́ pɔ́ ŋ́ɡɛ yúu mi ɑ sɛ́ ŋ́kɔŋ pɔ́.

2 Tɛsɑlɔník 2:3

«Kɔɔ pʉʉ pɛ́m ŋu fúklɛ wʉ́ʉ, kɛ pɔ nɛ́ yɛ́tɛ́ ntɛ́ lɑ́. Yîyɑ́ lɛ́Ꞌlɑ́Ꞌ kɛ́ lɑ́Ꞌ ńtɔ́ kɛ́ pɔ́ yi yɛcɔ́ ntɛ́ mɛnu piitɛ ńdɛɛtɛ pɔ́. Ɛ́ lɔk ḿbɔ́ pɑ́Ꞌ pʉɔ tɛ ńzɑ́ɑ ɡʉ ńdɑ́Ꞌ ńdʉꞋ nɛzúꞋ ntsu-Sɛ́. Fɔɔ-mɛnu kɛpɔŋ cẅɛt ńtʉ́ʉ lɑ yîyɑ́ lɛ́Ꞌlɑ́Ꞌ ɡɔ́ɔ ŋ́kɛ́ ńtɔ́. Jʉ́ wɑ́ ẅí pɛ́ ɡʉ ńdɑ́Ꞌ ḿmɑꞋ wɛ́ tsɛt múk lɑ́.»

2 Timɔtɛ́ɛ 3:13

Ŋ́ɡʉ nǔu pʉɔ kɛpɔŋ pɔ́p ɡɑŋfúklɛ ɡʉ ŋ́ɡɛ ńdɔk nu kɛpɔŋ ŋ́kẅiꞋ ŋ́ɡʉ pɔ nɛ́ mbi, ḿbɔ́ ɛ́fúklɛ pʉɔ, pɛ́ pɛn ḿbɔ́ ɛ́fúklɛ wɔ́p ɡúu.

1 Jɑ̂ŋ 4:1

Pɛsúu pɑ́ɑ pɛ́ tʉʉndɛn, kɔɔ pʉʉ zúꞋ ŋu cú ŋɡɔ Zẅikŋɛ Lɛ́ɛnɛ́nɛ nǔu wɛ́, pʉʉ ɡɔ́ɔ ḿbɛ́m pɛ́mnɛ, kɛ́ tsuŋ ńdíŋɛ kɛ ɛ́ kwɑꞋ Zẅikŋɛ-Sɛ́ ɔɔ. MbíꞋŋɡɔ pɑcẅiŋkʉʉ-Sɛ́ pɛ́ cɔtnu zɑ́ɑ ndǔmbí tɛꞋ.

2 Jɑ̂ŋ 1:7

Pɑcɔtnu sɑt mɔ́ ndǔmbí tɛ ńzɑ́ɑ. Pɔ́p kɑ́ pɔ́ ḿbɛ́m ŋɡɔ Yɛ́su Kɛlístɔ kɑ tsuŋ ɛ́shɔtnɛ ńtsʉ́Ꞌ ŋumɛsɔŋ pɔ́, pɔ́p kwɑꞋ ɡɑŋcɔtnu, ḿbɔ́ pɛɡɑŋmbuu-Kɛlístɔ.

Mɛnu ɛ́ ńdɑ́Ꞌ ńcẅɛt 1:3

Pɔ́ttú ŋu ẅí ɑ ɡʉ fúŋ yɔ ŋwɑꞋnɛ. Pɛpɔ́ttú pɔ́ pʉɔ pi pɔ́p ɡʉ ńzúꞋ yɔ sẅiŋɛ yi ɛ́ fúnɛ mbɔ̌ Sɛ́, ŋ́ɡɛ yúu mi pɛ́ ŋwɑꞋnɛ́nɛ tsɛtú. MbíꞋŋɡɔ ŋkɑ́ yi mɔnɛ mɛnu ɡʉ ḿbuutɛ kẅɛ́Ꞌlɛ tɛ ḿbɔ́ ḿbɑ́ɑtɛ.

Mɛnu ɛ́ ńdɑ́Ꞌ ńcẅɛt 12:9

Pɛ́ tsʉ́ʉ wɛ́ pɔ́p pɛcʉ̈ɔ́ pɛ́, ḿbʉɔt ndǔ tsɛ́tsɑ́Ꞌ. A jʉ́ ḿbɔ́ nɔ́ wɑ́ ẅi ɑ kɑ fúnɛ ŋkɑ́ mbi lɑ́, pɛ́ fúŋ wɛ́ ŋɡɔ ndɛɛbɛlɛ, ḿbɛn ɛ́fúŋ wɛ́ ŋɡɔ Sɑ́ttɑ, ɑ jʉ́ ẅi ɑ fúklɛ́nɛ pʉɔmɛsɔŋ tsʉʉ ndǔ tsɛ́tsɑ́Ꞌ.