Lúkɑ́shi 21:7 - Kɑɑ Fí

⁷ Pɔ́p píkŋɛ wɛ́ ŋɡɔ: «Ndɛ, yɔ nu ɡʉ ńdɑ́Ꞌ ŋ́ɡɛ shʉ́nɛ? Pɛ́ lɔk kʉ̈ɔ́ lɑ ńjí ŋɡɔ yîyɑ́ ŋkɑ́ sɛ́ ŋ́kuꞋ?»

Lúkɑ́shi 21:7 교차 참조

Mɑtʉ̈ɔ 24:3

Yɛ́su ɡʉ tɛ ńnɑ́ŋ ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ, ɡɑŋku pɛ́ fɑk mbʉʉ yɔp ńtɔ́ ḿbíkŋɛ wɛ́ ŋɡɔ: «Sẅíi wɛ́k nɛ́ ŋkɑ́ yi yɔ nu ɡʉ ńdɑ́Ꞌ ŋ́ɡɛ. Sẅíi wɛ́k nɛ́ lii yi pɛ́ ɡʉ ńdɑ́Ꞌ ńdɔk ńjí ŋɡɔ ɔ sɛ́ ńtɔ́, mbɑ yi ɛ́ ɡʉ ŋ́ɡɛ pɛ́ jí ŋɡɔ lɛ́Ꞌ yi píi mbí ɡʉ ḿmɛ kuꞋ.»

Mɑ́lɛ́kúshi 13:14

«Ɛ́ ɡʉ ńdɑ́Ꞌ ḿbɔ́ ŋkɑ́ yîyɑ́, pʉʉ jʉ́ɔ yúu pʉ́ʉnɛ yí pɛ́ fúŋnɛ ŋɡɔ ŋkʉꞋnɛ tɑ́k tɔ́ ńtʉ́ʉ zʉꞋ yí ɛ́ ńdɑɑ ḿbɔ́ ɛ́ pɔɔ zɛɛ ńtʉ́ʉ zúꞋu pɔ́. (Ŋu fúŋ zʉꞋ-ŋwɑꞋnɛ yɔ, sɑ́Ꞌ tʉʉ nɛniitɛ ńzúꞋ). Ɛ́ pɔŋ ŋɡɔ, pɛ́ lɑɑ ńdɑ́Ꞌ ḿbɔ́ tɛ ńjʉ́ɔ wɛ́, pʉɔ pi pɔ́p Judɛ̂ ŋ́kʉɔ ńdɔk wɛ mɛŋkɔꞋ ŋ́ɡʉ ńdʉɔmɛ.

Lúkɑ́shi 21:32

Ɛ sẅíi wʉ́ʉ, kwɑꞋ nɛ́nẅín, pʉɔ pinɛ pɔ́p ndǔ mbí ŋkɔ̂ɔnɛ kɛ́ ɡɛ ńdɑ́Ꞌ ḿpfútɛ tɛ mɛ kɛ́ pɔ́ yi mɔ mɛnu tsʉʉ tɔ́ pɔ́.

Lúkɑ́shi 21:6

«Kɔɔ pʉʉ jʉ́ɔ pɔ pɑ́Ꞌ ɛ́ pɔ́ŋnɛ lɑɑ, yɛcɔ́ lɛ́Ꞌ ɡʉ ŋ́ɡɛ ḿbɔ́, pɛ́ puu ńtɑ́k, tɛ ŋɡɔꞋ pɔɔ pɛn ńzɑ́pmɛ ndǔ yɛcɔ́ pɔ́.»

Lúkɑ́shi 21:8

A tsɔ́Ꞌ ŋɡɔ: «Pʉʉ lɑk tú yʉ́ʉ, ḿbɑ́ɑ wʉ́ʉ nɛfʉꞋnɛ mɑt-pɛcɔ́ pʉɔ. MbíꞋŋɡɔ pʉɔ tɛ ńzɑ́ɑ ɡʉ ŋ́ɡɛ ńtík lík yɑ́ɑ mbi, mbɑ wɔ̌ lɑ́ nǔu pɔ́p pɔ́ ńcú ŋɡɔ mɔ pɔ́nɛ Nzɑ́Ꞌŋkʉ, ŋkɑ́ kuꞋ. Pɔ́p lɑɑ ńcú pɔ́Ꞌɔ, kɔɔ pʉʉ zúꞋ tɛ ńcʉ́ɔ nzʉʉ pɔ́p.