10 Yɛ́su pɛn ńcú mbɔ̌ pɔ́p ŋɡɔ: «Lɑ́Ꞌ ɡʉ ńdɑ́Ꞌ ńdɔ sɛ́ ńdʉ̈ɔ́Ꞌ yɛcɔ́, Fɔɔ túu lɔ sɛ́ ńdʉ̈ɔ́Ꞌ wɛcɔ́.
Lɑ́Ꞌ ɡʉ ńdɑ́Ꞌ ńdɔ sɛ́ ńdʉ̈ɔ́Ꞌ yɛcɔ́, fɔɔtúu lɔ sɛ́ ńdʉ̈ɔꞋ wɛcɔ́, tsɛ́tsɑ́ꞌ ɡʉ ńdɑ́Ꞌ tsʉ́Ꞌnɛ nǔu mɛzʉꞋ tɛ ńzɑ́ɑ, cʉ́ pɛn ḿvu. Mɔnɛ mɛnu lɔk ḿbɔ́ nzɛnɛ ŋɡʉ̈ɔ́Ꞌ. Lɑ́ ŋ́kɛ́ ḿbɔ́ pɔ pɑꞋ mɔ́ɔ nɛmnɛ mɑŋɡɛ́ shǔutɛ lɑ́.
Tsɛ́tsɑ́Ꞌ ɡʉ ńdɑ́Ꞌ mbuu ńtsʉꞋnɛ nǔu mɛzʉꞋ tɛ ńzɑ́ɑ, ɡwɑ́Ꞌ pɔ́p cʉ́ vu tsɛt mɛpɑk-ŋɡɔŋ tɛ ńzɑ́ɑ. Mɛtɛn mɛnu ɡɛ, mɛyúu mi pɛ́ ɡʉ ńjʉ́ɔ ḿbɔ́k pɔ́knɛ ńcẅɛt nɛpú.»
Pʉʉ lɑɑ ḿbɔ́ tɛ ńzúꞋ pɛ́ pɔ́ ńcú nu nǔu mɛntsɔ mi ɛ́ cẅɛtnɛ, kɛ pɔ nǔu pɑ́klɛ yi ɛ́ shɔtnɛnɛ ḿvu tsɛt mɛlɑ́Ꞌ ɔ́ɔ, kɔɔ pʉʉ pɔ́k. Ɛ́ sɛ́ ḿbíkŋɛ ŋɡɔ yîyɑ́ yúu piitɛ ńdɛɛ, lɑ́ ɛ́ lɔk ḿbɔɔ nyɛt pɔ ŋɡɔ njí ɡɔ́ɔ ḿmɛ pɔ́.»
Wɛcɔ́ tɑ́Ꞌ ŋu pɔ́ tsɛtsɛt pɔ́p, pɛ́ fúŋ wɛ́ ŋɡɔ Aɡɑbus. Zẅikŋɛ-Sɛ́ cú, ɑ zɑ́Ꞌ njí ńcú ŋɡɔ: «Wɛcɔ́ mɑ́mɑ́ cʉ́ ŋ́ɡɛ ḿvu ndǔ tsɛ́tsɑ́Ꞌ tsʉʉ». Ńcú pɔ́Ꞌɔ, ẅîwɑ́ cʉ́ kɑ tsúŋ ḿvu ŋkɑ́ yi Kɛlɔ̂dɛ tsʉ́Ꞌnɛ ḿbɔ́ Kɑ́sɑ ɡwɛ́-Pɑlɔ́mɑ.
Yɔ nu lɔk ńcú ŋɡɔ: Ɛ́ ɡʉ ńdɑ́Ꞌ yɛcɔ́ ŋkɑ́ pɛ́ pɑꞋnɛ yúu pi ɑ kɑ pɔ́ ńnʉꞋnɛ ɛ́ zɔŋɛ, ŋ́ɡɑ́ nzʉʉ ɛ́ ḿmɛ, mbíꞋŋɡɔ ɛ́ yúu pi pɛ́ kɑ niitɛ niitɛ́nɛ, ɛ́ ŋ́ɡɛ pɔ́Ꞌɔ, ńjí ŋɡɔ yúu mi pɛ́ ńnʉꞋnɛ́nɛ kɛ́ zɔŋŋɛ, ɛ́ ɡʉ ńtsʉ́Ꞌ ḿbɔ́ pɔ ɡú.
