14 Mɔ́ɔ ɡʉ ŋ́kúu zúꞋu, pʉɔ pɔ́p ŋkɑ́Ꞌ jʉ́ɔ wɛ́, ńcú tsɛtsɛt pɔ́p ŋɡɔ: “Njʉ́ndɑ́ wɛ pʉ́ɔ liinɛ ɑ tɔ́nɛ. Pɛkŋɛ jẅí wɛ́, ńjʉ́ ŋkɑ́Ꞌ!”
Gɑŋku pɛ́ zúꞋ, ŋ́ɡɔ́ɔ ŋ́kɛ́ ḿbɔ́ ńcú tsɛtsɛt pɔ́p ŋɡɔ, líkcɔ́ ɑ cú pɑ́Ꞌɑ, mbíꞋŋɡɔ pɛkŋɛ lɑ́Ꞌ ńdikŋɛ kɛ́ pɛ́ɛ mbɛlɛ̂ɛt.
Wɔ̌ kɑ túunɛ Jɑ̂ŋ nɛnuꞋ pʉɔ ŋki? Sɛ́ kɛ ŋumɛsɔŋ? Pɔ́p zúꞋ, ŋ́kwɑŋɛ tsɛtsɛt pɔ́p ŋɡɔ: «Pɛkŋɛ lɑɑ ŋɡɔ Sɛ́ kɑ túunɛ wɛ́, mbɔ ɑ ɡʉ ḿbíkŋɛ wɛkŋɛ ŋɡɔ tɛ mɛlɑ́Ꞌ kʉ̈ɔ́ pɛkŋɛ ŋ́kɑɑ pɛ́m nu yí Jɑ̂ŋ kɑ pɔ́ ńcú pɔ́ ɔɔ?»
Ŋkɑ́ nɛkɑ́p ntɑ́ɑ-tʉ́ ɡɛ ŋ́kuꞋ, ɑ túu ɡɑŋfɑꞋ pɛ́ mbɔ̌ pʉɔ pí pɔ́p ŋkɑ́Ꞌ ŋɡɔ pɔ́p ɡʉ ńcẅɛ́ɛ mɛ́ mɛntɑ́ɑ-tʉ́ ńdɔk ńtɔ́.
Yɛ́su pɛn ḿbɔ́ lɛ́Ꞌ tsʉʉ, ḿbɔ́ pɔ tsɛt ndɑ́-nɛnɔŋpɔꞋ ńzíꞋ pʉɔ nɛ nu-Sɛ́, pɛtɑ́tndɑ́-pɑnɔ́ŋ pɔꞋ, pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ mbɑ pɛkɛ́m-Pɑyúdɑ pɔ́ ńdɔ́ɔ nɛɡɛ pɛ́ jẅí wɛ́.
Pɔ́Ꞌɔ lɑ́, ŋɡɑŋ-ŋkɑ́Ꞌ ɡɔ́ɔ ŋ́kɛ́ ŋ́kwɑŋɛ ŋɡɔ: «Mɔ ŋ́ɡɛ ŋ́ɡɔ ku pɛꞋnɛ? Ńnɑ́ŋ tɛ ŋ́ɡɔ: “Mɔ, ŋ ɡɛ ńtúu Mɔ́ɔ wɑɑ wí ŋ kɔŋnɛ wɛ́ tɛꞋ. Pɔ́p ɡʉ ŋ́ɡɛ pɑ́Ꞌ lɑ́ ŋ́ɡɛ mɛkuꞋ mɛ́.”
Ńcú pɔ́Ꞌɔ, ɛ́shuŋ wɛ́ ńdɔk ɛ́fú ŋkɑ́Ꞌ ńcẅɛt, ńjẅí wɛ́.» Yɛ́su cú mɔ́ mɛnu, ḿbíkŋɛ ŋɡɔ: «Pʉʉ jʉ́ɔ yʉ́ʉ ŋɡɔ ŋɡɑŋ-ŋkɑ́Ꞌ ŋ́ɡɛ ńtɔ́ ŋ́ɡɛ ŋ́ɡɔ ku nǔu pɔ́p?»
PɑꞋ pɛtɑ́tndɑ́-pɑnɔ́ŋ pɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ, kɑ zúꞋnɛ yɔ sɑknɛkɛt, ńdii ŋɡɔ ɑ cú pɔ mbɔ̌ pɔ́p lɑ́, pɔ́p lɔ́ɔ shʉ́ nɛɡẅɛɛ wɛ́ ŋkɑ́ ɛ̂yɑ́, lɑ́ ḿbɔ́k mík-lɑ́Ꞌ.
Pɔ́p zúꞋ, ŋ́kwɑŋɛ tsɛtsɛt pɔ́p ŋɡɔ: «Pɛkŋɛ lɑɑ ŋ́ɡɔ, Sɛ́ kɑ túunɛ wɛ́, mbɔ ɑ ɡɛ ḿbíkŋɛ wɛkŋɛ ŋɡɔ tɛ mɛlɑ́Ꞌkʉ̈ɔ́ pɛkŋɛ ŋ́kɑɑ pɛ́m nu-Jɑ̂ŋ pɔ́ ɔɔ?
Pɛtɑ́tndɑ́ pɑnɔ́ŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́ ńdɔ́ɔ shʉ́ nɛɡɛ pɛ́ jẅí Yɛ́su, lɑ́ ḿbɔ́ ḿbɔ́k mík-lɑ́Ꞌ.
Yɔ ŋu ẅí pɛ́ kɑ níꞋnɛ mbɔ̌ pʉʉ, ɛ́ pɔ́ pɔ pɑ́Ꞌ Sɛ́ kɑ lɑ́Ꞌnɛ ŋ́kwɑŋɛ ńzɑ́p. Pʉʉ kɑ kɛ́ ŋ́ɡɛ pɑkɛ́ji Sɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ńjẅí wɛ́.
Pʉʉ kɑ ɡɛ pɔ́Ꞌɔ, ńjẅí ŋu ẅi jʉ́ ɡɛnɛ lɑ pɛ́ pɔ́ ɡú. Lɑ́ Sɛ́ kɛ́ ńzẅíimɛ wɛ́ nǔu nɛvú tɛ pɛk jʉ́ɔ wɛ́ nɛ́ mík mɛ́k, pɛk sɛ́ ɛ́sɑ́Ꞌ ɛ́sẅíi wʉ́ʉ.
Pɑ́Ꞌ pɛkŋɛ pɔ́ɔ-Sɛ́ lɑ́, pɛkŋɛ ɡʉ ńdɑ́Ꞌ ŋ́ɡẅɛɛ yɛkŋɛ yúu nǔu fuꞋ yi Sɛ́ kɑ kɑꞋnɛ mbɔ̌ pʉɔ pɛ́, ńdɔk ŋ́ɡẅɛɛ yɛkŋɛ yúu nǔu yúu-Sɛ́, pɛkŋɛ pɛ Kɛlístɔ lɔk ńtɛmtɛ ŋ́ɡẅɛɛ. Pɑ́Ꞌ pɛkŋɛ sɛ́ ḿbɛ́m nɛjʉ́ɔ ŋɡʉ̈ɔ́Ꞌ pɑ́Ꞌ ɑ kɑ pɛ́mnɛ yɛ́ lɑ́, pɛkŋɛ pɛpɔ́p ɡʉ ŋ́ɡɛ ḿbɛn tɛmtɛ ḿbɔ́ tsɛt nɛɡúꞋ wɛ.
Ɛ́ kɛ́ ḿbɔ́ nǔu yɛkŋɛ kɛm-njí yɔ yí ɛ́ tsʉ́Ꞌ ḿbɔ́ pɔ yɛ́ lɔk ndẅiklɛ, ɑ cú nu mbɔ̌ pɛkŋɛ, ŋ́ɡɔ ńcú, ńdɛɛ pɔ nǔu Mɔ́ɔ nɛ. A pɔ́ jʉ́ ẅi ɑ kɑ lɛɛnɛ nǔu wɛ́, ńniitɛ ndǔmbí tsʉʉ, ḿbɛn ńzɑ́p wɛ́ pɑ́Ꞌ mbɑ kʉ̈ɔ́lɑ́ ɡʉ ńdɑ́Ꞌ ḿbɔ́ pɔ yɛ́.
