Lúkɑ́shi 2:9 - Kɑɑ Fí

⁹ ŋ́ɡɔ ńjʉ́ɔ, Cʉ̈ɔꞋ-Sɛ́ cẅɛt mbi pɔ́p, vuvuk-Tsɑpʉɔ ɡẅɛɛ wɔ́p, zʉꞋ puu ŋ́kíɛꞋnɛ, pɔ́p tsʉ́Ꞌ ḿbɔ́k pɔ́knɛ.

Lúkɑ́shi 2:9 교차 참조

Mɑtʉ̈ɔ 1:20

ḿbɛ́t ŋ́kwɑŋɛ kwɑŋɛ́nɛ, ńdɛ́ njʉɔ ńjʉ́ɔ Cʉ̈ɔꞋ-Sɛ́ fúŋ wɛ́, ńcú mbɔ̌ wɛ́ ŋɡɔ: «Yɔsɛ̂p, ɡu ẅí ɔ nǔu njẅɛt-fɔɔ Ndɑvît, cẅɛ́ɛ nzwɛ́ wu Mɑlíyɑ ńníꞋ ndɑ́ kɛ́ pɔ́k, mbíꞋŋɡɔ ɑ shǔutɛ pɑ́Ꞌɑ, mbɔ Zẅikŋɛ Lɛ́ɛnɛ́nɛ ɡɛnɛ.

Lúkɑ́shi 1:28

Cʉ̈ɔꞋ-Sɛ́ ɡʉ tɛ ŋ́kúu ndɑ́ pɔ́p, ńcú mbɔ̌ wɛ́ ŋɡɔ: «N cɛꞋlɛ wú, mbɑ Mɑlíyɑ, mbɔ́tnɛ-Sɛ́ nǔu wu, Tsɑpʉɔ lɔk wú ŋ́ɡɛ yúu, ɑ sɛ́ ńdíŋɛ wú tɛꞋ.»

Lúkɑ́shi 2:8

Ɛ́ pɔ́ ŋkɑ́ ɛ̂yɑ́, pɑpyɛ́p mbí shʉ́ zúꞋu pɔ́ ńdɛ́ píi ḿbyɛ́p mbí yɔ́p,

Lúkɑ́shi 24:4

Pɔ́p kɑ tʉ́ʉ ńdíŋɛ zʉꞋ ɛ́ pɔ́ ŋ́kʉꞋnɛ wɔ́p, pɔ́p ɡɔ́ɔ ńjʉ́ɔ pʉɔ pɛ́pɑ́ cẅɛt, ḿmɑꞋ mɛndẅí ɛ́ fúk tɛ ŋwɑŋɛ.

Jɑ̂ŋ 12:41

Ɛ́sɑ̌yɑcú nu zɑꞋnɛ nǔu Yɛ́su, mbíꞋŋɡɔ ɑ kɑ zɑ́Ꞌ njí ńjʉ́ɔ nɛɡúꞋ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 12:7

Wɛcɔ́ cʉ̈ɔ́Ꞌ-Tsɑpʉɔ vukŋɛ vukŋɛ́nɛ ńcẅɛt zʉꞋ yí Pyɛ̂ zúꞋu, zʉꞋ kyɛꞋnɛ tsɛt ndɑ́. Cʉ̈ɔꞋ-Sɛ́ púꞋtɛ ɡúŋ mbʉʉ-Pyɛ̂, ńjʉɔmɛ wɛ́, ńcú mbɔ̌ wɛ́ ŋɡɔ: «Lɔ sɛ́ nɛ́ tʉʉ!» Mɛcɛ̂n ɡɔ́ɔ ŋ́kɛ́ ɛ́fú nǔu mbɔ́ mɛ́ ŋ́kíɛꞋnɛ ḿbʉ̈ɔtnɛ sɛ́.

ŊwɑꞋnɛ-Gɑŋntúu Yɛ́su Kɛlístɔ 27:23

N cú pɑ́Ꞌɑ, mbɔ ɛ́ lɑ́Ꞌ ḿbɔ́ nɛtúꞋ lɔ́Ꞌnɛ, Sɛ́ ẅi ŋ ɡúꞋlɛ, túu wɛcɔ́ cʉ̈ɔ́Ꞌ wɛ mbɔ̌ mɔ ẅi mɔ ŋɡɑŋfɑꞋ wɛ.

ŊwɑꞋnɛ-Gɑŋntúu Yɛ́su Kɛlístɔ 5:19

Lɑ́ ɛ́ ɡɛ ḿbɔ́ nɛtúꞋ, wɛcɔ́ cʉ̈ɔ́Ꞌ-Tsɑpʉɔ tɔ́, ńtsɔ́Ꞌ ndɑ́tsɑ́ŋ, ŋ́ɡɛ ɡɑŋntúu cẅɛt, ɑ cú mbɔ̌ pɔ́p ŋɡɔ:

2 Kɔlɛ̂ŋtɛ 3:18

Pɛkŋɛ pɛtsʉʉ kɑ́ pɛn ŋ́ɡẅɛɛ yɛcɔ́ ŋkwɑ́ nǔu shʉ́ wɛkŋɛ pɔ́, nɛŋwɑ́ŋɛ Tsɑpʉɔ sɛ́ ńtɛ́mɛ nǔu pɛkŋɛ ḿbɛn nzʉʉ pɑ́Ꞌ kyɛꞌ yi ɛ́ tɛ́mɛ́nɛ nǔu jʉ́ɔ shʉ́ lɑ́. Tsɑpʉɔ ẅi ɑ pɔ́ pɔ Zẅikŋɛ, ɑ sɛ́ ŋ́ɡɛ pɛkŋɛ kúpmɛ ntɛ́, ŋ́ɡɛ pɛkŋɛ fí wɛ́, nɛŋwɑ́ŋɛ ẅi ɛ́ nǔu pɛkŋɛ, pɛn ḿbɔ́ ŋ́kẅiꞋ kẅiꞋnɛ.

2 Kɔlɛ̂ŋtɛ 4:6

mbíꞋŋɡɔ Sɛ́ ẅi ɑ kɑ cúnɛ ŋɡɔ: «Ɛ́ pɔŋ ŋɡɔ kyɛꞌ, ɛ́ kyɛꞌ zʉꞋ tsɛt nzɛ́nzʉ́ʉ», jʉ́ nɛ́ tú yɛ́ kɑ kɛ́ ńtɔ́ ŋ́kyɛꞋ mɛtʉ́m mɛ́k, nɛɡɛ pɛk jí pɑ́Ꞌ nɛŋwɑ́ŋɛ wɛ pɔ́nɛ, ɛ́ nɛŋwɑ́ŋɛ ẅi pɛ́ sɛ́ ńjʉ́ɔ nǔu shʉ́-Kɛlístɔ.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

Ɛ́bɛlʉʉ 12:21

Yúu mi pɛ́ kɑ pɔ́ ńjʉ́ɔ, ḿvukŋɛ vukŋɛnɛ, lɑ́ Mɔ̌sɛ̂ɛ cú ŋɡɔ ɑ sɛ́ ńcʉ̈ɔꞋ cʉɔꞋnɛ tɛ ńtsʉ́Ꞌ ŋ́ɡwɛt ɡwɛtnɛ.

Mɛnu ɛ́ ńdɑ́Ꞌ ńcẅɛt 18:1

N jʉ́ɔ mɔnɛ mɛyúu tɛ ḿbɔ́tnɛ ńnɑ́ŋ, n jʉ́ɔ wɛcɔ́ Cʉ̈ɔꞋ-Sɛ́ fú tʉ́nɛ́pú ńcúŋ, mɛ́ mɛtʉʉ ɡúꞋ tɛꞋ, wɛ nɛŋwɑ́ŋɛ pûu ŋ́kyɛꞋ tsɛ́tsɑ́Ꞌ tsʉʉ.

Mɛnu ɛ́ ńdɑ́Ꞌ ńcẅɛt 20:11

M bɛn ńjʉ́ɔ yɛcɔ́ mɑ́mɑ́ kɔꞋ-nɛfɔɔ tʉ́ʉ, ḿbɔ́ fúfú, n jʉ́ɔ mbɑ ŋu ẅí ɑ nɑ́ŋnɛ ndǔ. Tsɛ́tsɑ́Ꞌ pɔ́p nɛfɑŋ puu ɛ́fú mbi yɛ́ ŋ́kʉɔ. Yɔ́p zʉꞋ pɔɔ pɛn ḿbɔ́ zúꞋu pɔ́.