11 Pɛ́ lɛ́ tʉ́sɔŋ-fɔɔ Ndɑvît lɔ́Ꞌnɛ, ḿbí ŋu ẅi ɑ ɡɛ ŋ́ɡɛ pʉʉ luk. A Kɛlístɔ, ḿbɔ́ Tsɑpʉɔ ẅi Sɛ́ kɑ kɑꞋnɛ.
Yɑkɔ̂p pí Yɔsɛ̂p, Yɔsɛ̂p pɔ́ ndúu Mɑlíyɑ, Mɑlíyɑ pɔ́ mɑ́ pɛ́ Yɛ́su ẅí pɛ́ fúŋnɛ ŋɡɔ Nzɑ́Ꞌŋkʉ.
A ɡʉ ńtɑ́ɑ ḿbí mɔ́ɔ mbɛ́ɛnɛ, ɔ cẅi lík yɛ́ ŋɡɔ Yɛ́su, ńdɔk ńcú ŋɡɔ ɛ́fúŋ wɛ́ pɔ́Ꞌɔ, mbíꞋŋɡɔ jʉ́ ɡʉnɛ ŋ́ɡɛ pʉɔ-lɑ́Ꞌ pɔ́p luk ndɔɔ-mɛnu kɛpɔŋ mɔ́p. Yɛ́su lɔk ńcú ŋɡɔ luk.»
Símɔ Pyɛ̂ pʉ̈ɔt ŋɡɔ: «Ɔ Nzɑ́Ꞌŋkʉ, mɔ́ɔ-Sɛ́ ẅi ɑ ɡú.»
Yɛ́su cú pɔ́Ꞌɔ, ŋ́ɡɔ́ɔ ŋ́kɛ́ ŋ́kwɛn ɡɑŋku pɛ́ ŋɡɔ, kɔɔ pɔ́p kẅíi tɛ ŋu ndɛꞋ jí ŋɡɔ ɑ Nzɑ́Ꞌŋkʉ.
Mɑ́ pɛ́ Tsɑpʉɔ wɑɑ tɔ́ ŋ́ɡwɑ́ wɑɑ pɑ́Ꞌɑ, m bɔ́ yɑ́ɑ wɔ̌?
A túu Nzɑ́Ꞌŋkʉ wɛ ɡwɛ́ mbɔ̌ pɛkŋɛ. A cẅɛt nǔu njẅɛtndɑ́-ŋɡɑŋfɑꞋ wɛ́, fɔɔ Ndɑvît,
Mbɔ ɑ kɑ lɑ́Ꞌ ńzɑ́Ꞌ njí ɛ́sẅíi wɛ́ ŋɡɔ ɑ kɛ́ lɑ́Ꞌ ḿpfú kɛ́ pɔ yi ɑ ńzɑ́p lík nǔu Nzɑ́Ꞌŋkʉ ẅi ɑ túunɛ pɔ́.
Yɔsɛ̂p fú tʉ́sɔŋ-Nɑ́ɑzɑlɛt, tsɛt ŋɡɔ́ŋ-Ŋɡɑlilɛ́, ńtɔ́ tsɛt ŋɡɔ́ŋ-Jẅidɛ̂, tʉ́sɔŋ-Mbɛ́tɛ́lɛ́hɛm, nǔu zʉꞋ yinɛ pɛ́ kɑ pinɛ fɔɔ Ndɑvît zúꞋu, ḿbɔ́ ŋ́ɡʉ zúꞋu pɔ́Ꞌɔ, mbíꞋŋɡɔ ɑ ŋu nǔu njẅɛt ndɑ́-fɔɔ Ndɑvît.
Ndɛlɛ́yɑ ɛ̂wɑ́ ɡʉ ḿbiitɛ ɛ́sẅíi mɔ́ɔmɑ́ wɛ Símɔ̂ŋ, ńcú mbɔ̌ wɛ́ ŋɡɔ: «Pɛk jʉ́ɔ Nzɑ́Ꞌŋkʉ, ẅi Sɛ́ kɑ kɑꞋnɛ ɑ pɔ́ Kɛlístɔ.»
Filîp ɡʉ ńjʉ́ɔ Nɑtɑnɑyɛ̂l, ńcú mbɔ̌ wɛ́ ŋɡɔ: «Pɛk jʉ́ɔ ŋu ẅí pɛ́ kɑ ŋwɑꞋnɛ́nɛ nu nǔu wɛ́ tsɛt ŋwɑꞋnɛ-nɛpʉ́ʉ-Mɔ̌sɛ̂ɛ, mbɑ tsɛt mɛŋwɑꞋnɛ-pɛŋɡɛ́mndʉ̈ɔ́Ꞌ-Sɛ́ lɑ́. Pɛk jʉ́ɔ wɛ́, ɑ pɔ́ Yɛ́su, mɔ́ɔ-Yɔsɛ̂p, mɔ́ɔ-Nɑ̌zɑlɛt.»
A cú ŋɡɔ: «Ɔ́ɔŋ mbɑ̌ɑ Tsɑpʉɔ. Mɔ, m bɛ́m ŋɡɔ ɔ Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ mɔ́ɔ-Sɛ́ ẅi pɛ́ kɑ pɔ́ ńzẅíꞋlɛ ŋɡɔ ɑ ńtɔ́ ndǔmbí.»
Lɑ́ pɛ́ kɑ kɛ́ ŋ́ŋwɑꞋnɛ mɔnɛ pɑ́Ꞌnɛ nɛpɔ́ yi pʉʉ ɡʉ ḿbɛ́m ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ Mɔ́ɔ Sɛ́, ḿbɔ́ yi pʉʉ lɑɑ ḿbɛ́m, ɑ ɡɛ pʉʉ ŋ́ɡẅɛɛ luk kɛ́mɛ.
Mɑŋɡɛ́ ɛ̂wɑ́ cú mbɔ̌ wɛ́ ŋɡɔ: «N jí ŋɡɔ Nzɑ́Ꞌŋkʉ Sɛ́ kɑ kɑꞋnɛ ẅí pɛ́ fúŋnɛ ŋɡɔ Kɛlístɔ sɛ́ ńtɔ́. A ɡʉ ńtɔ́, ŋ́kyɛ́Ꞌtɛ mbɑ kʉ̈ɔ́ lɑ́ ɛ́sẅíi wɛ́k.»
Ḿbɔ́ ńcú mbɔ̌ mɑŋɡɛ́ ɛ̂wɑ́ ŋɡɔ: «Pɛk kɑ́ pɛ́t ńzɑ́p tʉ́m nǔu Yɛ́su ntɛ́ pɔ sẅiŋɛ yú ndɑꞋ pɔ́, pɛk zɑ́p tʉ́m nǔu wɛ́ ŋkɔ̂ɔnɛ, mbíꞌŋɡɔ pɛk yɛ́k tsuŋ ńzúꞋ sẅiŋɛ yɛ́, lɑ ńjí ŋɡɔ ɑ ŋu ẅí ɑ ɡʉ ŋ́ɡɛ pʉɔmɛsɔŋ pínɛ pɔ́p ndǔmbí luk.»
Pɛk kɑ lɑ́Ꞌmɔ́ ḿbɛ́m, ḿbɛn ḿbɔ́ ńjí ŋɡɔ ɔ kwɑꞋ ŋu ẅí ɑ fúnɛ nɛjɔ́ŋ Sɛ́.»
Pɛcɔ́ pɔ́ ńcú ŋɡɔ jʉ́ pɔ́nɛ Nzɑ́Ꞌŋkʉ ẅi Sɛ́ kɑ kɑꞋnɛ. Lɑ́, pɛcɔ́ pɔ́ ńcú yɔ́p pɔ ŋɡɔ Nzɑ́Ꞌŋkʉ ẅi Sɛ́ kɑ kɑꞋnɛ lɑɑ ḿbɔ́ ɑ pɔɔ fú Ŋɡɑlilɛɛ pɔ́.
Sɛ́ kɑ túu sẅiŋɛ yɛ́ mbɔ̌ pɔ́ɔ-Íslɑyɛ̂l. Ɛ́ pɔ́ Ŋkʉʉ Sʉ́Ꞌnɛ, ńcú nu nǔu mbɔ́tnɛ yí pɛ́ lɛɛnɛ nǔu Yɛ́su Kɛlístɔ ẅí ɑ Tsɑpʉɔ-pʉɔ tsʉʉ ŋ́ɡẅɛɛ.
Sɛ́ pɛn ŋ́ɡʉ nǔu njẅɛtndɑ́-fɔɔ Ndɑvît, ŋ́ɡɛ pɛ́ pí Nzɑ́Ꞌŋkʉ pɑ́Ꞌ ɑ kɑ kɑꞋnɛ, ŋɡɑŋ pɔ́ Yɛ́su.
Pɔ̂l pɔ́ ńniitɛ ŋ́kyɛ́Ꞌtɛ ɛ́sẅíi wɔ́p ŋɡɔ Nzɑ́Ꞌŋkʉ ẅí Sɛ́ kɑ kɑꞋnɛ, kɑ ɡẅɛɛ nɛjʉ́ɔ ŋɡʉ̈ɔ́Ꞌ, ḿpfú, ḿbɛn ńzẅíimɛ nǔu nɛvú. Nzɑ́Ꞌŋkʉ ɛ̂wɑ́ Yɛ́su ẅi ɑ sẅíinɛ wɔ́p lɑɑ.
Pɔ́Ꞌɔ lɑ́, ŋɡɔŋ njẅɛtndɑ́-Íslɑyɛ̂l, pʉʉ ɡẅɛɛ nɛtsuŋ ńjí sʉ́Ꞌnɛ ŋɡɔ, Yɛ́su ẅí pʉʉ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́, ɑ jʉ́ ẅi Sɛ́ kɑ lɔknɛ wɛ́ ŋ́ɡɛ Tsɑpʉɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ ẅi Sɛ́ kɑ kɑꞋnɛ.
Sɛ́ kɑ ɡɛ ɑ kɔ́Ꞌ nɛ́ tʉ́nɛpú, ɑ tsẅíkŋɛ wɛ́ nǔu ɡúŋ-pɔ́ yɛ́ yi tʉʉ, pɔ́Ꞌɔ, ńdɔk wɛ́ ŋ́ɡɛ fɔɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ. Sɛ́ kɑ ɡɛ pɔ́Ꞌɔ, nɛpɔ́ yi pʉɔ-Íslɑyɛ̂l ɡʉ kúpmɛ mɑt wɔp, ɑ likŋɛ mɛnu kɛpɔŋ mɔ́p.
Sɛ́ kɑ tsʉ́Ꞌ nɛpɔ́ɔ nduŋmbi ŋumɛsɔŋ, ńdɔk tsɛ́tsɑ́Ꞌ ḿbɔ́ɔ wɛ́. Ẅîwɑ́ ŋu lɔk pɔ́Ꞌɔ, ɛ́fú ndǔ tsɛ́tsɑ́Ꞌ, lɑ́ ŋu mbɑ́ɑtɛ yɛ́pɑ́ fú pɔ tʉ́nɛ́pú.
Ɛ́ pɛn ḿbɔ́ ḿbíkŋɛ ŋɡɔ mbɑ wɔ̌ lɑ́ ɛ́sɑ́Ꞌ ŋɡɔ Yɛ́su Kɛlístɔ Tsɑpʉɔ. Pɛ́ ɡʉ ńcú pɔ́Ꞌɔ, ɛ́ lɔk ŋ́ɡɑ́ mɛkuꞋ mbɔ̌ Sɛ́ Tɑ́t.
Ɛ́ kɑ́ pɔ́ pɔ ndɑꞋ pɔ́Ꞌɔ pɔ́, nɛjí Yɛ́su Kɛlístɔ, Tsɑpʉɔ wɑɑ tsʉ́Ꞌnɛ ńdɛɛ nu tsʉʉ. Mbɑ kʉ̈ɔ́ lɑ́ tsʉ́Ꞌ ḿbɔ́ pɔ pɛ́. Mbɔ ŋ kɑ lʉꞋ yúu tsʉʉ mbíꞋ pɔ wɛ́. N tsʉ́Ꞌ ńdíŋɛ mîmɑ́ mɛyúu tsʉʉ ɛ́ pɔ́ pɔ kyɑŋɛ. Kɛlístɔ tsʉ́Ꞌnɛ yɑ́ɑ pii,
Pɑ́Ꞌ pʉʉ kɑ pɛ́m mɔ́ ŋɡɔ Yɛ́su Kɛlístɔ Tsɑpʉɔ wʉ́ʉ lɑ́, ɛ́ sɛ́ ḿbíkŋɛ ŋɡɔ wʉ́ʉ nɛnɑ́ŋ pɔ́ pɑ́Ꞌ ɑ sɛ́ ŋ́kɔŋ.
Pɛk kɑ lɔk mík mɛ́k ńjʉ́ɔ tɛ ḿbɔ́ ńcú pɑ́Ꞌɑ, ḿbɔ́ pɑjʉ́njʉ́ɔ nǔu pɑ́Ꞌ ɑ kɑ túunɛ Mɔ́ɔ nɛ, pɑ́Ꞌ ɑ ḿbɔ́ ŋu ẅí ɑ ŋ́ɡɛ pʉɔ-ndǔmbí luk.
Ŋu ẅí ɑ pɛ́mnɛ ŋɡɔ Yɛ́su Nzɑ́Ꞌŋkʉ, ɑ mɔ́ɔ-Sɛ́. Ŋu ẅí ɑ kɔŋnɛ Sɛ́ Tɑ́t, ɑ pɛn ŋ́kɔŋ mbɑ pɔ́ɔ-Sɛ́.
