Lúkɑ́shi 19:9 - Kɑɑ Fí

⁹ Yɛ́su zúꞋ, ńcú ŋɡɔ: «Sɛ́ ɡɛ yɔ ndɑ́ luk lɔ́Ꞌnɛ, mbíꞋŋɡɔ Sɑkíyɔ pɛn ḿbɔ́ yɛ́ wɛcɔ́ mɔ́ɔ-Ábɛlɛhɑ̂m!

Lúkɑ́shi 19:9 교차 참조

Lúkɑ́shi 13:16

Ŋ́ɡʉ nǔu mɑŋɡɛ́ wɔ ẅí ɑ nǔu njẅɛt-Ábɛlɛhɑ̂m, mbɔ Sɑ́ttɑ kɑ ɡɔ́ɔ ŋ́kút wɛ́, tɛ ɛ́ ŋkɔ̂ɔnɛ ńdɔk ḿbɔ́ ŋɡuꞋ ntsɔ̌pɛ́nɛ́fɔ́m nɛ́ nɛɡɛ́m, ɛ́ ŋ́kɑɑ ḿbɔ́ ḿbíkŋɛ ŋɡɔ ŋ kíɛꞋ ŋkʉ kɛpɔŋ nǔu wɛ lɔ́Ꞌnɛ, mbɑ pɑꞋ yɔ lɛ́Ꞌnji pɔ́ ɔɔ?»

Lúkɑ́shi 13:30

Pʉʉ jí ŋɡɔ pɛcɔ́ pɑluŋmbi ŋkɔ̂ɔnɛ ɡɛ ńdɑ́Ꞌ ńtsʉ́Ꞌ pɑ́ lẅiknzʉʉ, pɛcɔ́ pɑ́ lẅiknzʉʉ ŋkɔ̂ɔnɛ lɑ́Ꞌ ḿbɔ́ pɑ́ luŋmbi.

Lúkɑ́shi 16:24

Ŋɡɑŋkɑ́p zɛ nɛkíi ḿbúꞋ mbɔ́ mbɔ̌ ńcú ŋɡɔ: «Tɑ̌ɑ mɔ Ábɛlɛhɑ̂m, tsɑ́ɑ mɛjʉ́ŋ mɑ́ɑ, ńtúu Lɑzɑ̂ɑ, ɑ cʉɔꞌ mɔ́ɔ tɔ̂pɔ́ wɛ nǔu ŋki ńdɔk ńtɔ́, ńcʉ̈ɔ́kŋɛ nǔu lʉ́m yɑ́ɑ. MbíꞋŋɡɔ mɔ sɛ́ ńjʉ́ɔ ŋɡʉ̈ɔ́Ꞌ tsɛt múk wɔ tɛꞋ.»

Lúkɑ́shi 16:30

Ŋɡɑŋkɑ́p cú ŋɡɔ: «Ŋɡɑ́ŋ, mbɑ́ɑ Tɑ̌ɑ mɔ Ábɛlɛhɑ̂m, ɛ́ nu lɑ́, ŋu lɑɑ ɛ́fú lɑ́Ꞌ-pɛpfú ḿbɛn ńtɔ́ ɛ́sẅíi wɔ́p, mbɔ pɔ́p ɡɛ ńzúꞋ, ɛ́ kúpmɛ mɑt wɔp.»

Lúkɑ́shi 2:30

Ɔ́ɔŋ, n dɔk mík mɑ́ɑ ńjʉ́ɔ pɑ́Ꞌ ɔ ɡʉ ŋ́ɡɛ pʉɔmɛsɔŋ luk.

Lúkɑ́shi 3:8

Pʉʉ kúp pɔ mɑt, ŋ́ɡɛ mɛnu sʉ́Ꞌnɛ mi ɛ́ nyɛtnɛ ŋɡɔ pʉʉ kúpmɛ. Pʉʉ pɑ́ɑ nɛlɔk ndɑꞋ ntsu wʉ́ʉ ńcú ŋɡɔ: Pɛk pɔ́ɔ-Ábɛlɛhɑm. Lɑ́ ŋ kɛ́ ɛ́sẅíi wʉ́ʉ: Sɛ́ kuꞋ nɛshɔt mɛŋɡɔꞋ mɔnɛ ńdɔk ŋ́ɡɛ njẅɛt-Ábɛlɛhɑ̂m.

Pʉɔ-Lɔ́mɑ 4:16

Ɛ́ yúu mi ɛ́ ɡɛnɛ, ŋu lɔk pɔ nɛzɑ́p tʉ́m nǔu Sɛ́ lɑ ŋ́ɡẅɛɛ yúu mi pɛ́ kɑ kɑ́Ꞌnɛ. Sɛ́ lɔk pɔ́Ꞌɔ, ŋ́ɡɑ́ pɔ fuꞋ níinɛ yɛ́, ɛ́ lɛɛ pɔ́Ꞌɔ, mbɑ wɔ̌ lɑ́ ẅi ɑ nǔu njẅɛt-Ábɛlɛhɑ̂m ɡẅɛɛ yɛ́ yúu. Tɛ ɛ́ pɔɔ pɔ́ ndɑꞋ pʉɔ pi pɔ́p nɑ́ŋnɛ ńzúꞋ yɔ́p pɔ mbɔ̌ nɛpʉ́ʉ pɔ́, ɛ́ pɛn ḿbɔ́ mbɑ pʉɔ pi pɔ́p zɑ́pnɛ yɔ́p pɔ tʉ́m nǔu Sɛ́ pɑ́Ꞌ Ábɛlɛhɑ̂m. A tɑ́t wɛkŋɛ pɛtsʉʉ pi pɛkŋɛ pʉɔ-Sɛ́.

Ŋɡɑlɑ̂t 3:14

Yɔ nu pɔ́ pɑ́Ꞌɑ nɛpɔ́ wi Sɛ́ ɡʉ ɛ́fú nǔu yúu mi Yɛ́su Kɛlístɔ, ẅí ɑ nǔu njẅɛt-Ábɛlɛhɑ̂m ɡɛnɛ, ńníꞋ mbɔ́tnɛ nǔu pʉɔ pi pɔ́p kɑ́ pɔ́ pɑyúdɑ pɔ́, ɛ́ lɛɛ nǔu Ábɛlɛhɑ̂m, mbɑ nɛpɔ́ yi pɛkŋɛ ɡʉ ńdɔk pɑ́Ꞌ pɛkŋɛ zɑ́pnɛ tʉ́m nǔu Kɛlístɔ ŋ́ɡẅɛɛ Zẅikŋɛ yi Sɛ́ kɑ kɑꞋnɛ mbɔ̌ pɛkŋɛ.

Ŋɡɑlɑ̂t 3:29

Pɑ́Ꞌ pʉʉ pʉɔ-Kɛlístɔ lɑ́, pʉʉ lɔk ḿbɔ́ njẅɛt-Ábɛlɛhɑ̂m, ḿbɔ́ pɑɡẅɛɛ yʉ́ʉ yúu nǔu yúu mi Sɛ́ kɑ kɑꞋnɛ.

Ŋɡɑlɑ̂t 3:7

Pɔ́Ꞌɔ lɑ́, pʉʉ jí ŋɡɔ pʉɔ pi pɔ́p zɑ́pnɛ tʉ́m yɔ́p nǔu Sɛ́ pɔ́nɛ kwɑꞋ njẅɛt yi Sɛ́ kɑ kɑꞋnɛ mbɔ̌ Ábɛlɛhɑ̂m.

1 Pyɛ̂ 2:10

Pʉʉ pi pʉʉ kɑ pɔ́ yɛcɔ́ ŋkɑ́, ḿbɔɔ pʉɔ-Sɛ́ pɔ́, pʉʉ kɑ tsʉ́Ꞌ mɔ́ pʉɔ pɛ́. Pʉʉ pinɛ pʉʉ ŋ́kɑɑ kɛ́ ńtsɑ́ɑ mɛjʉ́ŋ-Sɛ́ pɔ́ Sɛ́ kɑ kɛ́ mɔ́ ńtsɑ́ɑ mɛjʉ́ŋ mʉ́ʉ.