7 Lɑ́Ꞌ kɑ jʉ́ɔ pɑꞋ pɔ́pmɛ́ ɡʉnɛ, ɛ́sẅíitɛ ŋɡɔ: «A pʉ́ɔ liinɛ, ɑ ɡʉnɛ ndɑ́-ŋu kɛpɔŋ ńdɛ́ lii!»
Pɔ́p ɡɔ ńcẅɛ́ɛ lɔ́ŋ wɔp pɔ́ ńzɑ́ŋ ntɛ́ ŋɡɑŋkɑ́Ꞌ.
A cú mbɔ̌ pɔ́p ŋɡɔ: «Pʉʉ ɡʉ yʉ́ʉ ŋkɑ́Ꞌ mɔ ɛ́fɑꞋ fɑꞋ. Ŋ ɡʉ ŋ́ɡɛ ńdʉŋtɛ yʉ́ʉ tsɔ́ꞋfɑꞋ nǔu fɑꞋ yʉ́ʉ.»
Pɑfɑlísɑy jʉ́ɔ pɔ́Ꞌɔ, ḿbíkŋɛ ɡɑŋku-Yɛ́su ŋɡɔ: «Tɑ̌ɑ wʉʉ kwɛ́t yúu pɔ́p pɑcẅɛ́ɛ ntsup-Pɑlɔ́mɑ ŋ́ɡɛ pɛcɔ́ pʉɔ kɛpɔŋ mɛlɑ́Ꞌ kʉ̈ɔ́?»
Pɑfɑlísɑy pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ jʉ́ɔ pɔ́Ꞌɔ, ḿbɔ́ ńcútɛ tsɛtsɛt pɔ́p ŋɡɔ: «Ŋu ẅi lɔ ńcúꞋlɛ pʉɔ kɛpɔŋ tɛ pɔ́p pɛpɔ́p tɛmtɛ ńjʉ́ yúujʉ́.»
Sɑkíyɔ ɡɔ́ɔ ḿpfúu, ńtʉ́ʉ sɛ́, ńdɔk tsɑ́ɑtɛ ŋ́kúkŋɛ Yɛ́su.
Pɔ́pmɛ́ ɡɛ ḿbɔ́ ndɑ́, Sɑkíyɔ tʉ́ʉ mbi yɛ́ ńcú ŋɡɔ: «Tsɑpʉɔ, mɔ ŋ́ɡɑptɛ yúu pɑ́ɑ nji yɛ́pɑ́, ŋ́ɡɑ́ tɑ́Ꞌ nji mbɔ̌ pɛkɛyúu, ḿbɔ́ yi ŋ kɑ lɔk ɡɑ́tɛ ńcẅɛ́ɛ yúu-ŋu, mbɔ mɔ ńtsɔ́Ꞌ ŋ́ɡɑ́ mbɔ̌ ŋɡɑŋ ŋkɑ́ yɛ́nɛ́kwɑ.»
Pɛcɔ́ pʉɔ-Fɑlísɑy pɔ́p pɛcɔ́ pɑkyɛ́Ꞌtɛ nɛpʉʉ-Mɔ̌sɛ̂ɛ jʉ́ɔ pɔ́Ꞌɔ, ḿbɔ́ ɛ́sẅíitɛ, ḿbíkŋɛ ɡɑŋku-Yɛ́su ŋɡɔ: «MbíꞋku pʉʉ pɑcẅɛ́ɛntsup pɔ́p pɛcɔ́ pʉɔ kɛpɔŋ tɛmtɛ yúu ńjʉ́?»
Mɔ́ɔ-ŋu kɛ́ ńtɔ́ yɛ́ ŋkɔ̂ɔnɛ, ḿbɔ́ ŋ́kwɛ́t yúu, ḿbɛn ḿbɔ́ ńnɔ́ mɛluꞋ, pʉʉ cú ŋɡɔ pɛ́ líŋɛ wɛ́ lɑ́ ńjʉ́ɔ, ŋu wɑ́lɑ́ pɔ́ ŋ́kwɛ́t yúu, ḿbɔ́ nɛ́nɔ́mɛluꞋ, ḿbɔ́ súu pɑcẅɛ́ɛ ntsup-Pɑlɔ́mɑ, mbɑ wɛ pɛcɔ́ pʉɔ kɛpɔŋ.
Ŋu-Fɑlísɑy ẅí ɑ lɑ́Ꞌnɛ ɛ́fúŋ Yɛ́su jʉ́ɔ pɔ́Ꞌɔ, ŋ́kwɑŋɛ tʉ́m yɛ́ ŋɡɔ, ŋu wɔ pɛ́Ꞌɛ ḿbɔ́ kwɑꞋ ŋɡɛ́mndʉ̈ɔ́Ꞌ-Sɛ́, mbɔ ɑ jí lii mɑŋɡɛ́ ẅi ɑ zɑ́pnɛ pɔ́ nǔu wɛ́ lɑ́, mbɔ ɑ jí ŋɡɔ ɑ mɑŋɡɛ́ kɛpɔŋ.
