Biblia Todo Logo
온라인 성경

- 광고 -




Lúkɑ́shi 19:21 - Kɑɑ Fí

21 Ńzɛɛ ńdẅɛꞋ pɔ́Ꞌɔ, pɔ mbíꞋŋɡɔ ŋ kɑ pɔ́ ḿbɔ́k wú pɔ́knɛ. Ɔ ŋu ńcʉ̈ɔ́k tɛꞋ, ɔ lɔ ḿbɛ́ɛ yúu pɔ zʉꞋ yi ɔ ŋ́kɑɑ zúꞋu nɔŋ, ḿbɛn ŋ́kɑ́p yúu mi ɔ ŋ́kɑɑ pi.

장을 참조하십시오 복사




Lúkɑ́shi 19:21
16 교차 참조  

Wɛcɔ́ tɔ́ ńcú ŋɡɔ: «Mɛ́ntɑ́t, tɑ́Ꞌ pɑk-ŋkɑ́p yu yɑ́ pʉ́ɔ, ŋ kɑ lɔk yúu-ndẅí ŋ́kút ńdẅɛꞋ.


Fɔɔ tsɔ́Ꞌ mbɔ̌ wɛ́ ŋɡɔ: Ɔ ŋu ŋɡɑŋfɑꞋ kɛpɔŋ. Ŋ ɡɛ ńdɔk pɔ ntsu wú ŋ́ŋɑk wú. Ɔ kɑ jí ŋɡɔ mbɑk-nu yɑɑ tɛn tɛꞋ, ŋɡɔ n dɔ ḿbɛ́ɛ yúu zʉꞋ yi ŋ kɑ́ nɔŋ, ńtsɔ́Ꞌ yúu zʉꞋ yi ŋ kɑ́ pi.


Zẅikŋɛ yi pɛ́ kɑ níꞋnɛ nǔu pʉʉ, zɛɛ mbɔɔ Zẅikŋɛ yi ɛ́ ɡʉ ŋ́ɡɛ pʉʉ pɛn ḿbɔ́ pɔ pɛkwɑɑ pi pɔ́p ŋ́ɡɛ ḿbɔ́ ńcʉ̈ɔꞋ cʉɔꞋnɛ pɔ́. Ɛ́ pɔ́ pɔ Zẅikŋɛ yi ɛ́ ŋ́ɡɛ ŋ́ɡɛ pʉʉ tsʉ́Ꞌ pɔ́ɔ-Sɛ́. Pɛkŋɛ pɛn ńdúꞋnɛ yîyɑ́ Zẅikŋɛ, ɛ́fúŋ wɛ́ ŋɡɔ Ábɑ; ɛ́ pɔ́ ŋɡɔ Tɑ̌ɑ.


Pɛcɔ́ pʉɔ nǔu sɛ̂ndúŋ-nɛvú mbíꞋŋɡɔ pʉɔ pi pɔ́p nɑ́ŋnɛ ńtík tʉ́m yɔ́p pɔ nǔu yúu mi mbʉʉ yɔp sɛ́ ɛ́sẅíi wɔ́p, pɛɡɑŋmbuu-Sɛ́. Pɔ́p kɑ́ kúꞋlɛ nɛpʉ́ʉ-Sɛ́ pɔ́, wɛcɔ́ shʉ́ nɛzɛɛ ŋ́kúꞋlɛ kɑ́ pɔ́ mbɔ̌ pɔ́p pɔ́.


N cú mbíꞋŋɡɔ Zẅikŋɛ yi Sɛ́ kɑ zɛɛ ŋ́ɡɑ́ mbɔ̌ pɛkŋɛ, ɛ́ kɑ́ pɔ́ yi ɛ́ ŋ́ɡɛ pɛkŋɛ pɔ́k pɔ́knɛ pɔ́. Tɛ ńtsʉ́Ꞌ pɔ́Ꞌɔ, mbɔ Zẅikŋɛ ɛ̂yɑ́ níꞋ mɛtʉʉ nǔu pɛkŋɛ, ŋ́ɡɛ pɛkŋɛ kɔŋ pʉɔmɛsɔŋ, ḿbɛn ŋ́kúꞋlɛ mbʉʉ yɛkŋɛ.


Ŋu lɑɑ ńzɛɛ ŋ́ɡẅɛɛ nɛpʉ́ʉ-Sɛ́ tsʉʉ, lɑ́ ŋ́ɡʉ nǔu ɛ́fɑɑnɛ pɔ ndɑꞋ tɑ́Ꞌ, mbɔ ɑ fɑɑnɛ pɔ nɛpʉ́ʉ tsʉʉ.


Ŋkɔŋɛ piitɛ tɛ ḿbɔ́ sɛ́, cʉɔꞌ mɛ. Ŋkɔŋɛ lɑɑ ḿbɔ́ tɛ yɛcɔ́ yúu pɔɔ jɑ́k nǔu pɔ́, ɛ́ pík cʉɔꞌ, ŋu ɡɔ́ ńcʉ̈ɔꞋ, mbɔ ɑ fɑɑnɛ nu lɑ ḿbɔ́ ḿbɔ́k. Pɔ́Ꞌɔ lɑ́, ŋu lɑɑ ńcʉ̈ɔꞋ, mbɔ ɛ́ lɔk ḿbɔ́ ŋɡɔ yúu pɛ́t ńjɑ́k nǔu ŋkɔŋɛ yi ɑ ɡẅɛɛnɛ.


Ńtɔ́ pɔ́Ꞌɔ, nɛzɑ́Ꞌ ntsɑŋ yɔ́p pʉɔ tsʉʉ, ńníꞋ ŋɡʉ̈ɔ́Ꞌ tú-pʉɔ kɛpɔŋ tsʉʉ mbíꞋ mɛfɑꞋ kɛpɔŋ mi pɔ́p kɑ fɑꞋnɛ. Mbɑ́ɑtɛ nǔu pʉɔ pɔ́p kɑ tʉʉnɛ tú mbɔ̌ Sɛ́, tɛ mbɑ nǔu sẅiŋɛ yɔ́p tsʉʉ yi ɛ́ pʉ́k pʉ́knɛ, yi pʉɔ kɛpɔŋ ɛ̂pɑ́ pi pɔ́p ŋ́kɑɑ ɡẅɛɛ mɛkuꞋ pɔ kɑ pɔ́ ńcú nǔu Sɛ́.


우리를 팔로우하세요:

광고


광고