Lúkɑ́shi 19:13 - Kɑɑ Fí

¹³ A ɡɔ ŋ́ɡʉ, ɛ́fúŋ ɡɑŋfɑꞋ pɛ́ nɛɡɛ́m, ŋ́ɡɑ́ pɑk-ŋkɑ́p ɛ́ yi tʉʉ ndɛn mbɔ̌ mbɑ wɔ̌ lɑ́, ńcú mbɔ̌ pɔ́p ŋɡɔ: «Pʉʉ tsʉ́Ꞌ ḿbɔ́ ńtɑ́ŋ ŋkɑ́p yɔ tɛ n dɑ́Ꞌ ḿbɛn.»

Lúkɑ́shi 19:13 교차 참조

Mɑtʉ̈ɔ 25:16

ŊɡɑŋfɑꞋ ẅí pɛ́ kɑ nɑ́nɛ ŋkɑ́p pɑk ŋkʉ yɛ́tɑ́ɑ mbɔ̌ wɛ́, tsʉ́Ꞌ ŋ́ɡɔ́ɔ fɛ́ꞌnɛ ńtɑ́ŋ yɛ́, tɛ ńjʉ́ yɛcɔ́ pɑk ŋkʉ yɛ́tɑ́ɑ.

Mɑtʉ̈ɔ 25:20

Ŋu ẅí ɑ kɑ nɑ́nɛ ŋkɑ́p pɑk ŋkʉ yɛ́tɑ́ɑ mbɔ̌ wɛ́ tɔ́, ńnyɛt yɛ́ yɛcɔ́ pɑk ŋkʉ yɛ́tɑ́ɑ, ńcú ŋɡɔ: «Ndɛ ɔ kɑ nɑ́ ŋkɑ́p pɑk ŋkʉ yɛ́tɑ́ɑ mbɔ̌ mɔ, ŋ ɡɛ pɑk ŋkʉ yɛ́tɑ́ɑ zɑ́pmɛ nǔu.»

Mɑtʉ̈ɔ 25:22

Ŋu ẅí ɑ kɑ nɑ́nɛ ŋkɑ́p pɑk ŋkʉ yɛ́pɑ́ mbɔ̌ wɛ́ lɑ́ tɔ́ yɛ́, ńcú ŋɡɔ: «Ndɛ, ɔ kɑ nɑ́ ŋkɑ́p mbɔ̌ mɔ pɑk ŋkʉ yɛ́pɑ́, jʉ́ɔ yɛcɔ́ pɑk ŋkʉ yɛ́pɑ́ yi ɛ́ zɑ́pmɛ́nɛ nǔu.»

Mɑtʉ̈ɔ 25:24

Lɑ́ ŋu ẅí ɑ kɑ nɑ́nɛ ŋkɑ́p pɑk ŋkʉ mbɔ̌ wɛ́ lɑ́ tɔ́ yɛ́, ńcú ŋɡɔ: «Ndɛ, ŋ kɑ pɔ́ ńjí ŋɡɔ ɔ ŋu ńtɛn tɛꞋ, ŋ́kɑ́p yúu zʉꞋ yí ɔ ŋ́kɑɑ zúꞋu mɑꞋ, ḿbʉ̈ɔ́Ꞌ yúu zʉꞋ yí ɔ ŋ́kɑɑ zúꞋu pi.

Lúkɑ́shi 19:12

«Wɛcɔ́ mɔ́ɔntɔ́Ꞌ kɑ lɑ́Ꞌ ńdɔ sɛ́, ŋ́ɡʉ tɛ túu pɑꞋ pɛ́ ɡʉ ńdɔk wɛ́ ŋ́ɡɛ fɔɔntʉ̈ɔꞋ lɑ́, ɑ pɛn nzʉʉ, ḿbɔ́ ɛ́sɑ́Ꞌ yɛ́ pɑk-lɑ́Ꞌ.»

Lúkɑ́shi 19:14

Ŋ́ɡɔ́ɔ ŋ́kɛ́ ŋ́ɡʉ. Lɑ́, pɑlɑ́Ꞌ ɛ̂pɑ́, lɔk pɑꞋ pɔ́p kɑ pɔ́ ḿbɑɑ wɛ́ pɑɑnɛ, ńtúu pʉɔ zʉꞋ yi ɑ ɡʉnɛ́ nɛ́ zúꞋu, ŋɡɔ pɔ́p ɡʉ ńcú ŋɡɔ: «Pɛk kɑ́ pɔ́ ŋ́kɔŋ ŋɡɔ ŋu wɑ́lɑ́ sɑ́Ꞌ wɛk pɔ́.»

Jɑ̂ŋ 12:26

Ŋu lɑɑ ḿbɔ́ ɛ́fɑꞋ mbɔ̌ mɔ, ɑ cʉ́ɔ nzʉʉ mɔ. ZʉꞋ yí ŋ ɡʉnɛ zúꞋu lɑ́, ŋɡɑŋfɑꞋ wɑɑ ɡʉ ḿbɔ́ yɛ́ zúꞋu. Ŋu lɑɑ ḿbɔ́ ɛ́fɑꞋ mbɔ̌ mɔ, mbɔ Tɑ̌ɑ mɔ ɡʉ ŋ́ɡɛ ŋ́ɡɑ́ mɛkuꞋ mɛ́.

Ŋɡɑlɑ̂t 1:10

Pʉʉ sẅíi wɑ́ɑ nɛ́ nu yi ɛ fúnɛ nɛcú lɑɑ, ɛ́ nyɛt ŋɡɔ mɔ sɛ́ ńtsɑ́ɑ ŋɡɔ nu yɑ́ɑ pɔŋ pʉɔmɛsɔŋ kɛ ŋɡɔ ɛ́ pɔŋ pɔ Sɛ́? Mɔ pɑ́Ꞌɑ ḿbɔ́ ńtsɑ́ɑ nɛɡɛ yúu mi ɛ́ ɡʉ ḿbɔŋ pʉɔmɛsɔŋ? Ɛ́ pɛ́Ꞌnɛ, m bɔ́ ńdɔɔ mbɑ nɛɡɛ yúu mi ɛ́ ḿbɔŋ pʉɔmɛsɔŋ, mbɔ ŋ kɑ́ pɛn ḿbɔ́ ŋu ẅí ɛ fɑꞋnɛ fɑꞋ-Kɛlístɔ pɔ́.

Jɑ̂k 1:1

A mɔ Jɑ̂k, mɔ ŋɡɑŋfɑꞋ-Sɛ́, mbɑ wɛ Tsɑpʉɔ Yɛ́su Kɛlístɔ. Ŋ ɡɑ́ yɔ ŋwɑꞋnɛ mbɔ̌ pʉʉ pɔ́ɔ-Sɛ́ pi pɔ́p nǔu mɛnjẅɛtndɑ́-pʉɔ-Islɑɛ̂l ntsɔ̌ppɑ́ nɛ́ nɛɡɛ́m, mbɔ pɔ́p kɑ sɑt mɔ́ zʉꞋ tsʉʉ ndǔmbí. N cɛꞋlɛ wʉ́ʉ.

2 Pyɛ̂ 1:1

A mɔ Símɔ̂ŋ Pyɛ̂, ŋu ẅí ɑ fɑꞋnɛ fɑꞋ-Yɛ́su Kɛlístɔ, ḿbɛn ḿbɔ́ ŋɡɑŋntúu wɛ. Ŋ ɡɑ́ yɔ ŋwɑꞋnɛ mbɔ̌ pʉʉ pi pʉʉ kɑ zɑ́pnɛ tʉ́m yʉ́ʉ nǔu Yɛ́su Kɛlístɔ pɑ́Ꞌ pɛk yɛ́k. Nɛzɑ́p tʉ́m nǔu Yɛ́su Kɛlístɔ, ɛ́ yúu tʉʉndɛn mbɔ̌ pʉʉ mbɑ mbɔ̌ pɛk ɡúu. Yɛ́su Kɛlístɔ kwɑꞋ jʉ́ kɑ ɡɛnɛ pɔ́Ꞌɔ mbɔ̌ pɛkŋɛ, mbíꞋŋɡɔ ɑ ɡɛ yúu nǔu mbɑ wɔ̌ lɑ́ pɔ ndʉ́ŋndʉŋ. A Sɛ́ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.