Lúkɑ́shi 19:12 - Kɑɑ Fí

¹² «Wɛcɔ́ mɔ́ɔntɔ́Ꞌ kɑ lɑ́Ꞌ ńdɔ sɛ́, ŋ́ɡʉ tɛ túu pɑꞋ pɛ́ ɡʉ ńdɔk wɛ́ ŋ́ɡɛ fɔɔntʉ̈ɔꞋ lɑ́, ɑ pɛn nzʉʉ, ḿbɔ́ ɛ́sɑ́Ꞌ yɛ́ pɑk-lɑ́Ꞌ.»

Lúkɑ́shi 19:12 교차 참조

Mɑtʉ̈ɔ 21:38

Lɑ́ pʉɔ pɑ́ jʉ́ɔ mɔ́ɔ-ndʉ́m wɑ́, ńcú tsɛtsɛt pɔ́p ŋɡɔ: «Njʉ́ndɑ́ wɛ pʉɔlɑ́ ɑ tɔ́nɛ lɑɑ. Pʉʉ tɔ́ pɛkŋɛ jẅí wɛ́ ńjʉ́ ŋkɑ́Ꞌ,»

Mɑtʉ̈ɔ 28:18

Yɛ́su tɔ́ nɛjɔ́ŋ pɔ́p, ńcú mbɔ̌ pɔ́p ŋɡɔ: «Sɛ́ kɑ ɡɑ́ mɛtʉʉ tsʉʉ mbɔ̌ mɔ nɛlɔk ɛ́sɑ́Ꞌ yúu mi ɛ́ tʉ́nɛ́pú mbɑ yi ɛ́ ndǔ tsɛ́tsɑ́Ꞌ.»

Mɑ́lɛ́kúshi 12:1

Yɛ́su tsɔ́Ꞌ pɔ́Ꞌɔ, ńzɛ nɛlɔk sɑknɛkɛt ńcú mbɔ̌ pɔ́p ŋɡɔ: «Wɛcɔ́ ndʉ́m kɑ ɡẅɛɛ ŋkɑꞋ wɛ́, ŋ́ɡʉ tsɛtú, ḿbi mɛtʉ́ mi pɛ́ kíɛ mɛntɑ́ɑ mɛ́ ńdɔk ńniitɛ mɛluꞋ, ḿbɔ́ɔ tɑ́ɑŋkɑ́Ꞌ ńdɔk ŋ́kíitɛ, ŋ́ɡʉ tsɛt ŋkɑꞋ, ḿbuꞋ ɡʉ́ɔ nǔu ŋɡɔꞋ zʉꞋ yí pɛ́ ɡʉ kíɛ mɛntɑ́ɑ zúꞋu, ḿbɛn ḿbɔ́ɔ tɑꞋ sɛsɑ ndɑ́ ẅi pɛ́ ɡʉ ŋ́kɔ́Ꞌ ńtʉ́ʉ tsɛtú lɑ́ ḿbyɛ́p ŋkɑ́Ꞌ, ŋ́ɡɛ pɔ́Ꞌɔ, ńníꞋ ŋkɑ́Ꞌ mbɔ̌ pɑniitɛ mɛluꞋ ŋ́ɡɔ́ɔ ŋ́ɡʉ nɛ́ nɛnɛn.

Mɑ́lɛ́kúshi 16:19

Tsɑpʉɔ Yɛ́su kɑ cú mbɔ̌ pɔ́p tɛ ḿbɔ́tnɛ ńnɑ́ŋ, Sɛ́ ŋɑ́Ꞌ wɛ́ ńdɔk ŋ́kɔ́Ꞌ nɛ́ tʉ́nɛ́pú. A nɑ́ŋ nǔu ɡúŋ-pɔ́ yɛ́ yi tʉʉ.

Lúkɑ́shi 20:9

Ńcú pɔ́Ꞌɔ, ńzɛ nɛlɔk sɑknɛkɛt ńcú mbɔ̌ lɑ́Ꞌ ŋɡɔ: «Wɛcɔ́ ndʉ́m kɑ lɑ́Ꞌ ŋ́ɡẅɛɛ ŋkɑ́Ꞌ wɛ́, ŋ́ɡʉ tsɛtú ḿbi mɛtʉ́ mi pɛ́ kíɛ mɛntɑ́ɑ mɛ́ ńdɔk ńniitɛ mɛluꞋ, ńjʉ́ɔꞋ mbɔ̌ pʉɔ, ńdɔ sɛ́ ŋ́ɡʉ nɛnɛn, ŋ́ɡʉ ńtɔ́ zúꞋu ńnɑ́ŋ tɛꞋ.»

Lúkɑ́shi 24:51

A pɔ́ ńníꞋ mbɔ́tnɛ nǔu pɔ́p pɔ́Ꞌɔ, ḿbɔ́ ŋ́kɔ́Ꞌ ŋ́ɡʉ nɛ́ tʉ́nɛ́pú.

Jɑ̂ŋ 18:37

Pilɑ́tɔ píkŋɛ wɛ́ ŋɡɔ: «Ɔ lɔk ḿbɔ́ fɔɔ pɔ́ ɔɔ?» Yɛ́su tsɔ́Ꞌ ŋɡɔ: «Gu cúnɛ pɔ́Ꞌɔ, mɔ fɔɔ. ZúꞋ yúu mi ɛ́ kɑ ɡɛnɛ pɛ́ pí wɑ́ɑ, ḿbɛn ńzúꞋ yúu mi ɛ́ kɑ ɡɛnɛ n tɔ́ ndǔmbí. Ŋ kɑ tɔ́ nɛcú yúu mi n jínɛ nǔu nu nɛ́nẅín. Ŋu pɔ́ nǔu nu nɛ́nẅín, ńzúꞋ ŋɡi yɑɑ.»

ŊwɑꞋnɛ-Gɑŋntúu Yɛ́su Kɛlístɔ 17:31

Ɛ́ zɛɛ ŋ́ɡɔ ḿbɔ́ pɔ́Ꞌɔ, mbɔ Sɛ́ zɑ́p lɛ́Ꞌ yi ɑ ɡʉ ńdɑ́Ꞌ ńdɔk ŋu ẅí ɑ kɑ tsɔ́Ꞌnɛ wɛ́, ŋ́ŋɑk mbí, ŋ́kɛ́ ŋ́ŋɑk pɔ nǔu ntɛ́ yi ɛ́ ndʉ́ŋndʉŋ. A kɑ zẅíimɛ ŋɡɑŋ nǔu nɛvú nɛlɔk ńnyɛt mbɔ̌ pʉɔtsʉʉ ŋɡɔ ɑ ɡʉ ńdɑ́Ꞌ ŋ́ɡɛ pɔ́Ꞌɔ.»

1 Kɔlɛ̂ŋtɛ 15:25

Kɛlístɔ zɛɛ ŋ́ɡẅɛɛ nɛpɔ́ ɛ́sɑ́Ꞌ mbí tɛ ŋ́kúu ŋkɑ́ yi Tɑ́t wɛ lɔknɛ pɛɡɑŋ mbuu pɛ́ ŋ́ɡɛ zʉꞋ yi jʉ́ Kɛlístɔ ɡʉ tík mɛku mɛ́ zúꞋu.

Ɛ́bɛlʉʉ 9:28

ɛ́ ndʉ́ŋndʉŋ pɑ́Ꞌ ɑ kɑ ɡɛ Kɛlístɔ lɔk túmbʉʉ yɛ́, ńnɔŋ pɔꞋ pɔ tɑ́Ꞌ ŋkɑ́, nɛlɔk ńjɛ́p mɛnu kɛpɔŋ pʉɔ tɛ ńzɑ́ɑ. A ɡʉ ŋ́ɡɛ ḿbɛn ńcẅɛt nǔu mbɑ́ɑtɛ yɛ́pɑ́. A pɔɔ pɛn ńtɔ́ ŋkɑ́ yîyɑ́ nɛjɛ́p mɛnu kɛpɔŋ-pʉɔmɛsɔŋ pɔ́. A tɔ́ pɔ́Ꞌɔ, nɛɡɛ pʉɔ pi pɔ́p sɛ́ ńzẅíꞋlɛ wɛ́ luk.

1 Pyɛ̂ 3:22

A kɑ kɔ́Ꞌ nɛ́ tʉ́nɛ́pú, ńnɑ́ŋ nǔu ɡúŋ pɔ́-Sɛ́ yi tʉʉ. A ŋkɔ̂ɔnɛ ḿbɔ́ ɛ́sɑ́Ꞌ pɛcʉ̈ɔ́Ꞌ-Sɛ́ tsʉʉ, ḿbɔ́ ɛ́sɑ́Ꞌ kʉ̈ɔ́ lɑ́ yi ɛ́ sɑ́Ꞌnɛ mbí, ɛ́sɑ́Ꞌ mɛtʉʉ tsʉʉ mi ɛ́ tʉ́.

Mɛnu ɛ́ ńdɑ́Ꞌ ńcẅɛt 1:7

Pʉʉ kɛ́ ńjí ŋɡɔ ɑ sɛ́ ńtɔ́. A ɡʉ ńdɑ́Ꞌ ńtɔ́ pɔ tsɛt mɛlɑ́ɑ. Mbɑ wɔ̌ lɑ́ ɡʉ ńdɑ́Ꞌ ńzɑ́p lík nǔu wɛ́, tɛ mbɑ pʉɔ pi pɔ́p kɑ sɔpnɛ ɡúŋ ŋɡíi yɛ́. Pʉɔ ŋɡɔŋ nɛ́ ŋɡɔŋ ndǔ tsɛ́tsɑ́Ꞌ ɡʉ ńdɑ́Ꞌ ńzẅík ŋɡɔ́ɔ, ŋ́kʉ́ɔꞋ nɛvú ntɛ́ wɛ́. Ɔ́ɔŋ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ, tɛ yúu pɔɔ nǔu kúpmɛ. Ɛ́ pɔ́ꞌɔ.