12 Mɔ, n dɔ ŋ́kɔŋ kɔŋnɛ ńjúk nji ŋkɑ́ yɛpɑ́ nǔu ŋɡɑplɑ́Ꞌ, ḿbɛn ŋ́ɡɑp yúu pɑ́ɑ nji nɛɡɛ́m, ŋ́ɡɑ́ tɑ́Ꞌ nji mbɔ̌ ɡu.
Ɛ́ yɛ́tɛ́ lɑ n cúnɛ mbɔ̌ pʉʉ ŋɡɔ: «Pʉʉ lɑɑ mbɔɔ ɡẅɛɛ nɛpʉ́ʉ sʉ́Ꞌnɛ ńdɛɛ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pɑfɑlísɑy pɔ́, mbɔ pʉʉ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.»
Yɛ́su pɛn ńcú ŋɡɔ: «Pʉʉ lɑɑ ḿbɔ́ ŋ́ɡʉ ŋ́ɡɛ yúu mi nɛpʉ́ʉ-Sɛ́ píkŋɛnɛ, pʉʉ lɑk tú yʉ́ʉ nɛɡɛ zʉꞋ lɑ́Ꞌ zúꞋu, nǔu ntɛ́ yi pɛ́ ɡʉ ḿbɔ́ ńdíŋɛ wʉ́ʉ. Pʉʉ lɑɑ ŋ́ɡɛ pɔ́Ꞌɔ, mbɔ Tɑ̌ɑ wʉʉ ẅí ɑ tʉ́nɛ́pú kɛ́ ɡɛ ńtsɔ́Ꞌ fɑꞋ yʉ́ʉ pɔ́.
Pʉʉ lɑɑ ŋ́kɔŋ kɔŋnɛ ńnɑ́ŋ njí nɛcɛꞋlɛ Sɛ́, kɔɔ pʉʉ kɔk shʉ́ wʉ́ʉ pɑ́Ꞌ ɡɑŋnyɛtmbʉʉ. Pɔ́p kɔk shʉ́ wɔ́p, ńdɔk ńnyɛt ŋɡɔ pɔ́p sɛ́ ńnɑ́ŋ njí nɛcɛꞋlɛ Sɛ́. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p ńdɑ́Ꞌmɔ́ ŋ́ɡẅɛɛ tsɔ́ꞋfɑꞋ yɔ́p.
Pʉʉ lɑɑ ḿbɔ́ ńcɛꞋlɛ Sɛ́, kɔɔ pʉʉ ɡɛ pɑ́Ꞌ ɡɑŋnyɛtmbʉʉ, pɔ́p kɔŋ nɛtʉ́ʉ tsɛt mɛndɑ́-cúꞋlɛ mbɑ mɛtú-ndúŋ lɑ́ ńcɛꞋlɛ Sɛ́, pɑ́Ꞌ pʉɔ tsʉʉ ɡʉ ńjʉ́ɔ wɔ́p. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p kɑ lɑ́Ꞌmɔ́ ńcẅɛ́ɛ tsɔ́ꞋfɑꞋ yɔ́p.
Gɑŋku-Jɑ̂ŋ ɡɛ ńtɔ́, ḿbíkŋɛ Yɛ́su ŋɡɔ: «Pɛk pɛ́ pɑfɑlísɑy nɑ́ŋ ŋ́kɔŋ kɔŋnɛ ńnɑ́ŋ njí, pú pʉɔ kɛ́ ḿbɔɔ pɔ́Ꞌɔ ɡɛ mɛlɑ́Ꞌ kʉ̈ɔ́?»
Pɑfɑlísɑy ndɔ́ɔ tú pʉʉ! Pʉʉ lɔ ŋ́ɡɑptɛ yúu nɑ́Ꞌ yʉ́ʉ tɛ mbɑ nzɑp yʉ́ʉ njí nɛɡɛ́m, ŋ́ɡɑ́ tɑ́Ꞌ njí mbɔ̌ Sɛ́. Lɑ́, pʉʉ sɛ́ ńdikŋɛ nɛɡɛ nu sʉ́Ꞌnɛ mbɔ̌ pʉɔmɛsɔŋ, ḿbɛn ńdikŋɛ nɛkɔŋ Sɛ́. Lɑ́ yîyɑ́ pɔ́nɛ yúu mi ɛ́ kɑ pɔ́ ḿbíkŋɛ ŋɡɔ pʉʉ ɡɛ. Pʉʉ ɡɛ pɔ́Ꞌɔ, ḿbɔɔ wɛcɔ́ ɡɛ́ɡɛ́ yúu likŋɛ.
Mbɑ yʉ́ʉ fɑꞋ kɛ ḿbɛn ḿbɔ́ pɔ pɔ́Ꞌɔ. Pʉʉ lɑɑ ńdɑ́Ꞌ ɛ́fɑꞋ fɑꞋ yi pɛ́ cúnɛ mbɔ̌ pʉʉ tɛ ḿmik, pʉʉ cú pɔ ndɑꞋ ŋɡɔ: “Pɛk yɛk pɔ pɛɡɑŋfɑꞋ níinɛ, pɛk ɡɛ pɔ yúu mi pɛ́ lɑ́Ꞌnɛ ńcú ŋɡɔ pɛk ɡɛ.”»
Tɛ ɛ́ pɑ́Ꞌɑ yɛcɔ́ yúu mi mbɔ ŋumɛsɔŋ pɛn ńdɔk ŋ́ŋɑ́Ꞌtɛ pɔ́ ɡú? Ŋɡɑ́ŋ ɛ́ kɑ́ pɛn ḿbɔ́ ɡú pɔ́ kɑ́ɑ yɛcɔ́ yúu. Pɔ́Ꞌɔ, mɛlɑ́Ꞌ kʉ̈ɔ́? MbíꞋŋɡɔ yúu mi Sɛ́ zẅíꞋlɛ́nɛ, kɑ́ pɔ́ pɔ ŋu nɛcú ŋɡɔ ɑ ɡɛ yúu mi nɛpʉ́ʉ sɛ́ píkŋɛ pɔ́, ɛ́ pɔ́ pɔ ŋu nɛzɑ́p tʉ́m yɛ́ nǔu Yɛ́su.
Ɛ́ lɛɛ pɔ́Ꞌɔ, wɛcɔ́ ŋumɛsɔŋ pɔɔ ŋɑ́Ꞌlɛ mbi Sɛ́ pɔ́.
Ɛ́ ɡʉ nǔu nɛɡúꞋlɛ Sɛ́ nǔu ntɛ́ yɛ́ pɑyúdɑ, mbɔ n dɑtnɛ nǔu tɛ ńdɛɛ ŋkɑŋ yɛk pɔ́ɔ-Yúdɑ. Ŋ kɑ pɔ́ ḿmɑꞋ mbʉʉ yɑɑ tɛꞋ nǔu mɑt ẅí pɛtɑ́t pɛk kɑ zíꞋnɛ wɛ́k, n dɛɛ wɔ́p.
Ɛ́ pɔ́Ꞌɔ, ŋ́kɛ́ ḿbɔɔ fú nǔu mɛfɑꞋ mi pʉʉ fɑꞋnɛ pɔ́. Pɔ́Ꞌɔ lɑ́, ḿbɔ́ ŋu pɔɔ lɔk ŋ́ŋɑ́Ꞌtɛ pɔ́.
Ŋu lɑɑ ŋ́kʉɔ ndʉ́ɔlɛ́, mbɔ ɛ́ ɡʉ ńcẅɛ́lɛ́ ndɑꞋ mbʉʉ yɛ́. Lɑ́ nɛɡɛ yúu mi ɛ́ pɔŋnɛ Sɛ́, cẅɛ́lɛ́ nǔu yúu tsʉʉ. Pɛkŋɛ fú nǔu ńjí ŋɡɔ pɛkŋɛ ɡú ŋkɔ̂ɔnɛ tɛ mbɑ nǔu ŋkɑ́ yi ɛ́ ɡʉ ŋ́ɡɛ lɑ́ ńtɔ́.
