19 Pɔ́Ꞌɔ, ŋ kɑ́ pɛn ŋ́kuꞋ pɑ́Ꞌ ɛ́ lɑɑ ḿbɔ́ ɔ fúŋ wɑ́ɑ nɛ́ mɔ́ɔ nu pɔ́. Sǐi ńdɔk wɑ́ɑ ŋ́ɡɛ wɛcɔ́ ŋɡɑŋfɑꞋ wu lɑ́.»
Mɔ ŋ́ɡɛ ɛ́fú zɑꞋnɛ ḿbɛn nzʉʉ nɛ́ njɛ́Ꞌ-Tɑ̌ɑ mɔ, ńtɔ́ ńcú mbɔ̌ wɛ́ ŋɡɔ: Tɑ̌ɑ mɔ, ŋ kɑ ɡɛ nu kɛpɔŋ mbɔ̌ Sɛ́, mbɑ mbɔ̌ ɡu.
«Ŋ́kwɑŋɛ pɔ́Ꞌɔ, ńcʉ́ɔ sɛ̂ndúŋ, ḿbɔ́ ḿbɛn nɛ́ njɛ́Ꞌ pɔ́p. Tɑ́t wɛ tʉ́ʉ ńjʉ́ɔ wɛ́, tɛ ɑ pɛ́t pɔ ŋɡɑ sɛsɑ, mɛjʉ́ŋ mɛ́ kɔ́ wɛ́, ɑ nɑ́ɑtɛ wɛ́, ɛ́sɛntɛ wɛ́, ŋɡɔ: Yɔ kwɑꞋ ɡu lɑɑ?»
Simɔ̂ŋ Pyɛ̂ jʉ́ɔ yɔ nu jʉ́ɔnɛ, tɛ ŋ́ɡʉ ńnɔɔ mɛku-Yɛ́su, ŋ́ɡẅɛɛ mɛkẅíꞋlɛ mɛ́, ńcú mbɔ̌ wɛ́ ŋɡɔ: «Tsɑpʉɔ, sɛ́sẅíi, fú nɛjɔ́ŋ mɔ ŋ́ɡʉ! Mɔ pɑ́Ꞌ ḿbɔ́ ŋu kɛpɔŋ.»
mbíꞋŋɡɔ mɔ tsɛtsɛt ɡɑŋntúu ḿbɔ́ wɛ nzʉʉ. N zɛɛ ŋ́kɛ́ mbɔɔ kuꞋ nɛpɔ́ yi mbɔ pɛ́ fúŋ wɑ́ɑ nɛ́ ŋɡɑŋntúu pɔ́, mbíꞋŋɡɔ ŋ kɑ nyɛt cúꞋlɛ-pʉɔ Sɛ́ nɛ́ ŋɡʉ̈ɔ́Ꞌ.
Pɔ́Ꞌɔ lɑ́ pʉʉ ɡɑ́ mbʉʉ yʉʉ sɛ́ mbi Sɛ́ ẅi ɑ ɡẅɛɛnɛ mɛtʉʉ, ɛ́ lɛɛ pɔ́Ꞌɔ, ɑ ɡɛ ḿbʉꞋ wʉ́ʉ nǔu ŋkɑ́ yi ɑ kɑ zɑ́pnɛ.
