Lúkɑ́shi 14:21 - Kɑɑ Fí

²¹ Mɔ́ŋkʉ̈ɔ́ ɛ̂wɑ́ pɛn nzʉʉ, ɛ́sẅíi tɑ́t wɛ pɑ́Ꞌ pɔ́p cúnɛ, ɛ́ zɑ́ŋ wɛ́ tɛꞋ, ɑ pɛn ńtúu mɔ́ŋkʉ̈ɔ́ ɛ̂wɑ́, ńcú mbɔ̌ wɛ́ ŋɡɔ: «Kʉɔ nɛtʉʉ, ŋ́ɡʉ tʉ́sɔŋ ńtʉ́ʉ ndǔ zɑ́n, ńnɛn nǔu mɛndúŋ, ɛ́fúŋ pɛkɛyúu, ɛ́fúŋ pɛkʉ́ɔ, mbɑ pɛfumík pɔ́p pɛkɛmku pʉʉ pɔ́p tɔ́.»

Lúkɑ́shi 14:21 교차 참조

Mɑtʉ̈ɔ 11:28

Pʉʉ pɛtsʉʉ pínɛ pʉʉ tíinɛ piꞋ nǔu mbɑɑndyɔŋ ɛ́ jɔt wʉ́ʉ tɛ pʉʉ kɑ́ɑ, pʉʉ tɔ́ ńtsɛ́t wɑ́ɑ, ŋ ɡɛ pʉʉ jẅiitɛ.

Mɑtʉ̈ɔ 11:5

ɛ́sẅíi wɛ́ ŋɡɔ: Pɛfʉmík sɛ́ ńjʉ́ɔ zʉꞋ, pɑpʉ̈ɔ́Ꞌtɛ mɛku pɔ́ ńnɛn sʉ́Ꞌnɛ, ɡɑŋŋkɑꞋ pɔ́ ɛ́fíitɛ, pɛmbúꞋ-mɛtúutɛ́ pɔ́ ńzúꞋ zʉꞋ, pɛpfú pɔ́ ńjʉɔmɛ, pɛ́ sɛ́ ɛ́sɑ́Ꞌ Ŋkʉʉ sʉ́Ꞌnɛ nu-Sɛ́ mbɔ̌ pɛpúŋ.»

Mɑtʉ̈ɔ 15:12

Gɑŋku-Yɛ́su ɡɔ́ɔ ŋ́kɛ́ kẅɛ́Ꞌlɛ mbʉʉ yɔp ńtɔ́ ḿbíkŋɛ wɛ́ ŋɡɔ: «Tɛ ɔ sɛ́ ńjí ŋɡɔ: Nu yí ɔ cúnɛ lɑ́ ɡɑ́nɛ pʉɔ-Fɑlísɑy tɛꞋ?»

Mɑtʉ̈ɔ 18:31

Pɛcɔ́ ɡɑŋfɑꞋ-fɔɔ jʉ́ɔ, ɛ́ pʉ́k wɔ́p, tɛ pɔ́p ɡʉ ḿbɛ́ɛtɛ yúu mi ɛ́ lɛɛnɛ ɛ́sẅíi fɔɔ.

Mɑtʉ̈ɔ 20:7

Pɔ́p pʉ̈ɔt ŋɡɔ: «Ɛ́ ɡɔ́ ḿbɔ́, mbɔ wɛcɔ́ ŋu kɑ́ fúŋ wɛ́k nǔu fɑꞋ pɔ́.» A cú mbɔ̌ pɔ́p ŋɡɔ: «Pʉʉ ɡʉ yʉ́ʉ ŋkɑ́Ꞌ mɔ ɛ́fɑꞋ fɑꞋ.»

Lúkɑ́shi 14:13

Ɔ lɑɑ ńdɑ́Ꞌ ḿbɔ́ ɛ́fúŋ tsɑ́ɑtɛ, ɔ fúŋ pɛkɛyúu, ɛ́fúŋ pɛkʉ́ɔ, ɛ́fúŋ pɛkɛmku, ɛ́fúŋ pɛfumík.

Lúkɑ́shi 14:20

Wɛcɔ́ ɡɔ: «Mɔ ḿbɛ́t lɑ́ ńzɔ́Ꞌ, ḿbɔ́ m bɔɔ tɔ́.»

Lúkɑ́shi 14:22

A ɡʉ tɛ ḿbɛn, ńcú mbɔ̌ tɑ́t wɛ ŋɡɔ: «Tɑ̌ɑ mɔ, ŋ ɡɛ yúu mi ɔ lɑ́Ꞌnɛ ńcú, n níꞋ mɔ́ pʉɔ ndɑ́, lɑ́ zʉꞋ pɛ́t pɔ ɡú.»

Lúkɑ́shi 14:24

Jí sʉ́Ꞌnɛ ŋɡɔ, ḿbɔ́ sɑ̌ɑ ŋu nǔu pʉɔ pinɛ ŋ kɑ piitɛ ńcú mbɔ̌ pɔ́p lɑ́, pɔɔ zẅíꞋ sɑ̌ɑ yúu nǔu yúujʉ tsɑ́ɑtɛ pɔnɛ pɔ́.»

Lúkɑ́shi 24:47

Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»

Lúkɑ́shi 9:10

Gɑŋntúu-Yɛ́su ɡɛ ḿbɛn nzʉʉ, ḿbɛ́ɛtɛ pɑꞋ pɔ́p fɑꞋnɛ pɔ́Ꞌɔ, ɛ́sẅíi wɛ́. Yɛ́su zúꞋ, ḿbɛn ɛ́fɑk wɔ́p, pɔ́p pɛpɔ́p tɛ́ɛ nɔɔ, ŋ́ɡʉ nɛ́ shʉ́ tʉ́sɔŋ-Mbɛtsɑyídɑ.

Jɑ̂ŋ 9:39

Yɛ́su ńcú ŋɡɔ: «Ŋ kɑ tɔ́ ndǔ yɔ mbí nɛŋɑk, nɛpɔ́ yi pʉɔ pinɛ pɔ́p sɛ́ ńjʉ́ɔ zʉꞋ ɡʉ ḿbɔ́ ńtsʉ́Ꞌ pɛfʉ, pɛfʉ jʉ́ɔ zʉꞋ.»

Ɛ́bɛlʉʉ 13:17

Pʉʉ zúꞋ ntsu-pʉɔ pi pɔ́p tsiinɛnɛ wʉ́ʉ. Pʉʉ ɡɑ́ mbʉʉ sɛ́ mbi pɔ́p, mbíꞋŋɡɔ pɔ́p sɛ́ ńdíŋɛ wʉ́ʉ ŋɡɔŋ ŋkɑ́ tsʉʉ, ḿbɔ́ ńjí ŋɡɔ pɔ́p ɡʉ ńdɑ́Ꞌ ńtʉ́ʉ mbi Sɛ́ ḿbɛ́ɛtɛ ntɛ́ yi pɔ́p kɑ lɔknɛ ɛ́fɑꞋ tsɛtsɛt pʉʉ. Pɔ́Ꞌɔ lɑ́, pʉʉ ɡɛ nǔu ntɛ́ yi pɔ́p ɡʉ ɛ́fɑꞋ fɑꞋ yɔ́p nɛ́ tsɑ́ɑtɛ, tɛ pɔ́p pɔɔ pɔ́ tsẅii tsẅiinɛ pɔ́, mbíꞋŋɡɔ ɛ́ lɑɑ ḿbɔ́ pɔ́Ꞌɔ, pʉʉ pɔɔ lúꞋnɛ.

Ɛ́bɛlʉʉ 2:3

Pɑ́Ꞌ ɛ́ kɑ pɔ́ pɔ́Ꞌɔ lɑ́, pɛkŋɛ lɑɑ ŋ́ɡwɑ́k nu nǔu mɑ́mɑ́ nu yi Sɛ́ kɑ ɡɛnɛ pɛkŋɛ luk, mbɔ Sɛ́ ŋ́ɡɛ pɑ́Ꞌ tɛ ńnɑ́ wɛkŋɛ? Tsɑpʉɔ Yɛ́su nɛ́ túmbʉʉ yɛ́ kɑ piitɛ ńzɛ nɛcú nu ɛ̂yɑ́. Pʉɔ pi pɔ́p kɑ zúꞋnɛ ntsu wɛ́, ɡʉ ńtsuŋ ɛ́sẅíi wɛkŋɛ ŋɡɔ ɛ́ kwɑꞋ mɑ́mɑ́ nu.

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.

Mɛnu ɛ́ ńdɑ́Ꞌ ńcẅɛt 19:15

Yɛcɔ́ níi-ntsɔ pɔ́ ɛ́fú ntsu-ŋu ɛ̂wɑ́ ẅi ɑ nɑ́ŋnɛ ndǔ fúfú lʉ́ɔ lɑ́ ńcẅɛt. Ɛ́shẅítnɛ shẅítnɛnɛ, ḿbɔ́ yi ɑ ɡʉ ńdɔk ŋ́kʉ́ɔꞋ pʉɔ pinɛ pɔ́p tsɛt mɛŋɡɔŋ mɛŋɡɔŋ. A pɔ́ ŋu ẅí ɑ ɡʉ ńdɔk ntẅí-tʉ́n ɛ́sɑ́Ꞌ pʉɔmɛsɔŋ, ḿbɔ́ ŋu ẅí ɑ ɡʉ ńcúꞋ mɛntɑ́ɑ mi pɛ́ lɔknɛ ńniitɛ mɛluꞋ tsɛt ɡʉ́ɔ-mɛluꞋ mi ɛ́ lɛꞋlɛ́nɛ ŋɡɔ Sɛ́ ŋɡɑŋmɛtʉʉ tsʉʉ sɛ́ ńzɑ́ŋ lɔ́ŋ tɛꞋ.

Mɛnu ɛ́ ńdɑ́Ꞌ ńcẅɛt 22:17

Zẅikŋɛ Lɛ́ɛnɛ́nɛ pɔ́p nzwɛ́ wɛ ɡʉnɛ ńcú ŋɡɔ ńtɔ́. Ɛ́ pɔŋ ŋɡɔ ŋu ẅi ɑ zúꞋnɛ yɔ nu ɑ cú yɛ́ ŋɡɔ tɔ́. Ŋu ẅi nji-ŋki sɛ́ ńzɑ́ŋ wɛ́ ɑ tɔ́. Ŋu ẅí ɑ kɔŋnɛ ɑ nɔ́ ŋki ẅí ɛ́ ɡɛnɛ pɛ́ tsuŋ ḿbɔ́ ɡú, ńnɔ́ pɔ kɛ́ ɡɑ́ yɛcɔ́ yúu.