11 Wɛcɔ́ mɑŋɡɛ́ pɔ́ yɛ́ zúꞋu, mbɔ ɛ́ ɡɛ ŋɡuꞋ ntsɔ̌pɛ́nɛ́fɔ́m nɛ́ nɛɡɛ́m pɑ́Ꞌ yɛcɔ́ zẅikŋɛ kɛpɔŋ kɑ ɡẅɛɛnɛ wɛ́ ḿbʉ̈ɔ́Ꞌ ŋkwɛn yɛ́. Tɛ wɛcɔ́ nɛpɛn ḿbʉꞋ mbʉʉ yɛ ńtʉ́ʉ tʉ́ʉnɛ pɔɔ ɡú pɔ́.
Yɛ́su ɡɛ ḿbɔ́ ŋ́ɡɔ́ ńnɛn zʉꞋ tsʉʉ tsɛt Ŋɡɑlilɛɛ, ńzíꞋ pʉɔ nɛ́ nu-Sɛ́ tsɛt mɛndɑ́-cúꞋlɛ-pɑyúdɑ, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ sẅíinɛ pʉɔ pɑ́Ꞌ nɛfɔɔ-Sɛ́ pɔ́nɛ, ḿbɔ́ ŋ́ɡɛ ŋu ẅí ɑ ɡẅɛɛnɛ pɔ yɛ́tɛ́ ntɛ́ ɡɔɔ lɑ́ kɛ yɛ́tɛ́ ntɛ́ lɔ́Ꞌ ɔɔ, fíitɛ.
Yɛ́su píkŋɛ Tɑ́-mɔ́ɔ ŋɡɔ: «Yɔ ɡɔɔ pɑꞋɑ ḿbɔ́ nǔu mɔ́ɔ tɛ ɛ́fú shʉ́n?» A cú ŋɡɔ: «Tɛ ɛ́fú ŋkɑ́ mbɔ́ŋkʉ̈ɔ́.»
Yɛ́su jʉ́ɔ wɛ́, ɛ́fúŋ wɛ́, ńcú mbɔ̌ wɛ́ ŋɡɔ: «Gɔɔ yú yɔ ḿmɛ, ɔ luk!»
Ŋ́ɡʉ nǔu mɑŋɡɛ́ wɔ ẅí ɑ nǔu njẅɛt-Ábɛlɛhɑ̂m, mbɔ Sɑ́ttɑ kɑ ɡɔ́ɔ ŋ́kút wɛ́, tɛ ɛ́ ŋkɔ̂ɔnɛ ńdɔk ḿbɔ́ ŋɡuꞋ ntsɔ̌pɛ́nɛ́fɔ́m nɛ́ nɛɡɛ́m, ɛ́ ŋ́kɑɑ ḿbɔ́ ḿbíkŋɛ ŋɡɔ ŋ kíɛꞋ ŋkʉ kɛpɔŋ nǔu wɛ lɔ́Ꞌnɛ, mbɑ pɑꞋ yɔ lɛ́Ꞌnji pɔ́ ɔɔ?»
Mɔ mɛnu lɑɑ ńdɑ́Ꞌ ḿbɔ́ tɛ ńzɛ nɛtɔ́, pʉʉ zẅíꞋlɛ yʉ́ʉ pɔ kɛ́ pɔ́k, mbíꞋŋɡɔ ŋkɑ́ yi Sɛ́ ɡɛ ńcẅɛɛtɛ wʉ́ʉ tsɛt ŋɡʉ̈ɔ́Ꞌ sɛ́ ŋ́kuꞋ.
Pɛcɔ́ mbɔ́ntɑ́Ꞌ-pɑŋɡɛ́ pɔ́ yɔ́p tsɛtsɛt, ḿbɔ́ pinɛ ɑ kɑ zɔŋnɛ mɛɡɔɔ nǔu pɔ́p, ŋ́ɡɛ pinɛ ɑ kɑ zuŋnɛ mɛzẅikŋɛ kɛpɔŋ mi ɛ́ ḿbɔ́nɛ nǔu pɔ́p ḿbɔ́ ḿbɑ́klɛ wɔ́p. Yɔ ḿbɔ́ Mɑlíyɑ ẅi ɑ fúnɛ Mɑkdɑlɑ mbɔ Yɛ́su kɑ zuŋ mɛzẅikŋɛ kɛpɔŋ sɑɑmbɑ́ nǔu wɛ́,
Yɛ́su cẅɛt tsɛt kɑnúꞋ, wɛcɔ́ ŋu-tʉ́sɔŋ cẅɛt ńzɑ́Ꞌ wɛ́, ḿbɔ́, mbɔ mɛzẅikŋɛ kɛpɔŋ kɑ púunɛ wɛ́ tɛ ɑ tsʉꞋ ńnɛn pɔ kɛ́ zẅík ndẅí, ḿbɛn ńdɛ́ pɔ zʉꞋ yi pɛ́ tẅíinɛ pɛpfú zúꞋu, mbɔ ɑ kɑ lɑ́Ꞌ mɔ́ ḿmɛꞋ njɛ́Ꞌ yɛ.
Wɛcɔ́ mɑŋɡɛ́ pɔ́ yɛ́ tsɛtsɛt, ŋ́ɡẅɛɛ ɡɔ́ɔ mɑ́sɔ́ɔ, mbɔ ɛ́ ɡɑ́ɑnɛ wɛ́ ɡɑ́ɑnɛnɛ ŋɡuꞋ ntsɔ̌ppɑ́ nɛ́ nɛɡɛ́m, ŋ́kɛ́ ḿbɔɔ zɑ́Ꞌnɛ, mbɔ pɑɡɛ mɛfu kɑ zɔŋ mɔ́ yɔ́p kɛ́kɑ́ŋ tɛ ŋ́kɑ́ɑ. A fɛn pɛ́ yúu tsʉʉ tsʉʉ pɔ nǔu, ŋ́kɛ́ ḿbɔɔ fíitɛ.
Ɛ́ ɡɔ́ ḿbɔ́, mbɔ pɛ́ kɑ pɔ́ ńtíi wɛcɔ́ ŋɡɑŋkẅíꞋlɛ ńdɔk ńtɔ́ lɛ́Ꞌ tsʉʉ, ńtsẅíkŋɛ wɛ́ ntsupuꞋ ẅi pɛ́ fúŋnɛ ŋɡɔ: «Ntsundɑ́-mɛsuu» Pɑ́Ꞌ ɑ ɡʉ ńdɔɔ yúu mbɔ̌ pʉɔ pi pɔ́p lɛɛnɛ zúꞋu ŋ́ɡʉ tsɛt ZʉꞋ-nɔŋpɔꞋ. Ẅîwɑ́ ŋu pɔ́ ẅi pɛ́ kɑ ɡɔ́ ḿbí wɛ́ ɑ pɔ́ pɔ ŋɡɑŋkẅíꞋlɛ.
Ɛ́ pɛn ŋ́ɡɔ ḿbɔ́ ŋu ẅí ɑ kɑ fíitɛ́nɛ nǔu ntɛ́ yi mɑ̌ɑmɑɑnɛ lɑɑ, lɛɛ mɔ ŋɡuꞋ mɛɡɛ́mɛ́nɛ́kwɑ.
