5 Lɑ́ mɔ ɛ́sẅíi wʉ́ʉ ŋu ẅi pʉʉ ɡẅɛɛ nɛpɔ́k wɛ́: Pʉʉ pɔ́k pɔ ndɑꞋ Sɛ́ mbíꞋŋɡɔ ḿbɔ́ ɑ jẅí ŋu, ḿbɛn ŋ́kuꞋ nɛmɑꞋ wɛ́ tsɛt múk. Ɛ́ pɔ́Ꞌɔ lɑ́, n cú ŋɡɔ pʉʉ pɔ́k pɔ ndɑꞋ Sɛ́.
Kɔɔ pʉʉ pɔ́k pʉɔmɛsɔŋ, pɔ́p kuꞋ pɔ ndɑꞋ nɛjẅí mbɑp-mbʉʉ, ḿbɛn ŋ́kɛ́ mbɔɔ kuꞋ nɛkuu zẅikŋɛ pɔ́. Pʉʉ pɔ́k pɔ ndɑꞋ Sɛ́, mbíꞌŋɡɔ ḿbɔ́ ɑ tɛmtɛ mbɑp-mbʉʉ pɔ́p zẅikŋɛ ŋ́ɡwɛ́tnɛ, ḿbɛn ŋ́kuꞋ nɛmɑꞋ tsɛt múk.
Ŋ́ɡɔ́ɔ ŋ́kɛ́ ḿbɛn ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi ŋkẅɛpmɛ, ɛ́ yɛ́tɛ́: «Pʉʉ ɡɑŋndɔɔ, pʉʉ fú nɛjɔ́ŋ mɔ ŋ́ɡʉ tɛ ŋɡɑ sɑk, ŋ́kúu tsɛt múk ẅi ɛ́ kɛ́ lɑ́Ꞌ ḿbɛ́ pɔ́, ẅi pɛ́ kɑ niitɛ́nɛ ntɛ́ Sɑ́ttɑ pɔ́p pɛcʉ̈ɔ́Ꞌ pɛ́.
Pɔnɛ pʉɔ ɡɔ́ɔ ŋ́kɛ́ ŋ́ɡʉ nɛ́ zʉꞋ yí pɔ́p ɡʉ ńdɑ́Ꞌ ńtswɛ́ zúꞋu, ńjʉ́ɔ pɔ ŋɡʉ̈ɔ́Ꞌ kɛ́ mɛ. Pʉɔ pí pɔ́p kɑ ɡɛnɛ yúu mi Sɛ́ sɛ́ ŋ́kɔŋ, pɔ́p kúu tsɛt luk kɛ́ mɛ.
Lɑ́ n cú yɑ́ɑ mbɔ̌ pʉʉ ŋɡɔ: «Ŋu lɑɑ ńzɑ́ŋ lɔ́ŋ nǔu mɔ́ɔmɑ́ wɛ, mbɔ pɛ́ ɡẅɛɛ nɛlɔk wɛ́ ŋ́ɡʉ mbi nzɑ́Ꞌmɛntsɑŋ. Ŋu ẅí ɑ fúŋnɛ mɔ́ɔmɑ́ wɛ nɛ́ ɡʉɡʉʉ, pɛ́ ɡẅɛɛ nɛlɔk wɛ́ ẅi ɑ fúŋnɛ ŋ́ɡʉ mbi-cúꞋlɛ-pɑsɑ́Ꞌlɑ́Ꞌ. Ŋu ẅí ɑ fúŋnɛ mɔ́ɔmɑ́ wɛ ŋɡɔ pʉ̈ɔt ɔ kɛ́jísɛ́, ɑ kuꞋ ŋu ẅí ḿbɔ́ Sɛ́ mɑꞋ wɛ́ múk.
Lɑ́ ɛ́ kɛ́ ŋ́ɡʉ nǔu pʉʉ, mbɔ ŋ kɛ́ ńzɑ́Ꞌ njí ɛ́sẅíi wʉ́ʉ nɛ́ nu yí ɛ́ sɛ́ ńtɔ́, pʉʉ lɑk tú yʉ́ʉ.»
Lɑ́ ɛ́ ɡʉ nǔu nu-mɑŋɡɛ́, kɔɔ ŋu ɡɛ nu kɛpɔŋ nǔu mɔ́ɔmɑ́ wɛ, kɔɔ ɑ zɛɛ ɛ́fúklɛ wɛ́ mbɑ fúklɛ́nɛ, mbíꞋŋɡɔ Tsɑpʉɔ wɛkŋɛ ɡʉ ńdɑ́Ꞌ ńníꞋ ŋɡʉ̈ɔ́Ꞌ tú-pʉɔ pinɛ pɔ́p ɡɛnɛ pɔ́Ꞌɔ. Pɛk kɑ lɑ́Ꞌ ɛ́sẅíi wʉ́ʉ tɛ ńtsuŋ ɛ́sẅíi.
Yúu mi ḿbɔ́ ŋu ńnɑ́ŋ ḿbɔ́k tɛꞋ, ɛ́ nɛvu ntsɑŋ mbi Sɛ́ ẅi ɑ pɔ́ pɔ ɡú!
Pɛcʉ̈ɔ́Ꞌ-Sɛ́ kɑ zɛɛ ɛ́fɑɑnɛ nu, Sɛ́ pɔɔ wɔ́p nɑ́. A kɑ tsʉ́ʉ wɔ́p ḿmɑꞋ tsɛt nɛpʉ́ kɛ́ ndúŋ zʉꞋ-nzɛnzʉ́ʉ, pɔ́p ɡɔ́ ḿbɔ́ tsɛt mɛŋkʉ, ḿbɔ́ ńzẅíꞋlɛ lɛ́Ꞌ yi pɛ́ ɡʉ ŋ́ŋɑk mɛtsɑŋ.
A ḿbɔ́ ńdɔk ŋɡi tɛnnɛ ńcú ŋɡɔ: «Pʉʉ pɔ́k Sɛ́, ŋ́ɡɑ́ nɛɡúꞋ mbɔ̌ wɛ́. MbíꞋŋɡɔ ŋkɑ́ yi ɑ ɡʉ ŋ́ŋɑk pʉɔmɛsɔŋ ɛ́ pɑ́Ꞌ mbɔ ɛ́ kuꞋ. Pʉʉ ɡúꞋlɛ ŋu ẅí ɑ kɑ niitɛ́nɛ nɛpú, ńniitɛ tsɛ́tsɑ́Ꞌ, ńniitɛ ŋki kɛ́ nɛpɑt, ńniitɛ mbɑ sɑ́Ꞌŋki.»
Tsɑpʉɔ, mbɔ wɔ̌ nɑ́ kɛ́ pɔ́k wú? Mbɔ wɔ̌ nɑ́ kɛ́ ɡúꞋlɛ lík yú. NdɑꞋ ɡu pɔ́nɛ Ndɛ́ɛnɛ Lɛ́ɛnɛ́nɛ; Mɛŋɡɔŋ tsʉʉ ɡʉ ŋ́ɡɛ ńtɔ́ ŋ́kẅíꞋlɛ mbi ɡu mbíꞋŋɡɔ mbɑ wɔ̌ lɑ́ ńjʉ́ɔ mɛfɑꞋ mú pɑ́Ꞌ ɛ́ tʉ́ʉnɛ ndʉ́ŋndʉŋ.»
Pɛ́ ɡɔ́ɔ ŋ́kɛ́ ńjɛ́Ꞌ nɛvú mbɑ lɑ́Ꞌ yi pɛpfú zúꞋu, ḿmɑꞋ tsɛt nɛpʉ́-múk. Nɛpʉ́-múk ɛ̂nɑ́ lɔk ḿbɔ́ nɛvú mbɑ́ɑtɛ yɛ́pɑ́.
