40 Pɔ́Ꞌɔ, mbɑ pʉʉ yʉ́ʉ, pʉʉ niitɛ mbʉʉ yʉʉ ḿbyɛ́p, mbíꞋŋɡɔ Mɔ́ɔ-ŋu ɡʉ ŋ́ɡɛ ńtɔ́, lɑ́ pʉʉ kɑ́ pɔ́ ńjí ŋkɑ́ pɔ́.
Ɛ́ yɛ́tɛ́ lɑ́ pʉʉ pɑ́ɑ nɛmɛꞋ ku, mbíꞌŋɡɔ pʉʉ kɑ́ pɔ́ ńjí lɛ́Ꞌ yi Tsɑpʉɔ wʉʉ ɡʉ ńtɔ́ pɔ́.
Ɛ́ Pɔ́Ꞌɔ lɑ́, mbɑ pʉʉ yʉ́ʉ, pʉʉ niitɛ mbʉʉ yʉʉ ḿbyɛ́p, mbíꞋŋɡɔ Mɔ́ɔ-Ŋu ɡʉ ŋ́ɡɛ ńtɔ́ ŋkɑ́ yi pʉʉ ḿbyɛ́p pɔ́.
Yɛ́su mikŋɛ ŋɡɔ: «Ɛ́ yɛ́tɛ́ lɑ́ pʉʉ pɑ́ɑ nɛmɛꞋ mbʉʉ yʉʉ, mbíꞌŋɡɔ pʉʉ kɑ́ pɔ́ ńjí lɛ́Ꞌ pɔ́, ŋ́kɛ́ ḿbɔɔ ḿbɔ́ ńjí ŋkɑ́ yi Mɔ́ɔ-Ŋu ɡʉ ńdɑ́Ꞌ ńtɔ́ pɔ́.»
Pʉʉ sɑ́Ꞌ tʉʉ, ŋ́ɡɛ mîmɑ́ mɛnu mbíꞋŋɡɔ pʉʉ sɛ́ ńjí kɛm njí yi pɛkŋɛ nǔu. Yɔ ŋkɑ́ yi ɛ́ píkŋɛ́nɛ ŋɡɔ pʉʉ jʉɔmɛ. MbíꞋŋɡɔ ɛ́ ŋkɔ̂ɔnɛ, mbɔ ŋkɑ́ yi Sɛ́ ɡʉ ŋ́ɡɛ pɛkŋɛ luk, ɛ́ pɑ́ɑtɛ mɔ́, ńdɛɛ pɑ́Ꞌ ɛ́ kɑ pɔ́nɛ ŋkɑ́ yi pɛkŋɛ kɑ pɛ́t ńzɛ nɛzɑ́p tʉ́m nǔu Sɛ́.
Pʉʉ tíi nɛpɔ́ wɛ fí ẅi Yɛ́su Kɛlístɔ Tsɑpʉɔ wɛkŋɛ ɡɑ́nɛ ḿmɑꞋ. Kɔɔ pʉʉ pɛn ńnɑ́ŋ ŋ́kwɑŋɛ nu nǔu mɛyúu kɛpɔŋ mi mbɑp-mbʉʉ yʉʉ tsʉ́ʉnɛ́nɛ wʉ́ʉ pʉʉ tsɑ́ɑ nɛɡɑ́ mbɔ̌ wɛ́.
Pɔ́Ꞌɔ lɑ́, kɔɔ pɛkŋɛ lɛ́ pɑ́Ꞌ pɛcɔ́ pʉɔ. Lɑ́ pɛkŋɛ ɡuutɛ mbʉʉ yɛkŋɛ ńtík mɛtúutɛ́.
Pɛkŋɛ tsɑ́ɑtɛ, ŋ́ɡɑ́ wûuẅíi, ŋ́ɡɑ́ nɛɡúꞋ mbɔ̌ wɛ́. MbíꞋŋɡɔ mɔ́ɔ-Njinjɔ ɡʉ ńzɔ́Ꞌ. Nzwɛ́ŋɡʉʉ, kẅii mɔ́ mbʉʉ yɛ tɛ ḿbɔ́ ńzẅíꞋlɛ.
