21 Yɛ́su cɔ́kŋɛ ńcú ŋɡɔ: «Yɔ nu yi ɛ́ ɡɛnɛ ŋu ẅi ɑ lɑknɛ fuꞋ ńcúꞋlɛ nɛ́ fúꞋlɔ́ŋ lɑ́, lɑ́ ḿbɛn ḿbɔ́ nǔu mík-Sɛ́ ḿbɔɔ ŋɡɑŋyúu pɔ́.»
Pʉʉ fɛn yúu mi pʉʉ ɡẅɛɛnɛ, ŋ́ɡɑ́ ŋkɑ́p mbɔ̌ pɛkɛyúu, ńdɔk ŋ́ɡẅɛɛ pɔ́ɔpɑɑ-ŋkɑ́p pi ḿbɔ́ ɛ́ pɔɔ tɔ́ktɛ, ńdɔk ńdẅɛꞋ fuꞋ yʉ́ʉ nɛjɔ́ŋ Sɛ́. Ɛ́ zʉꞋ yi ɛ́ lɑɑ ḿbɔ́ zúꞋu, ɛ́ pɔɔ mɛ, pɛtsɔ́ŋ pɔɔ kuꞋ nɛjɔ pɔ́, shʉ́ɔꞋŋɡɔ́Ꞌ pɔɔ kuꞋ nɛjʉ́ pɔ́.
Pʉʉ lɑɑ ḿbɔɔ kuꞋ nɛpɑɑ yúu yi yɔ njí kɛpɔŋ pɔ́, mbɔ ɛ́ lɑɑ ḿbɔ́ wɔ̌ níꞋnɛ kwɑꞋ yúu yi tʉʉ ndɛn mbɔ̌ pʉʉ?
Lɑ́, pʉʉ kwɑꞋ pɛpɛktú pʉʉ pinɛ pʉʉ ɡɑŋyúu, mbíꞋŋɡɔ pʉʉ kɛ́ ŋ́ɡẅɛɛ mʉ́ʉ mɛyúu sʉ́Ꞌnɛ pɔ ndɑꞋ ŋkɔ̂ɔnɛ.
Ɔ sɛ́ ńdʉꞋ nɛzúꞋ nu, ɔ kɑ́ pɔ́ ŋ́kɔŋ nɛkúpmɛ mɑt wu pɔ́, ɔ lɔk pɔ́Ꞌɔ, ɛ́fúŋ mɑ́mɑ́ ŋɡʉ̈ɔ́Ꞌ yi Sɛ́ ɡʉ ŋ́ɡɛ ńníꞋ tú ɡu, nǔu lɛ́Ꞌ yi ɑ ɡʉ ńdɑ́Ꞌ ḿbɔ́ ńníꞋ ŋɡʉ̈ɔ́Ꞌ tú-pʉɔ. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́ pɛ́ jʉ́ɔ pɑ́Ꞌ Sɛ́ ŋɑknɛ mɛnu mi ɛ́ sɛ́ ḿbíkŋɛ.
Pɛ́ kwɑŋɛ ŋɡɔ pɛk sɛ́ ḿmʉk yɛcɔ́ nu, lɑ́ pɛk ńnɑ́ŋ ŋkɑ́ tsʉʉ pɔ nɛ́ tsɑ́ɑtɛ. Pɛ́ sɛ́ ńdɔk wɛ́k ɛ́fúŋ pɛpúŋ, lɑ́ pɛk pɔ́ ńdɔk pʉɔ tɛ ńzɑ́ɑ ŋ́ɡɛ ɡɑŋyúu. Pɛ́ sɛ́ ńdíŋɛ wɛ́k pɑ́Ꞌ ŋkɑ́ yi yúu yɛ́k kɑ́ pɔ́ ɡú pɔ́ lɑ́, lɑ́ pɛk kɛ́ ŋ́ɡẅɛɛ yúu tsʉʉ.
Lɑ́ ɛ́ ŋ́kɛ́ ŋ́ɡʉ nǔu pʉɔ pi pɔ́p kɔŋ nɛɡẅɛɛ yúu tɛ ɛ́ zɑ́ɑ zɑ́ɑnɛ, ɡʉ ḿvu tsɛt ŋkwɑꞋnɛ. Mɛyúu kɛpɔŋ mi pɔ́p tsɑ́ɑnɛ, ɛ́ minɛ ɛ́ pʉ́ʉpɛ ŋu pʉ́ʉpɛ́nɛ, ɛ́ ɡẅɛɛ wɔ́p pɑ́Ꞌ ɡwɑk lɑ́. Mîmɑ́ mɛyúu tsʉ́ʉnɛ́nɛ pʉɔmɛsɔŋ pɔ́p vu sɛ́, ŋ́kúu pɛ́.
Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.
Mɔ sɛ́ ńjí ŋɡʉ̈ɔ́Ꞌ yʉʉ, ḿbɔ́ ńjí ŋɡɔ pʉʉ pɔ́ pɔ pɛpúŋ, lɑ́ ŋ́kɛ́ ḿbɔ́ nǔu nɛjí Sɛ́ ḿbɔ́ ɡɑŋyúu. Mɔ, m bɛn ḿbɔ́ ńjí ŋɡɔ pʉɔ pí pɔ́p cúnɛ ŋɡɔ pɔ́p pɑyúdɑ, lɑ́ ŋ́kɛ́ ńdɔk pɔ ntsu ńcú, pɔ́p sɛ́ ŋ́kẅíi lík yʉ́ʉ kɛpɔŋ. Pɔ́p pɔ́ pɔ pʉɔ-cúꞋlɛ-Sɑ́ttɑ.
