Lúkɑ́shi 12:11 - Kɑɑ Fí

¹¹ «Pʉʉ jí ŋɡɔ, yɛcɔ́ ŋkɑ́ ɡʉ ŋ́ɡɛ kuꞋ, pɛ́ ɡẅɛɛ wʉ́ʉ, ŋ́ɡʉ ŋ́ŋɑk wʉ́ʉ kɛ pɔ ndɑ́-cúꞋlɛ-Pɑyúdɑ ɔ́ɔ, kɛ pɔ mbi pɛfɔɔ ɔ́ɔ, kɛ pɔ mbi pɑsɑ́Ꞌ lɑ́Ꞌ ɔ́ɔ. Pɛ́ lɑɑ ḿbɔ́ tɛ ḿbɔ́ ńdɔk wʉ́ʉ ŋ́ɡʉ, kɔɔ pʉʉ púꞋ mbʉʉ yʉʉ ŋɡɔ pʉʉ ɡɛ ńtɔ́ zúꞋu ńcú ŋɡɔ kʉ̈ɔ́? Ńzɔŋ tú yʉ́ʉ ŋɡɔ ku ɔ́ɔ?

Lúkɑ́shi 12:11 교차 참조

Mɑtʉ̈ɔ 23:34

Pʉʉ kɛ́ ńzúꞋ, ŋ ɡʉ ŋ́ɡɛ ńtúu pɛŋɡɛ́mndʉ̈ɔ́Ꞌ-Sɛ́, pɔ́p pɑjínu, pɔ́p pɑkyɛ́ꞌtɛ ŋwɑꞋnɛ-Sɛ́. Pʉʉ jẅítɛ pɛcɔ́, ŋ́kẅii pɛcɔ́ nǔu tʉ́ mbɑ́ŋtɛ pɑ́ŋtɛ́nɛ, ńtswɑ́ɑ pɛcɔ́ nɛ́ mɛŋɡwɑɑ tsɛt mɛndɑ́-cúꞋlɛ mʉ́ʉ, ɛ́fú mɛtʉ́sɔŋ mɛtʉ́sɔŋ ńnɑ́ɑ wɔ́p.

Mɑtʉ̈ɔ 6:25

N dɔk ɛ́sẅíi wʉ́ʉ ŋɡɔ: Kɔɔ pʉʉ nɑ́ŋ ḿbúꞋ mbʉʉ yʉʉ ŋɡɔ pɛk ɡʉ ŋ́kwɛ́t kʉ̈ɔ́, pɛk ɡʉ ńdɔk ŋki ɡɔ́ ńnɔ́? Pɛk ɡʉ ńdɔk ndẅí ɡɔ́ ḿmɑꞋ? Wʉʉ nɛpɔ́ ɡú kɑ́ tsɑ yúupɛjʉ́ pɔ́ ɔɔ? Mbʉʉ ŋu pɛn mbɔɔ pɔ́ yúu tʉʉndɛn ńtsɑ mɛndẅí pɔ́ ɔɔ?

Mɑtʉ̈ɔ 6:27

A wɔ̌ ɑ nǔu pʉʉ ẅí ḿbɔ́ ɑ sǐi ńdɔk pɔ pɑ́Ꞌ ɑ púꞋnɛ mbʉʉ yɛ, ŋ́kuꞋ nɛkẅiꞋ tɑ́Ꞌ lɛ́Ꞌ nǔu mɛlɛ́Ꞌlɑ́Ꞌ mɛ́?

Mɑtʉ̈ɔ 6:28

Tɛ pʉʉ púꞋ mbʉʉ yʉʉ nǔu nu mɛndẅí mɛlɑ́Ꞌ kʉ̈ɔ́? Pʉʉ líŋɛ mɛtɔ̌ɔtɔ̌ɔ mi ɛ́ nǔu nɛɡíi ŋkɑ́Ꞌ ńjʉ́ɔ. Nɛɡíi lɔɔ ɛ́fɑꞋ fɑꞋ pɔ́, ŋ́kɛ́ ḿbɔɔ ḿbɑ́Ꞌ mɛndẅí pɔ́.

Mɑtʉ̈ɔ 6:31

Pɔ́Ꞌɔ lɑ́, pʉʉ pɛn ḿbúꞋ mbʉʉ yʉʉ, ńcú ŋɡɔ pɛ́ ɡʉ ŋ́kwɛ́t kʉ̈ɔ́? Pɛ́ ɡʉ ńdɔk ŋki ɡɔ́ ńnɔ́? Pɛ́ ɡʉ ńdɔk ndẅí ɡɔ́ ḿmɑꞋ?

Mɑtʉ̈ɔ 6:34

Pɔ́Ꞌɔ lɑ́, kɔɔ pʉʉ púꞋ mbʉʉ yʉʉ nǔu nu-lɛ́Ꞌlɑ́Ꞌ-zɔ́n. Lɛ́Ꞌlɑ́Ꞌ-zɔ́n, ɡʉ ŋ́ɡɛ ńtɔ́ nɛ́ mɛ́ mɛnu. Yɛ́tɛ ŋɡʉ̈ɔ́Ꞌ lɑ́ kuꞋ nǔu yɛ́ lɛ́Ꞌlɑ́Ꞌ.»

Lúkɑ́shi 12:22

Yɛ́su pɛn ńcú mbɔ̌ ɡɑŋku pɛ́ ŋɡɔ: «N dɔk ɛ́sẅíi wʉ́ʉ ŋɡɔ kɔɔ pʉʉ nɑ́ŋ ḿbúꞋ mbʉʉ yʉʉ nǔu nu yúupɛjʉ́ ŋɡɔ, pʉʉ ɡɛ ŋ́kwɛ́t kʉ̈ɔ́? Kɛ mbɑ nǔu nu ndẅí ŋɡɔ, pʉʉ ɡɛ ḿmɑꞋ kʉ̈ɔ́?»