Lúkɑ́shi 11:9 - Kɑɑ Fí

⁹ Ɛ́ pɔ́Ꞌɔ lɑ́ ɛ sẅíi wʉ́ʉ ŋɡɔ: «Pʉʉ lɔ́ɔ, Sɛ́ ɡɛ ŋ́ɡɑ́ mbɔ̌ pʉʉ. Pʉʉ lɔɔ, Sɛ́ ɡɛ ŋ́ɡɛ pʉʉ jʉ́ɔ. Pʉʉ púꞋtɛ ntsundɑ́ ɑ ɡɛ tsɔ́Ꞌ ŋ́ɡɑ́ mbɔ̌ pʉʉ.

Lúkɑ́shi 11:9 교차 참조

Mɑtʉ̈ɔ 21:22

Pʉʉ lɑɑ ńzɑ́p tʉ́m nǔu Sɛ́, ḿbúꞋ mbɔ́ mbɔ̌ wɛ́ ńdɔ́ɔ mbɑ kʉ̈ɔ́ lɑ́, mbɔ ɑ ɡʉ ŋ́ɡɑ́.

Mɑtʉ̈ɔ 21:31

Pɔ́Ꞌ lɑ́, wɔ̌ nǔu mbɔ́ŋkʉ̈ɔ́ pɔnɛ pɛ́pɑ́ kɑ ɡɛnɛ yúu mi tɑ̌ɑ wɔp sɛ́ ŋ́kɔŋ? Pɛtɑ́tndɑ́-pɑnɔŋpɔꞋ pɔ́p pɛlʉ́m tsɛt lɑ́Ꞌ pʉ̈ɔt ŋɡɔ: Ɛ́ nduŋmbi. Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, pɑcẅɛ́ɛ ntsup-Lɔ́mɑ pɔ́p ɡɑŋɡɑ́ɑ pɑŋɡɛ́ sɛ́ ńjʉ́ pii nɛkúu nǔu nu-nɛfɔɔ-Sɛ́ ńtsɑ wʉ́ʉ,»

Mɑtʉ̈ɔ 6:29

Lɑ́ ŋ kɛ́ ɛ́sẅíi wʉ́ʉ, nɛɡíi mɑꞋ ndẅí tɛ mbɑ fɔɔ Sɑlɛ́mɔ kɑ lɑ́Ꞌ ḿbɔ́ nǔu wɛ nɛɡúꞋ tsʉʉ tsʉʉ, ḿbɔɔ lɑ́Ꞌ ḿmɑꞋ ndẅí tɛ ɛ́ pɔŋ pɑ́Ꞌ yɔp pɔ́.

Mɑ́lɛ́kúshi 11:24

Yúu mi ɛ́ ɡɛnɛ lɑ́ ɛ sẅíi wʉ́ʉ ŋɡɔ: Kʉ̈ɔ́ lɑ́ yi pʉʉ sɛ́ ńcɛꞋlɛ Sɛ́ ńdɔ́ɔ, pʉʉ pɛ́m ŋɡɔ pʉʉ ńdɑ́Ꞌmɔ́ ŋ́ɡẅɛɛ, Sɛ́ ɡɑ́ mbɔ̌ pʉʉ.

Mɑ́lɛ́kúshi 13:37

Nu yi n cúnɛ mbɔ̌ pʉʉ lɑɑ, n cú mbɑ mbɔ̌ pʉɔ tsʉʉ. Kɔɔ ŋu fʉ̈ɔ́nɛ ńdɛ́.

Lúkɑ́shi 11:10

Jínɛ ŋɡɔ ŋu lɑɑ ńdɔ́ɔ yúu, mbɔ pɛ́ ɡɛ ŋ́ɡɑ́ mbɔ̌ wɛ́, ńdɔɔ, mbɔ ɑ ɡɛ ńjʉ́ɔ, ḿbɛn ḿbúꞋtɛ ntsundɑ́, mbɔ pɛ́ ɡɛ tsɔ́Ꞌ ŋ́ɡɑ́ mbɔ̌ wɛ́.

Jɑ̂ŋ 14:13

Pʉʉ ɡʉ ńdɔk lík yɑ́ɑ ńdɔ́ɔ kʉ̈ɔ́ mbɔ̌ Sɛ́ lɑ́, mbɔ ŋ ɡʉ ŋ́ɡɛ. Ɛ́ lɛɛ pɔ́Ꞌɔ, mɔ Mɔ́ɔ, n nyɛt nɛɡúꞋ-Tɑ̌ɑ mɔ.

Jɑ̂ŋ 15:16

«Pʉʉ ŋkɑɑ nɛ́ tsɔ́Ꞌ wɑ́ɑ pɔ́, mɔ kɑ tsɔ́Ꞌnɛ wʉ́ʉ, ńtúu wʉ́ʉ ŋɡɔ pʉʉ ɡʉ ɛ́fɑꞋ fɑꞋ yɑ́ɑ. Yúu mi pʉʉ ɡɛnɛ ńdɑ́Ꞌ ḿbɔ́ pɔ ɡú, mbɔɔ lɑ́Ꞌ ḿbɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pʉʉ lɑɑ ńdɔk lík yɑ́ɑ ńdɔ́ɔ pɔ ku mbɔ̌ Tɑ̌ɑ lɑ́, mbɔ ɑ ɡʉ ŋ́ɡɑ́ mbɔ̌ pʉʉ.»

Jɑ̂ŋ 15:7

«Pʉʉ lɑɑ ńdɑtnɛ mbʉʉ yʉʉ nǔu mɔ, sẅiŋɛ yɑ́ɑ pɔ́ tsɛt tʉ́m pʉʉ, pʉʉ lɔ́ɔ yúu mi pʉʉ kɔŋnɛ, mbɔ pɛ́ ɡʉ ŋ́ɡɑ́ yîyɑ́ yúu mbɔ̌ pʉʉ.»

Jɑ̂ŋ 4:10

Yɛ́su pʉ̈ɔt mbɔ̌ wɛ́ ŋɡɔ, ɔ pɛ́Ꞌnɛ ńjí fuꞋ yí Sɛ́ ɡɑ́nɛ, ḿbɛn ńjí ŋu ẅí ɑ cúnɛ mbɔ̌ ɡu ŋɡɔ: «Gɑ́ ŋki n nɔ́, mbɔ ɡu tsʉ́Ꞌnɛ ńdɔ́ɔ ŋki nɔ́nɛ mbɔ̌ wɛ́, ɑ ɡɑ́ wú ŋki ẅí ɛ́ ɡɑ́nɛ luk.»

Pʉɔ-Lɔ́mɑ 2:7

ŋ́ɡɑ́ luk kɛ́mɛ mbɔ̌ pʉɔ pi pɔ́p kɑ lɔknɛ nɛɡɛ nu sʉ́Ꞌnɛ kɛ́ kɑ́ɑ, ḿbɔ́ ńtsɑ́ɑ ŋɡɔ Sɛ́ ɡɑ́nɛ wɔ́p nɛɡúꞋ, ŋ́ɡɑ́ mɔ́p mɛkuꞋ, ŋ́ɡɛ pɔ́p pɔ́ tsɛt luk yí pɛ́ kɛ́ pɛn ḿpfú nǔu pɔ́.

2 Kɔlɛ̂ŋtɛ 6:2

Sɛ́ kɑ zɛɛ ńcú ŋɡɔ: Ŋkɑ́ nɛcẅɛ́lɛ wú kɑ pɔ́ tɛ ŋ́kuꞋ, n zúꞋ ŋɡi yu, lɛ́Ꞌ nɛɡɛ pʉɔmɛsɔŋ luk kɑ kuꞋ, n tɔ́ ńcẅɛ́lɛ wú. Pʉʉ jí ŋɡɔ ɛ́ kɛ́ ḿbɔ́ ŋkɔ̂ɔnɛ pɑ́Ꞌɑ ḿbɔ́ ŋkɑ́ sʉ́Ꞌnɛ, yɔ lɛ́Ꞌ yi ḿbɔ́ ŋu luk.

Ɛ́bɛlʉʉ 11:6

Pɛ́ lɔk ńjʉ́ɔ ŋɡɔ ŋu lɑɑ mbɔɔ zɑ́p tʉ́m nǔu Sɛ́ pɔ́, mbɔ shʉ́ pɑ́Ꞌ ḿbɔ́ nu yɛ́ pɔŋ Sɛ́ kɑ́ pɔ́ ɡú pɔ́. Ŋu lɑɑ ḿbɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́ ɑ ɡẅɛɛ nɛzɛɛ ḿbiitɛ ḿbɛ́m ŋɡɔ Sɛ́ ɡú, ḿbɛn ḿbɔ́ ńtsɔ́Ꞌ fɑꞋ pʉɔ pi pɔ́p sɛ́ ńdɔɔ wɛ́.

Ɛ́bɛlʉʉ 4:16

Pɔ́Ꞌɔ lɑ́, kɔɔ pɛkŋɛ mʉꞋlɛ nɛkẅɛ́Ꞌlɛ ŋ́ɡʉ nɛ́ zʉꞋ yi kɔꞋ-nɛfɔɔ-Sɛ́ zúꞋu, nɛlɔk pɔ́Ꞌɔ, ḿbɔ́ nɛjɔ́ŋ jʉ́ Sɛ́ ẅí ɑ ɡẅɛɛnɛ pɔŋtʉ́m. Pɛkŋɛ kẅɛ́Ꞌlɛ pɔ́Ꞌɔ, lɑ Sɛ́ tsɑ́ɑ mɛjʉ́ŋ mɛkŋɛ, ńnyɛt wɛkŋɛ nɛ́ pɔŋtʉ́m yɛ́, ḿbɔ́ ńcẅɛ́lɛ wɛkŋɛ nǔu ŋkɑ́ yi pɛkŋɛ jɑ́knɛ nɛɡɛ.

Jɑ̂k 1:5

Ŋu lɑɑ ḿbɔ́ tsɛtsɛt pʉʉ, ńtʉ́ʉ nǔu nu, jínu jɑ́k wɛ́, ɑ lɔ́ɔ mbɔ̌ Sɛ́, mbɔ Sɛ́ ɡʉ ŋ́ɡɑ́. Ɛ́ mbíꞋŋɡɔ Sɛ́ zɛɛ ńdɔk pɔ tʉ́m sʉ́Ꞌnɛ ŋ́ɡɑ́ yúu mbɔ̌ mbɑ wɔ̌ lɑ́ kɛ́ lɛmtɛ.

Jɑ̂k 5:15

CɛꞋlɛ yi pɛ́ ɡɔ́ ŋ́ɡɛ, ńzɑ́p tʉ́m nǔu Sɛ́, ɛ́ ɡɛ ɑ fíitɛ. Tsɑpʉɔ pʉꞋ wɛ́, ḿbɔ́ yi ɑ kɑ zɛɛ ŋ́ɡɛ pɔ nu kɛpɔŋ, mbɔ Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́.

1 Jɑ̂ŋ 3:22

ńdɔ́ɔ pɔ kʉ̈ɔ́ mbɔ̌ wɛ́ lɑ́, ɑ ɡɑ́ mbíꞋŋɡɔ pɛkŋɛ sɛ́ ńnɛn nǔu nɛpʉ́ʉ nɛ́, ḿbɛn ŋ́ɡɛ yúu mi ɑ sɛ́ ŋ́kɔŋ.

Mɛnu ɛ́ ńdɑ́Ꞌ ńcẅɛt 2:24

Ŋ ɡʉ ńcú nu ŋkɔ̂ɔnɛ mbɔ̌ pʉʉ pɛcɔ́ pʉɔ tsɛt cúꞋlɛ-pʉɔ-Kɛlístɔ yi ɛ́ tʉ́sɔŋ-Tyɑtîi, pʉʉ pí pʉʉ kɑ́ pɔ́ ḿbɛ́m ndɔktɛlɛ pîpɑ́ pʉɔ pɔ́, ŋ́kɛ́ ḿbɔɔ pɔ́ ńdɔɔ nɛjí yúu mi pɔ́p fúŋnɛ ŋɡɔ kwɑꞋ nu nɛ́nẅín yi Sɑ́ttɑ kɑ ɡɛnɛ pɔ́p jí pɔ́. Ɛ sẅíi wʉ́ʉ ŋɡɔ: Mɔ ŋ́ɡʉ ńzɑ́p yɛcɔ́ piꞋ yɛ́ ndɛꞋ tú pʉʉ pɔ́.