Lúkɑ́shi 11:42 - Kɑɑ Fí

⁴² Pɑfɑlísɑy ndɔ́ɔ tú pʉʉ! Pʉʉ lɔ ŋ́ɡɑptɛ yúu nɑ́Ꞌ yʉ́ʉ tɛ mbɑ nzɑp yʉ́ʉ njí nɛɡɛ́m, ŋ́ɡɑ́ tɑ́Ꞌ njí mbɔ̌ Sɛ́. Lɑ́, pʉʉ sɛ́ ńdikŋɛ nɛɡɛ nu sʉ́Ꞌnɛ mbɔ̌ pʉɔmɛsɔŋ, ḿbɛn ńdikŋɛ nɛkɔŋ Sɛ́. Lɑ́ yîyɑ́ pɔ́nɛ yúu mi ɛ́ kɑ pɔ́ ḿbíkŋɛ ŋɡɔ pʉʉ ɡɛ. Pʉʉ ɡɛ pɔ́Ꞌɔ, ḿbɔɔ wɛcɔ́ ɡɛ́ɡɛ́ yúu likŋɛ.

Lúkɑ́shi 11:42 교차 참조

Mɑtʉ̈ɔ 23:13

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy. Pʉʉ pɑkɔŋmík, pʉʉ sɛ́ ŋ́kíitɛ ntsundɑ́ ẅi pʉɔmɛsɔŋ lɛɛnɛ nǔu lɑ ŋ́kúu tsɛt nu-nɛfɔɔ-Sɛ́, kwɑꞋ pʉʉ yʉ́ʉ sɛ́ mbɔɔ ŋ́kúu pɔ́, ŋ́kɛ́ ḿbɔɔ ńnɑ́ pʉɔ pí pɔ́p sɛ́ ŋ́kɔŋ nɛkúu tsɛtú kúu zúꞋu pɔ́.

Mɑtʉ̈ɔ 23:23

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy, pʉʉ pɑŋkɔŋmík, pʉʉ ɡɑptɛ yúu-nɑ́Ꞌ yʉ́ʉ tɛ mbɑ nzɑp yʉʉ, nji nɛɡɛ́m, ŋ́ɡɑ́ tɑ́Ꞌ nji mbɔ̌ Sɛ́, lɑ́, ŋ́ɡwɑ́ktɛ mɛnu mi nɛpʉ́ʉ-Sɛ́ zíꞋnɛ, ɛ́ pɔ́ kwɑꞋ mɛnu mí ɛ́ cẅɛ́lɛ́nɛ. Nu pɑ́Ꞌ nɛsẅíi nu nɛ́nẅín, nɛtsɑ́ɑ mɛjʉ́ŋ, nɛɡúꞋlɛ pɔ ndɑꞋ Sɛ́, lɑ́ yɛ́tɛ́ pɔ́nɛ yúu mi ɛ́ ḿbɔ́ ḿbíkŋɛ ŋɡɔ pʉʉ ɡɛ. Pʉʉ ɡɛ pɔ́Ꞌɔ, lɑ́ ŋ́kɛ́ mbɔɔ yɛcɔ́ ɡɛ́ɡɛ́ yúu likŋɛ.

Mɑtʉ̈ɔ 23:27

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy, pʉʉ pɑŋkɔŋmík, pʉʉ pɔ́ pɑ́Ꞌ mɛshi, mi pɛ́ lɔk mbʉ̈ɔ́ɔ ńzɔ́Ꞌ tɛ ɛ́ pɔ́ fúk. Nzɛm píi síi tɛꞋ, lɑ́ mɛtsẅíi-pɛpfú pɔ́p mɛlʉ̈ɔ́ yúu pɔ́nɛ tsɛtú.

Lúkɑ́shi 18:12

Mɔ, n dɔ ŋ́kɔŋ kɔŋnɛ ńjúk nji ŋkɑ́ yɛpɑ́ nǔu ŋɡɑplɑ́Ꞌ, ḿbɛn ŋ́ɡɑp yúu pɑ́ɑ nji nɛɡɛ́m, ŋ́ɡɑ́ tɑ́Ꞌ nji mbɔ̌ ɡu.

Jɑ̂ŋ 5:42

Lɑ́, mɔ pɔ́nɛ ńjí wʉ́ʉ, pʉʉ tʉ́m pʉʉ mbɔɔ Sɛ́ kɔŋ.

1 Jɑ̂ŋ 4:20

Ŋu lɑɑ ńcú ŋɡɔ ɑ sɛ́ ŋ́kɔŋ Sɛ́, ŋɡɔ ńcú pɔ́Ꞌɔ, ḿbɔ́ ḿbɑɑ mɔ́ɔmɑ́ wɛ, mbɔ ɑ ŋɡɑŋ cɔtnu. MbíꞋŋɡɔ ŋu lɑɑ mbɔɔ kɔŋ mɔ́ɔmɑ́ wɛ ẅí ɑ sɛ́ ńjʉ́ɔ wɛ́ pɔ́, ɑ pɔɔ kuꞋ nɛkɔŋ Sɛ́ ẅí ɑ kɑ́ pɔ́ ńjʉ́ɔ wɛ́ pɔ́ pɔ́.