Lúkɑ́shi 11:26 - Kɑɑ Fí

²⁶ mbɔ ɛ́ ɡɛ ŋ́ɡʉ ŋ́ɡúu mɛcɔ́ mɛzẅikŋɛ kɛpɔŋ sɑɑmbɑ́, ɛ́ pɔ́ minɛ ɛ́ ńzɑ́ɑ sɔ́ɔ tɛ ńdɛɛ wɛ́, pɔ́p pɛpɔ́p pɛn nzʉʉ ŋ́kúu nǔu ŋu ɛ̂wɑ́, ḿbɛn ńdɔk wɛ́ ŋ́ɡɛ ndɑ́ yɔp. Ŋɡʉ̈ɔ́Ꞌ-ŋɡɑŋ zɑ́ɑ ńdɛɛ pɑ́Ꞌ ɛ́ kɑ zɛnɛ ḿbɔ́.

Lúkɑ́shi 11:26 교차 참조

Mɑtʉ̈ɔ 12:45

mbɔ ɑ ɡʉ ŋ́ɡʉ ŋ́ɡúu mɛcɔ́ mɛzẅikŋɛ kɛpɔŋ sɑɑmbɑ́, ɛ́ pɔ́ mi pɔ́p zɑ́ɑnɛ sɔ́ɔ tɛ ńtsɑ wɛ́, pɔ́p pɛ́pɔ́p pɛn nzʉʉ ŋ́kúu nǔu ŋu ɛ̂wɑ́, ńdɔk wɛ́ ŋ́ɡɛ ndɑ́ yɔp. Pɔ́Ꞌɔ, ŋɡʉ̈ɔ́Ꞌ-ŋɡɑŋ zɑ́ɑ ńtsɑ pɑ́Ꞌ ɛ́ kɑ zɛɛnɛ ḿbɔ́. Ɛ́ ɡʉ ńdɑ́Ꞌ ḿbɛn ḿbɔ́ pɔ ndʉ́ŋndʉŋ pɔ́Ꞌɔ, nǔu nu-pʉɔ pínɛ pɔ́p ndǔ mbí ŋkɔ̂ɔnɛ ḿbɔ́ pɛ́ kɛpɔŋ.

Mɑtʉ̈ɔ 23:15

Pʉʉ pɛpʉ́ktú, pʉʉ pɑfɑlísɑy pɔ́p pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ, pʉʉ pɑŋkɔŋmík. Pʉʉ sɑ́Ꞌ tʉʉ ŋ́kɑ́t ńtúu mɛŋki kɛ nɛpɔ́ ŋ́ɡʉ mɛŋɡɔŋ nɛɡɛ tɑ́Ꞌ ŋu ẅí ɑ kɑ́ jí Sɛ́ pɔ́ cʉ́ɔ nzʉʉ pʉʉ ńjí Sɛ́. Lɑ́ ɑ kɛ ḿbɔ́ tɛ ŋ́kɛ́ ńcʉ́ɔ nzʉʉ pʉʉ, pʉʉ ɡɛ ɑ tsʉ́Ꞌ ŋu ẅí ɑ kuꞋnɛ nɛkúu pɔ tsɛtsɛt múk tɛ ńdɛɛ wʉ́ʉ.

Lúkɑ́shi 11:25

Ɛ́ lɑɑ ḿbɛn nzʉʉ, ńjʉ́ɔ, mbɔ pɛ́ zʉk ndɑ́ ḿbɛn niitɛ,

Lúkɑ́shi 11:27

Yɛ́su kɑ pɔ́ ńcú pɔ́Ꞌɔ, wɛcɔ́ mɑŋɡɛ́ tsɛtsɛt lɑ́Ꞌ kɑꞋ ŋɡi yɛ, ŋ́ɡɑ́ tʉ́, ńcú ŋɡɔ: «Mɑŋɡɛ́ ẅi ɑ kɑ nɑ́ŋnɛ sɛ́ ḿbí wú, ḿbɛn ńnɔ́ŋ wú, ɑ pɔ́ttú.»

Jɑ̂ŋ 5:14

Yɛ́su ɡɛ ńjʉ́ɔ wɛ́ tsɛt ndɑ́-nɔŋpɔꞋ, ńcú mbɔ̌ wɛ́ ŋɡɔ: «Ɔ lɑ́Ꞌ ɛ́fíitɛ sʉ́Ꞌnɛ, kɔɔ lɑ́Ꞌ ḿbɛn ŋ́ɡɛ nu kɛpɔŋ ḿbɔ́k yɛcɔ́ ŋɡʉ̈ɔ́Ꞌ nɛpɛn ŋ́kúu wú, tɛ ńtsɑ yi ɔ kɑ zɛɛnɛ ḿbɔ́ tsɛtú.»

1 Jɑ̂ŋ 5:16

Ŋu lɑɑ ńjʉ́ɔ mɔ́ɔmɑ́ wɛ pɔ́ ŋ́ɡɛ nu kɛpɔŋ, ɛ́ kɛ́ mbɔɔ nu kɛpɔŋ yi ŋɡɑŋ ɡʉ ɛ́fú nǔu ḿpfú pfúnɛ pɔ́, ɑ ḿbúꞋ mbɔ́ mbɔ̌ Sɛ́ nǔu tú-ŋɡɑŋ, mbɔ Sɛ́ ɡʉ ŋ́ɡɛ ŋɡɑŋ luk, pɑ́Ꞌ ɛ́ lɑɑ ńtsuŋ ḿbɔ́ nu kɛpɔŋ yi ɑ kɛ́ fú nǔu ḿpfú pfúnɛ pɔ́. Lɑ́, yɛcɔ́ nu kɛpɔŋ ɡú yi ŋu ɡɛnɛ, ɛ́fú nǔu ḿpfú pfúnɛ, ŋ kɑ́ pɔ́ ńcú ŋɡɔ pɛ́ cɛꞋlɛ Sɛ́ nǔu yîyɑ́ ntɛ́ pɔ́.