21 Pʉʉ sɛ́ ńjí yʉ́ʉ ŋɡɔ ŋu lɑɑ ŋ́ɡẅɛɛ yúu ntsɔ, ḿbɛn ŋ́ɡẅɛɛ mɛtʉʉ nɛlɔk ḿbyɛ́p njɛ́Ꞌ yɛ, mbɔ ɛ́ lɑɑ ḿbɔ́ yúu yɛ́ pɔɔ pɛ́.
Tɛ ɛ́ lɑɑ ḿbɔ́ ŋu ɡɛ ŋɡɔ́ku lɑ ḿbʉ̈ɔ́Ꞌ ndɑ́-ŋu ntʉʉ, ńtíi yúu pɛ́ kɛ́ pɔ́ yi ɑ piitɛ ŋ́kút wɛ́? A piitɛ tɛ ŋ́kút wɛ́, ŋ́kuꞋ nɛkúu ndɑ́ ńtíi yúu pɛ́ tsʉʉ.
Mbɑ wɛcɔ́ ŋu kɑ́ pɔ́ ɡú ẅi ɛ́ lɑɑ ḿbɔ́, ɑ pʉ́ɔꞋ ndɑ́-ŋu ntʉʉ, ńtíi yúu pɛ́ kɛ́ pɔ́ yi ɑ piitɛ ŋ́kút wɛ́ pɔ́. A piitɛ tɛ ŋ́kút wɛ́, ŋ́kuꞋ nɛkúu ndɑ́, ńtíi yúu pɛ́ tsʉʉ.
Ɛ́ ɡʉ nǔu mɔ, mbɔ n dɔk pɔ mɛtʉʉ Sɛ́ ńzuŋ, yɔ lɔk ńnyɛt wʉ́ʉ ŋɡɔ Sɛ́ ńdɑ́Ꞌ mɔ́ ńtɔ́ tɛ ḿbɔ́ fɔɔ tsɛt yɔ mbí.
Lɑ́ wɛcɔ́ ŋu ẅí ɑ pɛn ńtɛn ńdɛɛ wɛ́ lɑɑ ńtɔ́, mbɔ wɛcɔ́ nɛɡɛ kɛ́ pɛn ḿbɔ́ ɡú ŋkɑ́ ɛ̂yɑ́ pɔ́. Mbɔ wîwɑ́ ŋu ɡɛ ńtɔ́ ŋ́ɡẅɛɛ wɛ́, ńcẅɛ́ɛ yúu ntsɔ pɛ́ pi ɑ ḿbɔ́ ńdɔk ńtɛn lɑ́. Ḿbuu ńtúꞋ yúu pɛ́, pɔ́p pɛ́ pʉɔ ɡɑptɛ.
