Lúkɑ́shi 10:16 - Kɑɑ Fí

¹⁶ Yɛ́su pɛn ńcú mbɔ̌ ɡɑŋku pɛ́ ŋɡɔ: «Ŋu lɑɑ ḿbɛ́m sẅiŋɛ yʉ́ʉ, mbɔ ɑ pɛ́m pɔ sẅiŋɛ yɑ́ɑ. Ŋu lɑɑ ńdʉꞋ wʉ́ʉ, mbɔ ɑ lʉꞋ pɔ wɑ́ɑ, ńdɔk pɔ́Ꞌɔ, ńdʉꞋ ŋu ẅí ɑ kɑ ńtúunɛ wɑ́ɑ.»

Lúkɑ́shi 10:16 교차 참조

Mɑtʉ̈ɔ 10:40

Ŋu kúkŋɛ wʉ́ʉ, mbɔ ɑ kúkŋɛ pɔ wɑ́ɑ, ŋu pɛn ŋ́kúkŋɛ wɑ́ɑ, mbɔ ɑ kúkŋɛ pɔ ŋu ẅí ɑ kɑ túunɛ wɑ́ɑ.

Mɑtʉ̈ɔ 18:5

Ŋu lɑɑ ńdɔk lík yɑ́ɑ ŋ́kúkŋɛ mɔ́yúu mɔ́ɔ pɑ́Ꞌ wɔ lɑɑ, mbɔ ŋɡɑŋ kúkŋɛ pɔ wɑ́ɑ.»

Mɑ́lɛ́kúshi 9:37

«Ŋu lɔk lík yɑ́ɑ, ŋ́kúkŋɛ mɔ́yúu mɔ́ɔ pɑꞋ wɔ lɑɑ, mbɔ ŋɡɑŋ kúkŋɛ pɔ wɑ́ɑ. Ŋu pɛn ŋ́kúkŋɛ wɑ́ɑ, mbɔ ŋɡɑŋ kɑ́ kúkŋɛ pɔ ndɑꞋ wɑ́ɑ pɔ́, ɑ kúkŋɛ pɔ ŋu ẅí ɑ kɑ túunɛ wɑ́ɑ.»

Lúkɑ́shi 9:48

ńcú mbɔ̌ ɡɑŋku pɛ́ ŋɡɔ: «Ŋu lɑɑ ńdɔk lík yɑ́ɑ, ńdɔk ńcẅɛ́ɛ mɔ́yúu mɔ́ɔ wɔ, mbɔ ŋɡɑŋ cẅɛ́ɛ pɔ wɑ́ɑ. Ŋu pɛn ńcẅɛ́ɛ wɑ́ɑ, mbɔ ɑ kɑ́ cẅɛ́ɛ pɔ wɑ́ɑ ndɑꞋ pɔ́, ɑ cẅɛ́ɛ pɔ ŋu ẅi ɑ kɑ túunɛ wɑ́ɑ.» Pʉʉ jí sʉ́Ꞌnɛ ŋɡɔ ŋu ẅi ɑ tsɛtsɛt pʉʉ ḿbɔɔ nyɛt mbʉʉ yɛ pɔ́ pɔ́nɛ kwɑꞋ mɑ́ŋu.

Jɑ̂ŋ 12:44

Yɛ́su nɑ́ŋ tɛ ńcú nɛ́ ŋɡi tɛnnɛ ŋɡɔ: «Ŋu lɑɑ ńzɑ́p tʉ́m nǔu mɔ, mbɔ ŋɡɑŋ kɑ́ zɑ́p pɔ ndɑꞋ nǔu mɔ pɔ́. A pɛn ńzɑ́p nǔu ŋu ẅí ɑ kɑ túunɛ wɑ́ɑ.

Jɑ̂ŋ 12:48

Ŋu lɑɑ ḿmɛꞋ wɑ́ɑ, ńdʉꞋ sẅiŋɛ yɑ́ɑ, mbɔ ŋɡɑŋ ɡẅɛɛ ŋu ẅí ɑ ɡʉ ŋ́ŋɑk wɛ́. Sẅiŋɛ yí ŋ kɑ cúnɛ ɡʉnɛ ńdɑ́Ꞌ ŋ́ŋɑk wɛ́ ndẅiknzʉʉ lɛ́Ꞌ.

Jɑ̂ŋ 13:20

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ŋ́kúkŋɛ ŋu ẅí n túunɛ wɛ́, mbɔ ɑ kúkŋɛ pɔ wɑ́ɑ. Ŋu ẅí ɑ pɛnnɛ ŋ́kúkŋɛ wɑ́ɑ, ɑ kúkŋɛ pɔ ŋu ẅí ɑ túunɛ wɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 5:4

Ŋkɑ́Ꞌ ḿbɔ́ pɔ wú, lɑ ɔ fɛn. Ɔ pɛn ɛ́fɛn, ŋkɑ́p pɔ́ pɔ yú. Ɔ pɛn ŋ́ɡɛ ŋɡɔ́ku ŋ́ɡẅɛɛ yɔ ntɛ́ kwɑŋɛ tsɛt tʉ́m yú? Ɔ kɑ́ cɔtnu pɔ mbɔ̌ pʉɔmɛsɔŋ pɔ́. Ɔ cɔtnu pɔ mbɔ̌ Sɛ́.»

Ŋɡɑlɑ̂t 4:14

Ɛ́ kɑ pɔ́ ŋkɑ́ ɛ̂yɑ́, mbɔ ɡɔɔ tswɑ́ɑ wɑ́ɑ tɛꞋ tɛ m bʉ́k. Lɑ́ pʉʉ kɛ́ mbɔɔ wɑ́ɑ níŋɛ, ŋ́kɛ́ mbɔɔ wɑ́ɑ mɛꞋ. Tɛ ńtsʉ́Ꞌ pɔ́Ꞌɔ, mbɔ pʉʉ kɑ kúkŋɛ wɑ́ɑ pɔ pɑ́Ꞌ Cʉ̈ɔꞋ-Sɛ́, kɛ pɔ pɑ́Ꞌ Yɛ́su Kɛlístɔ lɑ́.

1 Tɛsɑlɔník 4:8

Pɔ́Ꞌɔ lɑ́, ŋu ẅí ɑ zúꞋnɛ yɔ nu ńdʉꞋ, ɑ kɑ́ pɔ́ ńdʉꞋ pɔ ŋumɛsɔŋ pɔ́, ɑ lʉꞋ pɔ́p Sɛ́ ẅi ɑ kɑ ɡɑ́nɛ zẅikŋɛ lɛ́ɛnɛ́nɛ yɛ́ mbɔ̌ pʉʉ.