77 Ɔ ɡɛ ńtɑ́ɑ ŋ́ɡɛ pʉɔ pɛ́ jí ŋɡɔ ɑ kẅɛ́Ꞌlɛ mɔ́ tɛ ḿbɑ́ɑtɛ pɑ́Ꞌ ɑ ɡɛ ńdikŋɛ mɛnu kɛpɔŋ mɔ́p, ŋ́ɡɛ pɔ́p luk,
Jɑ̂ŋ ɡɔ́ɔ ŋ́ɡʉ tsɛt mɛlɑ́Ꞌ mi ɛ́ ŋkɑŋ-ŋki Juudɛŋ, ńnɛn sɑ́Ꞌ lɑ́Ꞌ ŋɡɔ: Pɔ́p kúpmɛ mɑt wɔp ńnuꞋ wɔ́p ŋki, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p.
Lɑ́ ɛ́ lɛɛ pɔ́Ꞌɔ, pʉɔ pɛtsʉʉ jʉ́ɔ pɑ́Ꞌ Sɛ́ ɡʉ ŋ́ɡɛ pɛkŋɛ luk.»
Njí ɡɛ ŋ́kiɛ, Jɑ̂ŋ jʉ́ɔ Yɛ́su pɔ́ ńtɔ́, ɑ cú ŋɡɔ: «Yɔ Mɔ́ɔ-Njinjɔ ẅí Sɛ́ lɔknɛ ɛ́fɛꞋ ndɔɔ-mɛnu mí pʉɔ kɑ ɡɛnɛ.»
N jʉ́ɔ, lɑ́ mɔ sɛ́ ɛ́sɑ́Ꞌ ɛ́sẅíi pʉɔ ŋɡɔ jʉ́ pɔ́nɛ mɔ́ɔ-Sɛ́.
Jʉ́ zɛɛnɛ ḿbɔ́ ŋu ẅí pɛŋɡɛ́mndʉ̈ɔ́Ꞌ-Sɛ́ pɛtsʉʉ kɑ pɔ́ ńdɛꞋlɛ, pɑ́Ꞌ pɔ́p kɑ pɔ́ ńcú ŋɡɔ mbɑ wɔ̌ lɑ́ ẅi ɑ zɑ́pnɛ tʉ́m yɛ́ nǔu Yɛ́su, Sɛ́ ɡʉ ńdikŋɛ mɛnu kɛpɔŋ-ŋɡɑŋ ŋ́ɡɑ́ mbɔ̌ wɛ́, ntɛ́ wɛ́.
Pɔ̂l cú mbɔ̌ pɔ́p ŋɡɔ: «Jɑ̂ŋ kɑ pɔ́ ńnuꞋ pʉɔ ŋki ńdɔk ńnyɛt ŋɡɔ pɔ́p pɛ́m nɛkúpmɛ mɑt, lɑ́ ŋ́kɛ́ ḿbɔ́ ńcú mbɔ̌ lɑ́Ꞌ ŋɡɔ pɔ́p zɑ́p tʉ́m yɔ́p nǔu ŋu ẅí ɑ nzʉʉ yɛ́ ḿbɔ́ ńtɔ́, ńcú pɔ́Ꞌɔ, ŋɡɑŋ pɔ́ Yɛ́su.»
Pyɛ̂ pʉ̈ɔt mbɔ̌ pɔ́p ŋɡɔ: «Pʉʉ kúpmɛ mɑt. Wɛ́t ŋu lɑ́ nǔu pʉʉ pɛ́m pɛ́ nuꞋ wɛ́ ŋki nǔu lík-Yɛ́su Kɛlístɔ. Nɛpɔ́ yi Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́. Sɛ́ ɡɔ́ɔ ŋ́kɛ́ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ.
Pɔ́Ꞌɔ lɑ́, pʉʉ kɛ́ ŋ́kúp mɑt wʉʉ, ḿbɛ́m Yɛ́su Kɛlístɔ. Sɛ́ likŋɛ mɛnu kɛpɔŋ mʉ́ʉ.
Sɛ́ kɑ ɡɛ ɑ kɔ́Ꞌ nɛ́ tʉ́nɛpú, ɑ tsẅíkŋɛ wɛ́ nǔu ɡúŋ-pɔ́ yɛ́ yi tʉʉ, pɔ́Ꞌɔ, ńdɔk wɛ́ ŋ́ɡɛ fɔɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ. Sɛ́ kɑ ɡɛ pɔ́Ꞌɔ, nɛpɔ́ yi pʉɔ-Íslɑyɛ̂l ɡʉ kúpmɛ mɑt wɔp, ɑ likŋɛ mɛnu kɛpɔŋ mɔ́p.
Sɛ́ kɑ lɔk wɛ́ ńnɔŋ pɔꞋ pɑ́Ꞌ mɛci mɛ́ ɡʉ ɛ́suk mɛnu kɛpɔŋ-pʉɔ pinɛ pɔ́p zɑ́pnɛ tʉ́m nǔu jʉ́ Kɛlístɔ. Pɑ́Ꞌ ŋu kɑ ɡẅɛɛnɛ nɛpfú nǔu mɛnu kɛpɔŋ-pʉɔ lɑ́, ɛ́ lɔk ńnyɛt ŋɡɔ Sɛ́ ɡɛ mɛnu mɛ́ ndʉ́ŋndʉŋ. Ɛ́ kɑ pɔ́ yɛcɔ́ ŋkɑ́, pʉɔmɛsɔŋ pɔ́ ŋ́ɡɛ nu kɛpɔŋ, jʉ́ Sɛ́ ɡɛ pɔ pɑ́Ꞌ ŋkɑ́ yi ɑ kɑ́ pɔ́ ńjʉ́ɔ pɔ́ lɑ́.
Mɔ́ɔ nɛ ɛ̂wɑ́ kɑ lɔk mɛci mɛ́ ńdɔk ńtsúꞋ wɛkŋɛ, pɛkŋɛ luk. Sɛ́ likŋɛ mɛfɑɑnɛ mɛkŋɛ ŋ́ɡɑ́ mbɔ̌ pɛkŋɛ. Yɔ nu kɛ́ fʉꞋ yi Sɛ́ kɑ lɔknɛ ŋ́ɡɑ́ fuꞋ fɛ̌ɛ yɛkŋɛ,
