46 Mɑlíyɑ zúꞋ ńcú ŋɡɔ: «Mɔ sɛ́ ŋ́ɡɑ́ ɡúꞋlɛ mbɔ̌ Tsɑpʉɔ,
Pɛkŋɛ kɛ́ ḿbɔɔ ńdɔk pɔ ndɑꞋ yîyɑ́ nu tsɑ́ɑtɛ pɔ́, pɛkŋɛ pɛn ńtsɑ́ɑtɛ ntɛ́ pɑ́Ꞌ Sɛ́ lɛɛnɛ nǔu nu-Tsɑpʉɔ wɛkŋɛ Yɛ́su Kɛlístɔ ŋ́ɡɛ mbuu yi ɛ́ kɑ pɔ́nɛ tsɛtsɛt pɛkŋɛ pɛ Sɛ́ mɛ.
Ɛ́ lɔk pɔ́Ꞌɔ, ńcʉ́ɔkŋɛ nǔu nu yi ŋwɑꞋnɛ-Sɛ́ cúnɛ ŋɡɔ: «Ŋu lɑɑ ḿbɔ́ ŋ́kɔŋ nɛŋɑ́Ꞌlɛ, ɑ lɔk pɔ yúu mi Tsɑpʉɔ kɑ ɡɛnɛ lɑ ńdɔk ŋ́ŋɑ́Ꞌlɛ.»
Lɑ́, pɛk ɡʉ ŋ́kɛ́ ŋ́ɡɑ́ pɔ pɑ́Ꞌlɑ́ mbɔ̌ Sɛ́, mbíꞋŋɡɔ pɛk lɑɑ ḿbɔ́ pɔ ɡɔ́ lɑ́, mbɔ ɑ ɡʉ ŋ́ɡɛ pɛk pɔ́ pɔ nǔu mɑ́nzɔŋ-Kɛlístɔ, mbɔ jʉ́ Kɛlístɔ jʉ́ ntsɔ. Jʉ́ Sɛ́ lɔk wɛ́k ŋ́ɡɛ pɛ́ jí Kɛlístɔ zʉꞋ tsʉʉ, pɑ́Ꞌ yúu mi pɛ́ tɔɔnɛ, jɑ́k kɔ́Ꞌ ɛ́sɑt zʉꞋ tsʉʉ lɑ́.
Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.
Ŋ ɡʉ ńcú mbɔ̌ pʉʉ ŋɡɔ tʉ́m yʉ́ʉ nɑ́ŋ ńtsɑ́ɑtɛ tsɑ́ɑtɛ́nɛ, mbíꞋŋɡɔ pʉʉ pʉɔ-Tsɑpʉɔ. M bɛn ńzɛ́plɛ ńcú mbɔ̌ pʉʉ ŋɡɔ, tʉ́m yʉ́ʉ nɑ́ŋ ńtsɑ́ɑtɛ tsɑ́ɑtɛ́nɛ.
Pɛk sɛ́ ńdɔ́ɔ ŋɡɔ Sɛ́ nɛ́ tú yɛ́, ẅi ɑ Sɛ́-mbɔ́tnɛ, ɑ ɡɛ pʉʉ pɔ́ pʉɔ pɛ́ tɛ ńdẅiklɛ, ŋɡɔ ɑ pyɛ́p zẅikŋɛ yʉ́ʉ, ḿbyɛ́p tʉ́m yʉ́ʉ, ḿbyɛ́p mbʉʉ yʉʉ, ɛ́ ɡɛ ḿbɔ́ lɛ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ŋ́ɡɛ ńtɔ́, pʉʉ pɔ́ kɛ́ sɑ̌ɑ lɔ́Ꞌ nǔu pʉʉ.
Pʉʉ ŋ́kɑɑ mɔ́ Yɛ́su jʉ́ɔ, lɑ́ ŋ́kɛ́ ḿbɔ́ ŋ́kɔŋ wɛ́. Pʉʉ sɛ́ ńzɑ́p tʉ́m nǔu wɛ́, tɛ mbɑ pɑ́Ꞌ pʉʉ pɛ́t kɛ́ ɡɔ́ɔ ńjʉ́ɔ wɛ́. Mɑ́mɑ́ tsɑ́ɑtɛ pɔ́ tʉ́m pʉʉ tɛ ɛ́ lɑɑ ḿbɔ́ pʉʉ pɔɔ jí nɛsẅíi ŋu pɔ́.
