36 Zɛɛ ńjʉ́ɔ mɔ́ɔmɑ́ wu Lísɑpɛ. Pɛ́ sɛ́ ɛ́fúŋ wɛ́ ŋɡɔ ŋkɛ́n mɑŋɡɛ́, ɑ kɛ́ mɔ́ ńdɛn tɛꞋ lɑ́, ɛ́ ŋkɔ̂ɔnɛ ḿbɔ́ pɛsɑŋ pɛ́nɛ́ntúkú pɑ́Ꞌ ɑ shǔutɛ, lɑ́ ɑ ŋ́ɡɛ ńtɑ́ɑ ḿbí mɔ́ɔ mbɛ́ɛnɛ.
Cʉ̈ɔꞋ-Sɛ́ pʉ̈ɔt mbɔ̌ wɛ́ ŋɡɔ: «Zẅikŋɛ Lɛ́ɛnɛ́nɛ ɡʉ ńcúŋ ŋ́kúu nǔu wu, Sɛ́ ẅi ɑ piꞋnɛ mbɑ kʉ̈ɔ́ lɑ́ ńdɔk nɛ́ mɛtʉʉ mɛ́ ŋ́kẅíipɛ wú tɛ yɔ nu puutɛ. Ɛ́ lɛɛtɛ pɔ́Ꞌɔ, lɑ pɛ́ ɡɛ ɛ́fúŋ mɔ́ɔ ẅi ɔ ɡʉ ḿbí ŋɡɔ Ndɛ́ɛnɛ Lɛ́ɛnɛ́nɛ, ḿbɛn ɛ́fúŋ wɛ́ ŋɡɔ mɔ́ɔ-Sɛ́.
Ɛ́ lɔk ḿbɔ́ ŋɡɔ ḿbɔ́ nu pɔɔ Sɛ́ tsɑ.»
Ɛ́ kɑ pɔ́ ŋkɑ́ yi Ɛlɔ̂dɛ m̄bɔ́nɛ fɔɔ-ŋɡɔ́ŋ-Jẅidɛ̂, Wɛcɔ́ nɔŋpɔꞋ pɔ́ ɡú, lík yɛ́ pɔ́ ŋɡɔ Sɑkɑlíyɑ, ɑ pɔ́ ŋɡɑŋfɑꞋ tsɛtsɛt pʉɔ pɛ́ Ábyɑ. Nzwɛ́ wɛ ḿbɔ́ yɛ́ ɡúu nǔu njẅɛt-Álɔ̂ŋ, tɑ́tndɑ́-pɑnɔŋpɔꞋ, lík yɛ́ pɔ́ ŋɡɔ Lísɑpɛ.
Ɛ́ kɑ fú pɔ nǔu pɑ́Ꞌ Sɑɑlɑ́ kɑ zɑ́pnɛ tʉ́m yɛ́ nǔu Sɛ́ ɡúu, ńzɛɛ ńtsʉ́Ꞌ ḿbɔ́ pɔ ndʉ́m tɛꞋ lɑ́, Sɛ́ kɛ́ ŋ́ɡɛ jʉ́ ẅi ɑ ŋkɑɑ pí pɔ́ shuŋ, ŋ́ɡɛ ḿbí mɔ́ɔ mbíꞋŋɡɔ ɑ kɑ pɔ́ ńtsuŋ ńjí ŋɡɔ Sɛ́ kɑꞋ yúu mbɔ̌ ŋu ńdɑ́Ꞌ ŋ́ɡɑ́.
