13 Lɑ́ Cʉ̈ɔꞋ-Sɛ́ cú mbɔ̌ wɛ́ ŋɡɔ: «Sɑkɑlíyɑ, kɔɔ kíi ḿbɔ́k, Sɛ́ zúꞋ mɔ́ nu yi ɔ júknɛ ńcɛꞋlɛ wɛ́ nǔu, tɛ ɑ ŋ́ɡɛ ńcʉ̈ɔꞋ nzwɛ́ wu Lísɑpɛ, pʉʉnɛ ḿbí tɑ́Ꞌ mɔ́ɔ mbɛ́ɛnɛ, ɔ cẅi lík yɛ́ ŋɡɔ Jâŋ.
A ɡʉ ńtɑ́ɑ ḿbí mɔ́ɔ mbɛ́ɛnɛ, ɔ cẅi lík yɛ́ ŋɡɔ Yɛ́su, ńdɔk ńcú ŋɡɔ ɛ́fúŋ wɛ́ pɔ́Ꞌɔ, mbíꞋŋɡɔ jʉ́ ɡʉnɛ ŋ́ɡɛ pʉɔ-lɑ́Ꞌ pɔ́p luk ndɔɔ-mɛnu kɛpɔŋ mɔ́p. Yɛ́su lɔk ńcú ŋɡɔ luk.»
Lɑ́ Yɛ́su ɡɔ́ɔ ńcú mbɔ̌ pɔ́p ŋɡɔ: Pʉʉ pɔ́tnɛ ńnɑ́ŋ, ɑ pɔ́ mɔ, kɔɔ pʉʉ pɔ́k.
Cʉ̈ɔꞋ-Sɛ́ cú mbɔ̌ pɑŋɡɛ́ ɛ̂pɑ́ ŋɡɔ: «Kɔɔ pʉʉ pɔ́k, n jí ŋɡɔ pʉʉ tɔ́ lɔɔ Yɛ́su ẅí pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́.»
Lɑ́, ɑ cú mbɔ̌ pɔ́p ŋɡɔ: «Kɔɔ pʉʉ pɔ́k, pʉʉ lɔɔ Yɛ́su mɔ́ɔ-Nɑ̌zɑlɛt ẅí pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́? A zẅíimɛ nǔu nɛvú, ɑ kɑ́ pɛ́t zɑ́Ꞌnɛ pɔ́. Pʉʉ jʉ́ɔ, yɔ zʉꞋ yí pɛ́ kɑ nɔŋnɛ pfú yɛ́ zúꞋu.
Mɔ́ɔ ɛ̂wɑ́ ŋ́ɡɛ ńdɑ́Ꞌ ḿbɔ́ mbɔ̌ wu, ḿbɔ́ kwɑꞋ yúu-tsɑ́ɑtɛ, pʉɔ tɛ ńzɑ́ɑ pɛn ńtsɑ́ɑtɛ nǔu pɑ́Ꞌ pɛ́ pinɛ wɛ́.
Cʉ̈ɔꞋ-Sɛ́ cú ŋɡɔ: «Mɑlíyɑ, kɔɔ pɔ́k, Sɛ́ cʉɔꞌ wú.
Pɛ́ kɑ pí mɔ́ɔ, ɛ́ ɡɔ ḿbɔ́ lɛ́Ꞌ pɛ́nɛ́fɔ́m, pɛ́ púꞋ wɛ́, ńcẅi lík yɛ́ ŋɡɔ Yɛ́su, ɛ́ pɔ́ lík yi Cʉ̈ɔꞋ-Sɛ́ kɑ ɡɑ́nɛ lɑ mɑ́ wɛ lɑ́Ꞌ ɛ́shuŋ wɛ́.
ńcú mbɔ̌ mɔ ŋɡɔ: Kɔ̂lnɛ́ɛ, Sɛ́ zúꞋ ńcɛꞋlɛ yú. A kɑ́ likŋɛ yúu mi ɔ ɡɑ́nɛ mbɔ̌ pɛpúŋ ńdɔk ńcẅɛ́lɛ́ wɔ́p lɑ́ pɔ́.
