Jẅidɛ 1:4 - Kɑɑ Fí

⁴ N cú mbíꞋŋɡɔ pɛcɔ́ pʉɔ kɛpɔŋ sɔ́ ŋ́kúu tsɛtsɛt pʉʉ. Pɔ́p sɛ́ ɛ́shɔt shʉ́ lɔk ńzúꞋ nu yi pɔŋtʉ́m-Sɛ́ wɛkŋɛ lɔknɛ cú, ɛ́shɔt pɔ́Ꞌɔ, ńnɛn pɑ́Ꞌ pɔ́p kɔŋnɛ. Pɔ́p ɡɛ pɔ́Ꞌɔ ńdɔk ḿmuŋɛ Yɛ́su Kɛlístɔ ẅi ɑ ndɑꞋ Ndɛ wɛkŋɛ, ḿbɔ́ ndɑꞋ Tsɑpʉɔ wɛkŋɛ. Ntí ɡú pɑ́Ꞌ pɛ́ kɑ ŋwɑꞋnɛ́nɛ ntɛ́ ŋɡʉ̈ɔ́Ꞌ yi pɑtʉ́ʉ tú mbɔ̌ Sɛ́ lɔ ńjʉ́ɔ tsɛt ŋwɑꞋnɛ-Sɛ́, pîpɑ́ pʉɔ ńdɑ́Ꞌ ńjʉ́ɔ ɡúu.

Jẅidɛ 1:4 교차 참조

Mɑtʉ̈ɔ 13:25

Lɑ́ pɛ́ pɔ́ tɛ ńdɛ́, ŋɡɑŋmbuu wɛ tɔ́ ḿbi yúu kɛpɔŋ tsɛtsɛt yi sʉ́Ꞌnɛ yi ɛ́ fínɛ yi sʉ́Ꞌnɛ ɛ̂yɑ́, ŋ́ɡʉ.

Jɑ̂ŋ 17:3

Luk kɛ́ mɛ ɛ̂yɑ́, ɛ́ pɔ́ pɑ́Ꞌ pɔ́p ɡʉ ńjí wú, ɡu ẅí ɔ kwɑꞋ ndɑꞋ Sɛ́ wɛ nɛ́nẅín zɛ́nɛ ɡu, ḿbɛn ńjí ŋu ẅí ɔ kɑ túunɛ wɛ́, ɑ pɔ́ Yɛ́su Kɛlístɔ.

ŊwɑꞋnɛ-Gɑŋntúu Yɛ́su Kɛlístɔ 11:23

A ɡʉ tɛ ŋ́kúu zúꞋu, ńjʉ́ɔ yɛ́ pɑ́Ꞌ Sɛ́ líŋɛ́nɛ pʉɔ pi pɔ́ zɑ́pnɛ tʉ́m nǔu wɛ́ pɔ́Ꞌɔ, nu pɔŋ wɛ́ tɛꞋ. A níꞋ mɛtʉʉ mɔ́p pɛ́tsʉʉ, ŋɡɔ pɔ́p kɛ ńjí pɔ ndɑꞋ Tsɑpʉɔ, ḿbɛn ńcʉŋɛ pɔ nǔu wɛ́.

ŊwɑꞋnɛ-Gɑŋntúu Yɛ́su Kɛlístɔ 15:24

Pɛk kɑ zúꞋ ŋɡɔ pɛcɔ́ ntɑ́Ꞌpʉɔ kɑ fú tsɛtsɛt pɛk, ńtɔ́ ḿmɑꞋ ntɑ́kŋɛ tsɛtsɛt pʉʉ, ńdɔk sẅiŋɛ yɔ́p ŋ́ɡɛ tɛ pʉʉ pɔɔ kíi ńjí tú yʉ́ʉ pɔ́. Lɑ́ pɛk ŋkɑɑ nɛ zɛɛ ńtúu wɔ́p ŋɡɔ pɔ́p ɡʉ ńcú pɔ́Ꞌɔ pɔ́.

Ŋɡɑlɑ̂t 2:4

Tɛ mbɑ pɑ́Ꞌ pɛcɔ́ pɑcɔtnu ŋɡɔ pɔ́p pɔ́ɔpɛ́mɑ́ pɛk kɑ pɔ́ ŋ́kɔŋ ŋɡɔ pɛ́ púꞋ wɛ́. Pʉɔ ɛ̂pɑ́ kɑ sɔ́ ŋ́kúu tsɛtsɛt pɛk pɑ́Ꞌ pɛmɑ́nɑ́ŋ. Pɔ́p kɑ pɔ́ ńtɔ́ nɛjʉ́ɔ pɑ́Ꞌ pɛk pɛndẅǐi nǔu mɑt-pɑyúdɑ, ḿbɛn ḿbɔ́ ŋ́ɡɛ mɛ́k mɛnu pɔ́Ꞌɔ. Pɔ́p kɑ pɔ́ ńdɔɔ nɛlɔk wɛ́k ŋ́ɡɛ pɛkwɑɑ.

Ŋɡɑlɑ̂t 5:13

Pɔ́ɔpɛ́mɑ́ pɑ́ɑ, ɛ́ ɡʉ nǔu pʉʉ, mbɔ Sɛ́ kɑ fúŋnɛ wʉ́ʉ pɑ́Ꞌ pʉʉ ɡʉ ńduk kwɑɑ-nɛpʉ́ʉ. Lɑ Kɔɔ pʉʉ lɛɛtɛ nǔu, ŋ́ɡɛ yúu mi mbʉʉ yʉʉ sɑ́Ꞌnɛ wʉ́ʉ pʉʉ ɡɛ. Tɛ ńtsʉ́Ꞌ pɔ́Ꞌɔ, pʉʉ ɡɛ ŋkɔŋɛ pɔ́ tsɛtsɛt pʉʉ, pʉʉ cẅɛ́lɛ́ mɛmbʉʉ mʉ́ʉ.

Ɛ́fɛ̂zɛ 4:14

Ɛ́ lɛɛ pɔ́Ꞌɔ, pɛkŋɛ pɔɔ pɛn ḿbɔ́ pɛcʉcʉŋ mbɔ́ŋkʉ̈ɔ́ pi ɛ́ pɑ́Ꞌ kɑnúꞋ yi ŋki shuŋnɛ ńdɔk ŋ́ɡʉ zɑꞋnɛ, ŋ́ɡʉ zíꞋnɛ pɔ́. Pɛ́ pɔɔ pɛn ɛ́sẅíi wɛkŋɛ ŋɡɔ pɛkŋɛ pʉʉ pʉʉnɛ kɛ ŋɡɔ pɛkŋɛ cúŋ cúŋnɛ pɔ́, kɔɔ pɛkŋɛ zúꞋ mîmɑ́ mɛnu mi pɛ́ zíꞋnɛ pʉɔ ḿbɛ́m pɔ́. Ɛ́ fú pɔ́Ꞌɔ, pɛkŋɛ pɔɔ pɛn ḿbɔ́ pɑ́Ꞌ pɛcʉcʉŋ pi pɔ́p pɛ́mnɛ, pʉɔ kwɑŋɛ mɛnu ńdɔk ɛ́fúklɛ wɔ́p pɔ́p pɛ́m cɔtnu nu pɔ́.

1 Timɔtɛ́ɛ 5:8

Ɛ́ ɡʉ nǔu mbɔ́ŋkʉ̈ɔ́, mbɔ ŋu wɔp lɑɑ ḿmɛꞋ pʉɔ tsɛ́nndɑ́ yɔ́p, pɛ́ lɑ́Ꞌ pʉɔ pi pɔ́p pɛpɔ́p tsẅɛ́nɛ, mbɔ ɑ lɔk pɔ́Ꞌɔ, ńdʉꞋ nu-Yɛ́su yi pɛkŋɛ pɛ́mnɛ. Ŋɡɑŋ lɔk pɔ́Ꞌɔ, ḿbʉ́k ńdɛɛ ŋu ẅí ɑ kɑ́ zɑ́p tʉ́m yɛ́ nǔu Yɛ́su pɔ́.

2 Timɔtɛ́ɛ 2:12

Pɛkŋɛ lɑɑ ŋ́kɛ́ ḿbɔ́ ɛ́sʉk tsɛt ŋɡʉ̈ɔ́Ꞌ sʉknɛ pɑ́Ꞌ jʉ́, mbɔ pɛkŋɛ pɛpɔ́p ɡʉ ŋ́ɡɛ ńtɛmtɛ ɛ́sɑ́Ꞌ ŋɡɔŋ. Pɛkŋɛ lɑɑ kɛ́ ḿmuŋɛ wɛ́, mbɔ ɑ ŋ́ɡɛ ḿmuŋɛ wɛkŋɛ ɡúu.

2 Timɔtɛ́ɛ 3:6

Pɛcɔ́ pʉɔ tsɛtsɛt pɔ́p, ńjúk sɔ́ ŋ́kúu mɛndɑ́-pʉɔ, ɛ́shɔt mík-pɑŋɡɛ́ pi pɔ́p pɛ́mpɛ́mnɛ, ḿbɔ́ pi pɔ́p ɡɛnɛ mɛnu kɛpɔŋ tɛꞋ, mbʉʉ yɔp tsʉ́ʉnɛ wɔ́p nɛɡɛ yúu ntɛ́ nɛ́ ntɛ́.

1 Pyɛ̂ 2:16

Pʉʉ lɔk mɑt wʉʉ ḿbɔ́ pɑ́Ꞌ pʉɔ pi pɛ́ kɑ cẅɛɛtɛ́nɛ wɔ́p ndɑ́-kwɑɑ. Lɑ́, kɔɔ ẅîwɑ́ nɛpɔ́ kɛ́ ńtsʉ́Ꞌ mbɔ̌ pʉʉ ḿbɔ́ ŋkwɑ́ yi pʉʉ ɡʉ ńdɔk ńdʉɔ mɛnu kɛpɔŋ. Pʉʉ lɔk mɑt wʉʉ ḿbɔ́ pɔ pɛkwɑɑ-Sɛ́.

1 Pyɛ̂ 2:8

Ḿbɛn ḿbɔ́ ŋɡɔꞋ yi ɛ́ ɡʉ ŋ́ɡɛ pɛ́ vu sɛ́, ɛ́ mɑ́mɑ́ ŋɡɔꞋ yi pɛ́ ɡʉ kɔɔtɛ nǔu.» Pɔ́p ŋ́kɔɔtɛ nǔu, mbíꞋŋɡɔ pɔ́p lʉꞋ nɛzúꞋ sẅiŋɛ-sɛ́. Ɛ́ kɛ́ ḿbɔ́ pɔ pɑ́Ꞌ Sɛ́ kɑ zɑ́pnɛ ŋɡɔ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ nǔu pɔ́p.

1 Pyɛ̂ 4:18

Pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: «Ɛ́ lɑɑ ḿbɔ́ yi pʉɔ pi pɔ́p ɡɛnɛ yúu mi ɛ́ ndʉ́ŋndʉŋ mbi Sɛ́, nɛɡɔ́ ńduk tɛn tɛꞋ, mbɔ ɛ́ ɡʉ ńtɔ́ ḿbɔ́ nǔu pʉɔ pi pɔ́p kɑ́ pɔ́ ŋ́ɡɛ yúu mi Sɛ́ sɛ́ ŋ́kɔŋ pɔ́, pʉɔ kɛpɔŋ, ḿbɔ́ ŋɡɔ́ku?»

2 Pyɛ̂ 2:10

A ŋ́ɡɛ ḿbɔ́ lɛ́Ꞌ ɛ̂yɑ́, ḿbiitɛ ńtsuŋ ńzɑ́p ŋɡʉ̈ɔ́Ꞌ pɔ tú-pʉɔ pi pɔ́p ńnɑ́ŋnɛ ŋ́ɡɛ yúu mi mbʉʉ yɔ́p tsʉ́ʉnɛ́nɛ wɔ́p nɛɡɛ, ńnɑ́ŋ ńtsɑ́ɑ mɛnu-ncɛ́llɛ́. Sɛ́ cú nu pɔ́p ɡwɑ́k ɡwɑ́knɛ. PɑzíꞋ pʉɔ nɛ́ cɔtnu, pɔ́p kwɛn nzɔꞋ yɔp tɛꞋ, ḿbɛ́m mɛ́m tɛ mbɔɔ pɔ́k nɛzɔɔtɛ mɛzẅikŋɛ mi ɛ́ ɡẅɛɛnɛ nɛɡúꞋ pɔ́.

2 Pyɛ̂ 2:7

A kɑ fú zúꞋu ńcẅɛɛtɛ Lɔ̂t. A pɔ́ ŋu ẅí ɑ kɑ pɔ́ ŋ́ɡɛ pɔ yúu mi ɛ́ ndʉ́ŋndʉŋ mbi jʉ́ Sɛ́, tɛ ńjʉ́ɔ tsẅɛ́ kɛpɔŋ, pɔ́p mɛnu sʉ́ʉ mi pʉɔ pɛtʉ́sɔŋ ɛ̂pɑ́ kɑ pɔ́ ɛ́fʉꞋ tɛ ɛ́sɑ́Ꞌ sɑ́Ꞌnɛ, ɛ́ tsuŋ ḿbʉ́k wɛ́ tɛꞋ.

2 Pyɛ̂ 3:7

ŋ́ɡʉ nǔu nɛfɑŋ ŋkɔ̂ɔnɛ, mbɑ tsɛ́tsɑ́Ꞌ ŋkɔ̂ɔnɛ, mbɔ yîyɑ́ Sẅiŋɛ lẅɛꞋ wɔ́p lẅɛꞋnɛ ńdɔk ńzẅíꞋlɛ lɛ́Ꞌ yi Sɛ́ ɡʉ ŋ́ɡɛ ŋ́ŋɑk pɛɡɑŋmbuu pɛ́. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́, múk ɡɛ tʉ́nɛ́pú pɔ́p tsɛ́tsɑ́Ꞌ tɛmtɛ ńdɑ́kŋɛ.

1 Jɑ̂ŋ 2:22

Ŋɡɑŋ cɔtnu wɔ̌? A kɑ́ pɔ́ pɔ ŋu ẅí ɑ cúnɛ ŋɡɔ Yɛ́su kɑ́ pɔ́ Nzɑ́Ꞌŋkʉ pɔ́ pɔɔ? A ŋɡɑŋmbuu-Kɛlístɔ, ḿbɔ́ ŋu ẅí ɑ ɡɔ́ ńdʉꞋnɛ nu-Tɑ̌ɑ, ńdʉꞋ mbɑ nu-Mɔ́ɔ.

Jẅidɛ 1:15

Ńtɔ́ pɔ́Ꞌɔ, nɛzɑ́Ꞌ ntsɑŋ yɔ́p pʉɔ tsʉʉ, ńníꞋ ŋɡʉ̈ɔ́Ꞌ tú-pʉɔ kɛpɔŋ tsʉʉ mbíꞋ mɛfɑꞋ kɛpɔŋ mi pɔ́p kɑ fɑꞋnɛ. Mbɑ́ɑtɛ nǔu pʉɔ pɔ́p kɑ tʉʉnɛ tú mbɔ̌ Sɛ́, tɛ mbɑ nǔu sẅiŋɛ yɔ́p tsʉʉ yi ɛ́ pʉ́k pʉ́knɛ, yi pʉɔ kɛpɔŋ ɛ̂pɑ́ pi pɔ́p ŋ́kɑɑ ɡẅɛɛ mɛkuꞋ pɔ kɑ pɔ́ ńcú nǔu Sɛ́.

Jẅidɛ 1:18

Pɔ́p kɑ cú mbɔ̌ pʉʉ ŋɡɔ, ɛ́ ɡʉ ńdɑ́Ꞌ ḿbɔ́ nǔu ŋkɑ́ yi ndǔmbí ɡʉ ḿmɛ, pɛcɔ́ pʉɔ ɡwɛ wʉ́ʉ, ŋ́ɡɛ mɛnu kɛpɔŋ nǔu ntɛ́ yi mbʉʉ yɔp sɛ́ ńtsʉ́ʉnɛ wɔ́p nɛɡɛ pɔ́Ꞌɔ.

Mɛnu ɛ́ ńdɑ́Ꞌ ńcẅɛt 15:4

Tsɑpʉɔ, mbɔ wɔ̌ nɑ́ kɛ́ pɔ́k wú? Mbɔ wɔ̌ nɑ́ kɛ́ ɡúꞋlɛ lík yú. NdɑꞋ ɡu pɔ́nɛ Ndɛ́ɛnɛ Lɛ́ɛnɛ́nɛ; Mɛŋɡɔŋ tsʉʉ ɡʉ ŋ́ɡɛ ńtɔ́ ŋ́kẅíꞋlɛ mbi ɡu mbíꞋŋɡɔ mbɑ wɔ̌ lɑ́ ńjʉ́ɔ mɛfɑꞋ mú pɑ́Ꞌ ɛ́ tʉ́ʉnɛ ndʉ́ŋndʉŋ.»