Jẅidɛ 1:1 - Kɑɑ Fí

¹ Yɔ ŋwɑꞋnɛ fú mbɔ̌ mɔ Jẅidɛ, ŋu ẅi ɑ fɑꞋnɛ fɑꞋ-Yɛ́su Kɛlístɔ, ḿbɔ́ mɔ́ɔmɑ́ pɛ Jɑ̂k. Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ pi Tɑ́t wɛkŋɛ Sɛ́ kɑ fúŋnɛ wʉ́ʉ nɛpɔ́ pʉɔ pɛ́ lɑ́. A kɔŋ wʉ́ʉ ḿbɔ́ ńdẅɛꞋ wʉ́ʉ ńdɔk ńzẅíꞋlɛ Yɛ́su Kɛlístɔ.

Jẅidɛ 1:1 교차 참조

Mɑtʉ̈ɔ 10:3

ŋ́ɡɛ Filîp pɔ́p Pɑtɛlɛmî, ŋ́ɡɛ Tɔ́mɑ́shi pɔ́p Mɑtʉ̈ɔ, ẅi ɑ ḿbɔ́nɛ ńcẅɛ́ɛntsup Pɑlɔ́mɑ ŋ́ɡɛ Jɑ̂k mɔ́ɔ-Alfɛ̂ pɔ́p Tɑdɛ́ɛ,

Mɑtʉ̈ɔ 13:55

A kɑ́ pɔ́ mɔ́ɔ-kɑ́pɛ́ndɑɑ pɔ́? Lík-mɑ́ wɛ kɑ́ pɔ́ ŋɡɔ Mɑlíyɑ pɔ́? A kɑ́ pɔ́ mɔ́ɔmɑ́-Jɑ̂k, nɛ́ Yɔsɛ̂p, mbɑ Símɔ nɛ́ Jẅidɛ pɔ́?

Mɑ́lɛ́kúshi 3:18

Yɛ́su pɛn ńtsɔ́Ꞌ Ndɛlɛ́yɑ, pɔ́p Filîp, ŋ́ɡɛ Pɑtɛlɛmî nɛ́ Mɑtʉ̈ɔ, pɔ́p Tɔ́mɑ́shi, ŋ́ɡɛ Jɑ̂k mɔ́ɔ-Alfɛ̂, ŋ́ɡɛ Tɑdɛ́ɛ nɛ́ Símɔ nzɔŋlɑ́Ꞌ,

Mɑ́lɛ́kúshi 6:3

A kɑ́ pɔ́ kɑ́pɛ́ndɑɑ, ḿbɔ́ mɔ́ɔ-Mɑlíyɑ pɔ́ ɔɔ? Ḿbɔ́ mɔ́ɔmɑ́ pɛ́ Jɑ̂k, ŋ́ɡɛ Jɔsɛ́ɛ, ŋ́ɡɛ Jẅidɛ mbɑ Símɔ pɔ́ ɔɔ? Pɔ́ɔpɛ́mɑ́ pɛ́ pɛ́ pɑŋɡɛ́ kɑ́ pɔ́ pɔ tsɛtsɛt pɛkŋɛ pɔ́?» Ńcú pɔ́Ꞌɔ, ńdʉꞋ nɛpɛ́m wɛ́.

Lúkɑ́shi 6:16

ŋ́ɡɛ Jẅidɛ mɔ́ɔ-Jɑ̂k, ŋ́ɡɛ Jẅídɑ Iskɑlyɔt ẅí ɑ kɑ tɑ́ɑnɛ ɛ́fɛn Yɛ́su.

Jɑ̂ŋ 12:26

Ŋu lɑɑ ḿbɔ́ ɛ́fɑꞋ mbɔ̌ mɔ, ɑ cʉ́ɔ nzʉʉ mɔ. ZʉꞋ yí ŋ ɡʉnɛ zúꞋu lɑ́, ŋɡɑŋfɑꞋ wɑɑ ɡʉ ḿbɔ́ yɛ́ zúꞋu. Ŋu lɑɑ ḿbɔ́ ɛ́fɑꞋ mbɔ̌ mɔ, mbɔ Tɑ̌ɑ mɔ ɡʉ ŋ́ɡɛ ŋ́ɡɑ́ mɛkuꞋ mɛ́.

Jɑ̂ŋ 14:22

Jẅidɛ, pɛ́ kɛ́ ḿbɔɔ ńcú Iskɑlyɔt pɔ́, cú mbɔ̌ Yɛ́su ŋɡɔ: «Tsɑpʉɔ, ɛ́ ɡʉ ḿbɔ́ ŋɡɔ ku lɑ ɔ ɡɛ ndɑꞋ pɛk jʉ́ɔnɛ wú, pʉɔ tsʉʉ pɔɔ jʉ́ɔ wú pɔ́ ɔɔ?»

Jɑ̂ŋ 15:16

«Pʉʉ ŋkɑɑ nɛ́ tsɔ́Ꞌ wɑ́ɑ pɔ́, mɔ kɑ tsɔ́Ꞌnɛ wʉ́ʉ, ńtúu wʉ́ʉ ŋɡɔ pʉʉ ɡʉ ɛ́fɑꞋ fɑꞋ yɑ́ɑ. Yúu mi pʉʉ ɡɛnɛ ńdɑ́Ꞌ ḿbɔ́ pɔ ɡú, mbɔɔ lɑ́Ꞌ ḿbɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pʉʉ lɑɑ ńdɔk lík yɑ́ɑ ńdɔ́ɔ pɔ ku mbɔ̌ Tɑ̌ɑ lɑ́, mbɔ ɑ ɡʉ ŋ́ɡɑ́ mbɔ̌ pʉʉ.»

Jɑ̂ŋ 17:15

Ŋ kɑ́ pɔ́ ḿbúꞋ mbɔ́ mbɔ̌ ɡu ŋɡɔ ɔ fú ndǔmbí ńcẅɛɛtɛ wɔ́p pɔ́, m búꞋ mbɔ́ mbɔ̌ ɡu pɔ ŋɡɔ ɔ pɑ́ɑ wɔ́p nǔu Sɑ́ttɑ ŋɡɛnu kɛpɔŋ.

Jɑ̂ŋ 17:17

Lɔk nu nɛ́nẅín yú ŋ́ɡɛ pɔ́p tsʉꞋ pʉɔ pú tɛ ɛ́sẅíi nu. Sẅiŋɛ yú ɛ́ nɛ́nẅín.

Jɑ̂ŋ 17:19

Ŋ́ɡʉ nǔu mɔ, ŋ ɡɑ́ mbʉʉ yɑɑ mbɔ̌ ɡu ntɛ́ wɔ́p, ńjí ŋɡɔ pɔ́p ɡʉ ɛ́fú nǔu nu nɛ́nẅín, ńtsʉ́Ꞌ pʉɔ pú tɛ ɛ́sẅíi nu.

Jɑ̂ŋ 6:39

Yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ, ɛ́ pɔ́ pɔ ŋɡɔ kɔɔ mɔ nɑ́ tɛ wɛcɔ́ tɑ́Ꞌ nǔu pʉɔ pí ɑ kɑ ɡɑ́nɛ mbɔ̌ mɔ pɛ́. Ndẅiknzʉʉ lɛ́Ꞌlɑ́Ꞌ ńdɑ́Ꞌ ḿbɔ́, n zẅíimɛ wɔ́p nǔu nɛvú.

ŊwɑꞋnɛ-Gɑŋntúu Yɛ́su Kɛlístɔ 1:13

Pɔ́p ŋ́kúu Yɛlúsɑlɛm, ŋ́kɔ́Ꞌ ndǔ ndɛ̂k wɛ tʉ́, ŋ́kúu tsɛt lûmndɑ́ ẅi pɔ́p kɑ pɔ́ ńcúꞋlɛ zúꞋu. Yɔ m̄bɔ́ Pyɛ̂, ŋ́ɡɛ Jɑ̂ŋ pɔ́p Jɑ̂k, ŋ́ɡɛ Ndɛlɛ́yɑ. Yɔ pɔ́ Filîp, ŋ́ɡɛ Tɔ́mɑ́shi, pɔ́p Pɑtɛlɛmî mbɑ Mɑtʉ̈ɔ. Yɔ pɔ́ Jɑ̂k mɔ́ɔ-Alfɛ̂, ŋ́ɡɛ Símɔ̂ŋ ẅi pɛ́ kɑ pɔ́ ɛ́fúŋ wɛ́ ŋɡɔ mɔ́ɔ-ŋɡɔŋ, pɔ́p Jẅidɛ mɔ́ɔ-Jɑ̂k.

ŊwɑꞋnɛ-Gɑŋntúu Yɛ́su Kɛlístɔ 20:32

Ŋ kɛ́ ḿbɔ́ ŋkɔ̂ɔnɛ pɑꞋɑ ḿbɔ́ fɛ́ɛ wʉ́ʉ mbɔ̌ Sɛ́ ḿbɛn ḿbɔ́ ńcú mbɔ̌ pʉʉ ŋɡɔ pʉʉ zẅíꞋlɛ sẅiŋɛ yɛ́ yi ɛ́ nyɛtnɛ pɑ́Ꞌ ɑ ɡɑ́nɛ fuꞋ níinɛ yɛkŋɛ pɔ́Ꞌɔ. Yîyɑ́ sẅiŋɛ kuꞋ nɛɡɛ pʉʉ kẅiꞋ ńzɑ́p tʉ́m nǔu Sɛ́. A lɛɛ nǔu ŋ́ɡɑ́ yúu sʉ́Ꞌnɛ yi ɑ kɑ niitɛ́nɛ ńzɑ́p ntɛ́ pʉɔ pinɛ pɔ́p pɛ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 27:23

N cú pɑ́Ꞌɑ, mbɔ ɛ́ lɑ́Ꞌ ḿbɔ́ nɛtúꞋ lɔ́Ꞌnɛ, Sɛ́ ẅi ŋ ɡúꞋlɛ, túu wɛcɔ́ cʉ̈ɔ́Ꞌ wɛ mbɔ̌ mɔ ẅi mɔ ŋɡɑŋfɑꞋ wɛ.

Pʉɔ-Lɔ́mɑ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋu ẅí ɑ fɑꞋnɛ fɑꞋ-Yɛ́su Kɛlístɔ, Sɛ́ kɑ fúŋnɛ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ, ńzɑ́p wɑ́ɑ ŋɡɔ ŋ ɡʉ ńcẅi Ŋkʉʉ Sʉ́Ꞌnɛ wɛ́ mbɔ̌ lɑ́Ꞌ.

Pʉɔ-Lɔ́mɑ 1:6

Mbɑ pʉʉ yʉ́ʉ, pʉʉ nǔu nɔɔ-pʉɔ ɛ̂pɑ́, mbíꞋŋɡɔ Sɛ́ kɑ fúŋnɛ wʉ́ʉ ŋɡɔ pʉʉ pɔ́ yʉ́ʉ pʉɔ-Kɛlístɔ.

Pʉɔ-Lɔ́mɑ 16:18

MbíꞋŋɡɔ yîyɑ́ ntɛ́ pʉɔ kɑ́ pɔ́ ɛ́fɑꞋ fɑꞋ-Tsɑpʉɔ wɛkŋɛ Yɛ́su Kɛlístɔ pɔ́, pɔ́p tsɑ́ɑ pɔ nɛpɛm nɔ́p. Pɔ́p lɔk sẅiŋɛ pɔ́tnɛ́nɛ mbɑ sẅiŋɛ lẅɑklɛ, ɛ́fúklɛ pʉɔ pi jínu yɔ́p túꞌ tuꞋnɛ.

Pʉɔ-Lɔ́mɑ 6:22

Lɑ́ pɑ́Ꞌ ɛ́ kɛ́ ḿbɛn ḿbɔ́ ŋkɔ̂ɔnɛ, mbɔ Sɛ́ kíɛꞋ ŋkʉ-nu kɛpɔŋ nǔu pʉʉ, pʉʉ tsʉ́Ꞌ pɛkwɑɑ pɛ́ lɑ́, pii yi ɛ́ sɛ́ ńcẅɛt ɛ́ pɑ́Ꞌ Sɛ́ sɛ́ ńcẅɛ́lɛ wʉ́ʉ pʉʉ pɔ́ ŋ́ɡẅɛɛ tsẅɛ́-pʉɔ pɛ́, ɛ́ ɡʉ ŋ́ɡɛ ńtsʉ́Ꞌ nɛmɛkŋɛ pʉʉ ɡẅɛɛ luk kɛ́mɛ,

Pʉɔ-Lɔ́mɑ 8:30

Pʉɔ pi Sɛ́ kɑ zɑ́Ꞌnɛ njí ńtsɔ́Ꞌ wɔ́p, ɑ lɛɛ tɛ ḿbɛn ɛ́fúŋ pɔ wɔ́p, ɛ́fúŋ wɔ́p pɔ́Ꞌɔ, ḿbɛn ńtsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́, ɛ́ pɔɔ kuꞋ pɔ ndɑꞋ pɔ́Ꞌɔ pɔ́, ɑ kɑ pɛn ŋ́ɡɑ́ nɛɡúꞋ mbɔ̌ pɔ́p.

Pʉɔ-Lɔ́mɑ 9:24

Pîpɑ́ pʉɔ lɔk ḿbɔ́ pɔ wɛkŋɛ wɔ, pɛkŋɛ pi ɑ tsɔ́Ꞌnɛ tsɛtsɛt pɑyúdɑ mbɑ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́.

1 Kɔlɛ̂ŋtɛ 1:2

Mɔ ŋwɑꞋnɛ́nɛ ŋ́ɡɑ́ mbɔ̌ cúꞋlɛ-pʉɔ-Sɛ́-tʉ́sɔŋ-Kɔlɛ̂ŋtɛ, pɔ́p pinɛ Sɛ́ kɑ tɛmtɛ́nɛ wɔ́p nǔu Yɛ́su Kɛlístɔ ńdɔk wɔ́p ŋ́ɡɛ pʉɔ pɛ́, ńcú mbɔ̌ pɔ́p ŋɡɔ pɔ́p pɔ́ kwɑꞋ pʉɔ pɛ́. Ŋ ɡɑ́ yɔ ŋwɑꞋnɛ mbɑ mbɔ̌ pʉɔ tsʉʉ pi pɔ́p mbɑ ɡɔ́ lɑ́, ɛ́fúŋ lík-Tsɑpʉɔ wɛkŋɛ Yɛ́su Kɛlístɔ. A lɔk pɔ́Ꞌɔ, ḿbɛn ḿbɔ́ Tsɑpʉɔ wɔ́p ɡúu.

1 Kɔlɛ̂ŋtɛ 6:11

Ɛ́ pɑ́Ꞌ pɛcɔ́ pʉɔ tsɛtsɛt pʉʉ kɑ zɛɛ ḿbɔ́ pɔ́Ꞌɔ. Lɑ́ Sɛ́ kɑ suk mîmɑ́ mɛnu nǔu pʉʉ, ńdɔk wʉ́ʉ ŋ́ɡɛ pʉɔ pɛ́. Sɛ́ wɛkŋɛ kɑ lɔk Zẅikŋɛ yɛ́ ŋ́ɡɛ pʉʉ tsʉ́Ꞌ ḿbɔ́ pɔ pʉɔ pi pɔ́p ndʉ́ŋndʉŋ mbi yɛ́ ntɛ́ Tsɑpʉɔ Yɛ́su Kɛlístɔ. Pʉʉ ɡẅɛɛ mbʉʉ yʉʉ lɑ ńjí ŋɡɔ pʉʉ ńdɔk ŋ́ɡúꞋlɛ Tsɑpʉɔ.

Ɛ́fɛ̂zɛ 5:26

ŋ́ɡɛ pɔ́Ꞌɔ, ńdɔk ɛ́fɑk cúꞋlɛ yɛ́ ŋ́ɡɑ́ mbɔ̌ Sɛ́. Ɛ́ ɡɔ́ ḿbɔ́, mbɔ ɑ lɔk ŋki ɛ́suk wɔ́p, ḿbɛn ńdɔk sẅiŋɛ ńcẅɛɛtɛ lɔ́Ꞌ nǔu pɔ́p.

1 Tɛsɑlɔník 2:12

Pɛk kɑ níꞋ mɛtʉʉ mʉ́ʉ, ńníꞋ tʉ́m yʉ́ʉ, ńtsuŋ ńcú mbɔ̌ pʉʉ ŋɡɔ pʉʉ nɛn nǔu sɛ̂ndúŋ ẅi Sɛ́ sɛ́ ŋ́kɔŋ. Jʉ́ ẅi ɑ sɛ́ ɛ́fúŋ wʉ́ʉ tsɛt nɛfɔɔ nɛ́, tsɛt nɛɡúꞋ wɛ.

1 Tɛsɑlɔník 5:23

Pɛk sɛ́ ńdɔ́ɔ ŋɡɔ Sɛ́ nɛ́ tú yɛ́, ẅi ɑ Sɛ́-mbɔ́tnɛ, ɑ ɡɛ pʉʉ pɔ́ pʉɔ pɛ́ tɛ ńdẅiklɛ, ŋɡɔ ɑ pyɛ́p zẅikŋɛ yʉ́ʉ, ḿbyɛ́p tʉ́m yʉ́ʉ, ḿbyɛ́p mbʉʉ yʉʉ, ɛ́ ɡɛ ḿbɔ́ lɛ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ŋ́ɡɛ ńtɔ́, pʉʉ pɔ́ kɛ́ sɑ̌ɑ lɔ́Ꞌ nǔu pʉʉ.

2 Timɔtɛ́ɛ 1:9

A kɑ ɡɛ pɛkŋɛ luk, ɛ́fúŋ wɛkŋɛ ńdɔk ŋ́ɡɛ pʉɔ pɛ́. A ŋ́kɑɑ ɡɛ pɔ́Ꞌɔ, ɛ́fú nǔu mɛfɑꞋ sʉ́Ꞌnɛ mi pɛkŋɛ fɑꞋnɛ pɔ́, ɑ kɑ ɡɑ́ pɑ́Ꞌ ɑ kɑ kwɑŋɛ́nɛ ḿbɛn ŋ́ɡɛ pɔŋtʉ́m yɛ́. A kɑ lɛɛ nǔu Yɛ́su Kɛlístɔ ńnyɛt pɔŋtʉ́m yɛ́ ɛ̂yɑ́ tɛ ndǔmbí pɛ́t pɔ kɛ́ pɔ́ ɡú.

2 Timɔtɛ́ɛ 4:18

Tsɑpʉɔ ɡʉ ŋ́ɡɛ ɛ́fú nǔu nu kɛpɔŋ ntɛ́ nɛ́ ntɛ́ ńcẅɛɛtɛ wɑ́ɑ, ŋ́ɡɛ ńduk nɛpɔ́ yi ŋ ɡʉ ŋ́kúu tsɛt nɛfɔɔ nɛ́ tʉ́nɛ́pú. Gúꞌlɛ pɔ́ mbɔ̌ Tsɑpʉɔ mɛŋɡuꞋ mɛŋɡuꞋ. Ɛ́ pɔ́Ꞌɔ.

Ɛ́bɛlʉʉ 3:1

Pɔ́Ꞌɔ lɑ, pɔ́ɔpɛ́mɑ́ pɑ́ɑ pʉɔ-Kɛlístɔ, Sɛ́ wi kwɑꞋ jʉ́ kɑ fúŋnɛ wʉ́ʉ nǔu nu yɛ́, mbɑ wɔ̌ lɑ́ tɔ́ nǔu yɛ́ yúu. Pʉʉ sɑ́ŋ nu nǔu ŋu ẅí Yɛ́su jʉ́, ɑ jʉ́ ẅí Sɛ́ kɑ túunɛ ŋɡɔ ɑ pɔ́ wɛkŋɛ nɔŋpɔꞋ wɛ ɡwɛ́ nǔu nu-Sɛ́ ẅi pɛkŋɛ tʉ́ʉnɛ nǔu.

Jɑ̂k 1:1

A mɔ Jɑ̂k, mɔ ŋɡɑŋfɑꞋ-Sɛ́, mbɑ wɛ Tsɑpʉɔ Yɛ́su Kɛlístɔ. Ŋ ɡɑ́ yɔ ŋwɑꞋnɛ mbɔ̌ pʉʉ pɔ́ɔ-Sɛ́ pi pɔ́p nǔu mɛnjẅɛtndɑ́-pʉɔ-Islɑɛ̂l ntsɔ̌ppɑ́ nɛ́ nɛɡɛ́m, mbɔ pɔ́p kɑ sɑt mɔ́ zʉꞋ tsʉʉ ndǔmbí. N cɛꞋlɛ wʉ́ʉ.

1 Pyɛ̂ 1:2

Sɛ́ Tɑ́t kɑ tsɔ́Ꞌ wʉ́ʉ, ɛ́ pɔ́ pɑ́Ꞌ ɑ kɑ lɑ́Ꞌnɛ ńzɑ́Ꞌ njí ńzɑ́p, ḿbɛn ńdɛɛ nǔu Zẅikŋɛ yɛ́ ŋ́ɡɛ pʉʉ tsʉ́Ꞌ pʉɔ pɛ́, nɛpɔ́ yi pʉʉ ɡʉ ńzúꞋ ntsu-Yɛ́su Kɛlístɔ, ɑ lɔk mɛci mɛ́ ɛ́suk wʉ́ʉ. Sɛ́ pɔ́ mbɔ̌ pʉʉ, ŋ́ɡɑ́ mɔ́fíitɛ mbɔ̌ pʉʉ tɛ ɛ́ zɑ́ɑ zɑ́ɑnɛ.

1 Pyɛ̂ 1:5

ɛ́ yúu yʉ́ʉ, pʉʉ pʉɔ pi Sɛ́ sɛ́ ńdɔk mɛtʉʉ mɛ́ ḿbyɛ́p wʉ́ʉ, ɛ́ pɔ́ pɑ́Ꞌ pʉʉ sɛ́ ńzɑ́p tʉ́m nǔu wɛ́. Jʉ́ pyɛ́pnɛ wʉ́ʉ pɑ́Ꞌ pʉʉ ɡʉ ŋ́ɡɛ ŋ́ɡẅɛɛ luk yi ɛ́ ɡʉ ńdɑ́Ꞌ ndẅiknzʉʉ lɛ́Ꞌ ŋ́ɡɛ pɛ́ jʉ́ɔ.

1 Pyɛ̂ 2:9

Lɑ́ ŋ́ɡʉ nǔu pʉʉ, mbɔ pʉʉ njẅɛt-pʉɔ pi Sɛ́ kɑ kɑŋnɛ, ḿbɔ́ pɑnɔŋpɔꞋ-fɔɔ wɛ ɡwɛ́, ḿbɔ́ lɑ́Ꞌ yi ɛ́ yɛ́, ḿbɔ́ pʉɔ pi ɑ kɑ tsúꞋnɛ wɔ́p pɔ́p pɔ́ pɛ́, pɑ́Ꞌ pɔ́p ŋ́ɡɛ ŋ́ɡʉ ɛ́sẅíi mɛmɑ́ mɛnu mi ɑ kɑ ɡɛnɛ, jʉ́ ẅí ɑ kɑ fúnɛ tsɛt nzɛ́nzʉ́ʉ ńcẅɛɛtɛ wʉ́ʉ, ńníꞋ wʉ́ʉ nǔu zʉꞋ fúknɛ yi kyɛꞌ sʉ́Ꞌnɛ yɛ́ zúꞋu.

1 Pyɛ̂ 5:10

Ŋɡʉ̈ɔ́Ꞌ yʉʉ ɡʉ nɑꞋ ńnɑ́ŋ pɔ mɔ́zʉꞋ, Sɛ́ ẅi mbɑ yɛ́tɛ́ nu sʉ́Ꞌnɛ lɑ́ fú pɔ mbɔ̌ wɛ́, jʉ́ ẅí ɑ kɑ lɛɛnɛ nǔu Yɛ́su Kɛlístɔ ɛ́fúŋ wʉ́ʉ pɑ́Ꞌ pʉʉ ɡʉ ḿbɔ́ yʉ́ʉ tsɛt nɛɡúꞋ wɛ ẅí ndẅiklɛ kɑ́ pɔ́ ɡú pɔ́, ɡʉ ɛ́fú pɔ́Ꞌɔ, ŋ́ɡɛ yɛcɔ́ yúu pɔɔ pɛn ńjɑ́k nǔu pʉʉ pɔ́, ńtẅí fufuꞋ wʉʉ, pʉʉ tɛntɛ, pɛ́ pɔɔ pɛn ŋ́kuꞋ nɛtsʉ́ʉ wʉ́ʉ tɛ ḿmɑꞋ sɛ́ pɔ́.

2 Pyɛ̂ 1:1

A mɔ Símɔ̂ŋ Pyɛ̂, ŋu ẅí ɑ fɑꞋnɛ fɑꞋ-Yɛ́su Kɛlístɔ, ḿbɛn ḿbɔ́ ŋɡɑŋntúu wɛ. Ŋ ɡɑ́ yɔ ŋwɑꞋnɛ mbɔ̌ pʉʉ pi pʉʉ kɑ zɑ́pnɛ tʉ́m yʉ́ʉ nǔu Yɛ́su Kɛlístɔ pɑ́Ꞌ pɛk yɛ́k. Nɛzɑ́p tʉ́m nǔu Yɛ́su Kɛlístɔ, ɛ́ yúu tʉʉndɛn mbɔ̌ pʉʉ mbɑ mbɔ̌ pɛk ɡúu. Yɛ́su Kɛlístɔ kwɑꞋ jʉ́ kɑ ɡɛnɛ pɔ́Ꞌɔ mbɔ̌ pɛkŋɛ, mbíꞋŋɡɔ ɑ ɡɛ yúu nǔu mbɑ wɔ̌ lɑ́ pɔ ndʉ́ŋndʉŋ. A Sɛ́ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

Jẅidɛ 1:21

Pʉʉ ɡɛ Sɛ́ kɛ́ ḿbɔ́ ŋ́kẅiꞋ ŋ́kɔŋ wʉ́ʉ kɔŋnɛ, ḿbɔ́ ńzẅíꞋlɛ ŋɡɔ Tsɑpʉɔ wɛkŋɛ Yɛ́su Kɛlístɔ ŋ́ɡʉ ŋ́ɡɛ pʉʉ ɡẅɛɛ luk kɛ́mɛ, mbíꞋŋɡɔ ɑ tsɑ́ɑ mɛjʉ́ŋ mʉ́ʉ.

Jẅidɛ 1:3

Pɛsúu pɑ́ɑ pɛ́ tʉʉndɛn, ŋ kɑ pɔ́ ńtsɑ́ɑ tɛꞋ nɛŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ nǔu pɑ́Ꞌ Sɛ́ ɡɛnɛ pɛkŋɛ pɛtsʉʉ luk, lɑ́ ŋkɔ̂ɔnɛ, ɛ́ píkŋɛ ŋɡɔ ŋ ŋwɑꞋnɛ ńdɔk ńníꞋ mɛtʉʉ mʉ́ʉ nɛmɑꞋ ntsɔ nǔu ntɛ́ yi yúu kɛ́ kẅiꞋ nǔu sẅiŋɛ-Sɛ́ yi pɛkŋɛ pɛ́mnɛ yi Sɛ́ ɡɑ́nɛ mbɔ̌ pɛkŋɛ pi pɛkŋɛ pʉɔ pɛ́ tɛ ɛ́fɛ́ɛ.