Jɑ̂ŋ 8:48 - Kɑɑ Fí

⁴⁸ Pɑyúdɑ cú mbɔ̌ Yɛ́su ŋɡɔ: «pɛk lɑɑ ɛ́fúŋ wú ŋɡɔ ŋu-Sɑmɑlîi, mbɔ pɛk kɑ́ ɛ́fɑɑnɛ pɔ́. Mbɑ nɛcú ŋɡɔ zẅikŋɛ kɛpɔŋ nǔu wu.»

Jɑ̂ŋ 8:48 교차 참조

Mɑtʉ̈ɔ 10:25

Pɑ́Ꞌ pɛ́ piitɛ́nɛ ɛ́fúŋ ŋɡɑŋndɑ́ ŋɡɔ: Bɛlzɛbûl, pɛ́ ɡʉ ŋ́kúu nǔu pʉɔ-ndɑ́ pɛ́, lɑ ńnɑ́ kɛ́ fúŋ wɔ́p pɔ́Ꞌɔ, kɛkʉ̈ɔ́? Yúu mi ɛ́ ɡɛnɛ cícɑ, yîyɑ́ yúu ɡʉ ńdɑ́Ꞌ ŋ́ɡɛ ŋu ẅí ɑ sɛ́ ńzíꞋ nu yɛ́, ḿbɔ́ yi kʉ̈ɔ́ lɑ́ ɡɛ tɑ̌ɑ pɛ́ ŋkwɑɑ lɑ́, mbɔ yîyɑ́ yúu ɡʉ ḿbɛn ńdɑ́Ꞌ ŋ́ɡɛ ŋkwɑɑ ɡúu.

Mɑtʉ̈ɔ 10:5

Yɛ́su ɡɔ́ ńtúu ɡɑŋntúu pɔnɛ ntsɔ̌ppɑ́ nɛ́ nɛɡɛ́m, ńcú mbɔ̌ pɔ́p ŋɡɔ: Kɔɔ pʉʉ ɡʉ tsɛt mɛlɑ́Ꞌ pʉɔ pínɛ pɔ́p kɑ́ pɔ́ Pɑyúdɑ pɔ́, kɔɔ pʉʉ kúu tsɛt mɛtʉ́sɔŋ Pɑsɑmɑlii.

Mɑtʉ̈ɔ 11:18

Yɑ́ kwɑꞋ pɑ́Ꞌ pɔ́p kɑ ɡɛnɛ nǔu Jɑ̂ŋ. A kɑ tɔ́ ḿbɔɔ yúu kwɛ́t, ḿbɔɔ mɛluꞋ nɔ́, pɔ́p cú ŋɡɔ mɛzẅikŋɛ kɛpɔŋ mbʉʉ yɛ.

Mɑtʉ̈ɔ 12:24

Lɑ́ pʉɔ-fɑlísɑy zúꞋ pɔ́Ꞌɔ, ńcú ŋɡɔ: «Bɛlzɛbûl, tɑ́tndɑ́-mɛzẅikŋɛ kɛpɔŋ ɡɛnɛ lɑ Yɛ́su kuꞋ nɛzuŋ mɛzẅikŋɛ kɛpɔŋ.»

Mɑtʉ̈ɔ 12:31

Pɔ́Ꞌɔ, lɑ́ n cú mbɔ̌ pʉʉ ŋɡɔ ɛ́ lɑɑ ḿbɔ́ Sɛ́ lɑ́Ꞌ ńdikŋɛ mɛnu kɛpɔŋ pʉɔmɛsɔŋ tsʉʉ, ŋ́ɡɑ́ mbɔ̌ pɔ́p, tɛ mbɑ mɛsẅíŋɛ tsʉʉ mí pɔ́p lɔknɛ ńzɔɔtɛ wɛ́. Lɑ́ ŋu kɛ́ ńzɔɔtɛ Zẅikŋɛ-Sɛ́, mbɔ pɛ́ ŋ́ɡʉ ńdɑ́Ꞌ ńdikŋɛ ŋ́ɡɑ́ mbɔ̌ wɛ́ pɔ́.

Mɑtʉ̈ɔ 15:7

Pʉʉ pɑŋkɔŋ-mík! Ɛsɑ̌yɑ Ŋɡɛ́mndʉ̈ɔ́Ꞌ-Sɛ́, kɑ pɔ́ fɑ́ɑ ńcú pɛꞋnɛ sẅíinu, pɑ́Ꞌ ɑ kɑ cúnɛ nǔu mɑt-lɑ́Ꞌ wʉʉ ŋɡɔ Sɛ́ cú ŋɡɔ:

Jɑ̂ŋ 1:19

Jɑ̂ŋ ɡɛ ńcú nu ntɛ́ Yɛ́su. Ɛ́ pɔ́ yɛcɔ́ ŋkɑ́, pɑsɑ́Ꞌlɑ́Ꞌ-pɑyúdɑ pínɛ pɔ́p Yɛlúsɑlɛm túu pɑnɔŋpɔꞋ pɔ́p pʉɔ nǔu njẅɛt-Lɛ́vi, ŋɡɔ pɔ́p ɡʉ ḿbíkŋɛ Jɑ̂ŋ ŋɡɔ: «A pɔ́ wɔ̌?»

Jɑ̂ŋ 10:20

Nɛzɑ́ɑ pʉɔ tsɛtsɛt pɔ́p pɔ́ ńcú ŋɡɔ: «zẅikŋɛ kɛpɔŋ kɑ ɡẅɛɛ wɛ́. A pɑ́lɛ. A cú kʉ̈ɔ́ tɛ pʉʉ zẅíꞋlɛ?»

Jɑ̂ŋ 13:13

Pʉʉ fúŋnɛ wɑ́ɑ ŋɡɔ Cícɑ, ɛ́fúŋ wɑ́ɑ ŋɡɔ Tsɑpʉɔ, ńcú sẅíinu mbíꞋŋɡɔ mɔ jʉ́.

Jɑ̂ŋ 4:9

Mɑŋɡɛ́-Sɑmɑlîi cú mbɔ̌ Yɛ́su ŋɡɔ: «Ɔ ŋu-Pɑyúdɑ, ḿbɛn ńdɔ́ɔ ŋki nɔ́nɛ mbɔ̌ mɔ mɑŋɡɛ́-Sɑmɑlîi ɔɔ?» A kɑ pɔ́ ńcú pɔ́Ꞌɔ, mbíꞋŋɡɔ pɑyúdɑ pɔ́p Pɑsɑmɑlîi ŋkɑɑ ḿbɔ́ ńzúꞋnɛ pɔ́.

Jɑ̂ŋ 7:20

Lɑ́Ꞌ pʉ̈ɔt mbɔ̌ Yɛ́su ŋɡɔ: «zẅikŋɛ kɛpɔŋ nǔu ɡu! Wɔ̌ sɛ́ ńdɔɔ nɛjẅí wú?»

Jɑ̂ŋ 8:22

Pɑyúdɑ zúꞋ pɔ́Ꞌɔ, ńcú ŋɡɔ: «Jʉ́ ɡʉnɛ ńjẅí mbʉʉ yɛ kɛkʉ̈ɔ́? MbíꞋŋɡɔ ɑ cú ŋɡɔ: “Pʉʉ kɑ́ kuꞋ nɛɡʉ zʉꞋ yi ŋ ɡʉnɛ nɛ́ zúꞋu pɔ́.”»

Jɑ̂ŋ 8:52

Pɑyúdɑ cú mbɔ̌ Yɛ́su ŋɡɔ: Ɛ́ nǔu ŋkɔ̂ɔnɛ, mbɔ pɛk jí ŋɡɔ zẅikŋɛ kɛpɔŋ nǔu ɡu. Ábɛlɛhɑ̂m kɑ pfú, pɛŋɡɛ́mndʉ̈ɔ́Ꞌ-Sɛ́ pɛn ḿpfú yɔ́p, ɔ pɛn ḿbɔ́ ńcú ŋɡɔ: Ŋu lɑɑ ńnɛn nǔu sẅiŋɛ yú, mbɔ ɑ kɛ́ lɑ́Ꞌ ḿpfú pɔ́.

Pʉɔ-Lɔ́mɑ 15:3

Kɛlístɔ kɑ zɛɛ ḿbɔɔ lɔɔ pɔ yúu mi ɛ́ pɔŋnɛ pɔ ndɑꞋ wɛ́ pɔ́. Tɛ ńtsʉ́Ꞌ pɔ́Ꞌɔ, mbɔ ɑ kɑ pɛ́m yúu mi pɛ́ cúnɛ tsɛt ŋwɑꞋnɛ-Sɛ́ ŋɡɔ: «Nzɔɔmɛ-pɑzɔɔtɛ wú kɑ vu tú mɔ».

Ɛ́bɛlʉʉ 13:13

Pɔ́Ꞌɔ lɑ́, pɛkŋɛ fú yɛkŋɛ zʉꞋ yi pɛ́ tsẅɛ́nɛ zúꞋu, ńcẅɛt, ŋ́ɡʉ ńtsɛ́t wɛ́, ḿbɔ́ ḿbɛ́m ŋɡɔ pɛ́ zɔɔtɛ wɛkŋɛ pɑ́Ꞌ jʉ́.

Jɑ̂k 2:19

Ɔ sɛ́ ḿbɛ́m ŋɡɔ Sɛ́, wɛ́mɔ́Ꞌ, ɔ́ɔŋ ɛ́ pɔŋ, mɛzẅikŋɛ kɛpɔŋ pɛn ḿbɔ́ ḿbɛ́m yɔ́p pɔ pɔ́Ꞌɔ, lɑ́ ḿbɛn ḿbɔ́ ŋ́ɡwɛt.