Jɑ̂ŋ 8:42 - Kɑɑ Fí

⁴² Yɛ́su cú mbɔ̌ pɔ́p ŋɡɔ: «Sɛ́ lɑ́Ꞌnɛ pɛ́Ꞌnɛ ḿbɔ́ tɑ̌ɑ wʉʉ, mbɔ pʉʉ kɔŋ wɑ́ɑ. Ŋ kɑ zɛɛ ɛ́fú pɔ mbɔ̌ Sɛ́ ńtɔ́. Ŋ ɡɔ́ ḿbɔ́ zɑꞋnɛ jʉ́ cúnɛ. Mɔ ŋkɑɑnɛ zɑ́p ŋɡɔ ŋ ɡʉ ńtɔ́ pɔ́, jʉ́ kɑ túunɛ wɑ́ɑ.

Jɑ̂ŋ 8:42 교차 참조

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 12:49

Ɛ́ mbíꞋŋɡɔ mɔ ŋkɑɑ cú pɔ nu yí ɛ́ fúnɛ mbɔ̌ mɔ pɔ́, ŋ kɑ cú pɔ nu yí Tɑ̌ɑ mɔ ẅí ɑ kɑ túunɛ wɑ́ɑ kɑ cúnɛ ŋɡɔ n cú, mbɑ nu yí ŋ ɡʉ ńcú nu nǔu.

Jɑ̂ŋ 13:3

Yɛ́su pɔ́ ńjí ŋɡɔ Tɑ́t wɛ kɑ níꞋ mɛtʉʉ nɛlɔk ŋ́ɡɛ yúu tsʉʉ mbɔ̌ wɛ́, ḿbɛn ḿbɔ́ ńjí ŋɡɔ ɑ kɑ fú mbɔ̌ Sɛ́, ɑ pɛn ḿbɔ́ ŋ́ɡʉ nɛ́ nɛjɔ́ŋ Sɛ́.

Jɑ̂ŋ 14:10

Ɔ kɑ́ pɔ́ ḿbɛ́m ŋɡɔ mɔ nɛ́ Tɑ̌ɑ mɔ, pɛkŋɛ tɛmtɛ ḿbɔ́ pɔ tɑ́Ꞌ yúu pɔ́ Kɛ? Nu yí ɛ sẅíinɛ wʉ́ʉ kɑ́ pɔ́ ɛ́fú mbɔ̌ mɔ pɔ́. Tɑ̌ɑ mɔ ẅí ɑ nɛ́ mɔ jʉ́ lɔknɛ wɑ́ɑ ɛ́fɑꞋ mɛfɑꞋ mɛ́.

Jɑ̂ŋ 16:30

Pɛk jí ŋkɔ̂ɔnɛ ŋɡɔ ɔ jí mbɑ kʉ̈ɔ́ lɑ́, tɛ ḿbiitɛ ńjí yúu mi pɛk lɔɔ nɛpíkŋɛ wú. Ɛ́ yúu mi ɛ́ ɡɛnɛ pɛk pɛ́m ŋɡɔ ɔ fú mbɔ̌ Sɛ́.»

Jɑ̂ŋ 17:25

Tɑ̌ɑ mɔ, ɔ ŋu ndʉ́ŋndʉŋ, pʉɔ ndǔmbí ŋkɑɑ wú jí, lɑ́ ŋ kɛ́ ḿbɔ́ ńjí wú, pɔ pʉɔ kɛ́ ńjí ŋɡɔ ɡu kɑ túunɛ wɑ́ɑ.

Jɑ̂ŋ 17:8

Ŋ kɑ kɛ́ ńcú mɛnu tsʉʉ mí ɔ kɑ níꞋnɛ mbɔ̌ mɔ mbɔ̌ pɔ́p, pɔ́p pɛ́m, ńtsuŋ ńjí ŋɡɔ ɛ fú nɛjɔ́ŋ ɡu, ḿbɛn ńjí ŋɡɔ ɡu kɑ túunɛ wɑ́ɑ.

Jɑ̂ŋ 3:17

Mbɑ pɔ́Ꞌɔ, Sɛ́ ŋkɑɑ zɛɛ ńtúu Mɔ́ɔ nɛ ndǔmbí ŋɡɔ ɑ ɡʉ ŋ́ŋɑk pʉɔmɛsɔŋ pɔ́. A kɑ túu wɛ́ nɛpɔ́ yi ɑ ɡʉ ŋ́ɡʉ ŋ́ɡɛ pʉɔmɛsɔŋ luk.

Jɑ̂ŋ 5:23

Ɛ́ lɛɛ pɔ́Ꞌɔ, pʉɔtsʉʉ ɡɑ́ mɛkuꞋ-Mɔ́ɔ nɛ pɔ ndʉ́ŋndʉŋ pɑ́Ꞌ pɔ́p sɛ́ ŋ́ɡɑ́ mɛ́ Tɑ̌ɑ wɛ. Ŋu ẅí ɑ kɑ́ ɡɑ́ mɛkuꞋ-Mɔ́ɔ-Sɛ́ pɔ́, ŋɡɑŋ lɔk ḿbɔɔ ŋ́ɡɑ́ mɛkuꞋ-Tɑ́t wɛ ẅí ɑ kɑ túunɛ wɛ́ pɔ́.

Jɑ̂ŋ 5:43

Ŋ kɑ lɔk lík-Tɑ̌ɑ mɔ ńtɔ́, pʉʉ lʉꞋ nɛpɛ́m yɑ́ɑ nu. Lɑ́ ḿbɔ́ yi wɛcɔ́ ŋu ndɛꞋ lɑɑ ńtɔ́ ŋkɔ̂ɔnɛ pɔ nǔu yɛ́ lík, mbɔ pʉʉ ɡʉ ḿbɛ́m yɛ́ nu.

Jɑ̂ŋ 8:14

Yɛ́su tsɔ́Ꞌ mbɔ̌ pɔ́p ŋɡɔ: «N dɑɑ ńzɛɛ ḿbɔ́ ńcú nu yi n jínɛ nǔu túmbʉʉ yɑ́ɑ lɑ́, nu yi n cúnɛ kɛ́ ḿbɔ́ nɛ́nẅín, mbíꞋŋɡɔ mɔ sɛ́ ńjí zʉꞋ yí ŋ kɑ fúnɛ zúꞋu, ḿbɛn ḿbɔ́ ńjí zʉꞋ yí ŋ ɡʉnɛ nɛ́ zúꞋu. Lɑ́ ŋ́ɡʉ nǔu pʉʉ, mbɔ pʉʉ kɑ́ pɔ́ ńjí zʉꞋ yí ɛ fúnɛ nɛ́ zúꞋu pɔ́, ḿbɛn ŋ́kɛ́ ḿbɔɔ ńjí zʉꞋ yí ŋ ɡʉnɛ nɛ́ zúꞋu pɔ́.»

1 Kɔlɛ̂ŋtɛ 16:22

Ŋu lɑɑ mbɔɔ kɔŋ Tsɑpʉɔ Yɛ́su pɔ́, Sɛ́ níꞋ ndɔɔ tú-ŋɡɑŋ. Mɑlɑnɑtɑ Tsɑpʉɔ wɛk, tɔ́!

Ŋɡɑlɑ̂t 4:4

Lɑ́ ŋkɑ́ yi Sɛ́ kɑ zɑ́pnɛ kɑ pɔ́ tɛ ŋ́kuꞋ, ɑ túu Mɔ́ɔ nɛ. A ɡɔ́ ńtɔ́ mɑŋɡɛ́ pí wɛ́. A pɔ́ ńnɑ́ŋ nǔu pɑ́Ꞌ nɛpʉ́ʉ Mɔ̌sɛ̂ɛ píkŋɛ́nɛ.

1 Jɑ̂ŋ 4:14

Pɛk kɑ lɔk mík mɛ́k ńjʉ́ɔ tɛ ḿbɔ́ ńcú pɑ́Ꞌɑ, ḿbɔ́ pɑjʉ́njʉ́ɔ nǔu pɑ́Ꞌ ɑ kɑ túunɛ Mɔ́ɔ nɛ, pɑ́Ꞌ ɑ ḿbɔ́ ŋu ẅí ɑ ŋ́ɡɛ pʉɔ-ndǔmbí luk.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

Mɛnu ɛ́ ńdɑ́Ꞌ ńcẅɛt 22:1

Cʉ̈ɔꞋ-Sɛ́ pɑ́ɑtɛ ńnyɛt wɑ́ɑ nɛ́ mí ẅi ɛ́ ŋki ẅí ɛ́ ɡɛnɛ pɛ́ pɔ́ ɡú, ɛ́ pɔ́ ɛ́síi pɑ́Ꞌ tɛ ńdɛɛ túkcí yi pɛ́ fúŋnɛ ŋɡɔ kɛlistɑl lɑ́, ɛ́ pɔ́ ɛ́fú nǔu kɔꞋ-nɛfɔɔ-Sɛ́ pɔ́p Mɔ́ɔ-Njinjɔ ńcẅɛt.